Mateus 9:13 - Chuukese Bible

¹³ Oupwe feila o kütta wewen ei kapas lon ewe Toropwe mi Pin, ‘Üa mochen pwe aramas repwe eäni tong enlet, nge sap ar repwe asor man ngeniei.’ Ngang üsap feito pwe üpwe kökköri ekewe chon pwüng, pwe fen ekewe chon tipis.”

Mateus 9:13 Iomraidhean Croise

Än Salomon Fos 21:3

Ewe Samol mi Lapalap a efich pwüng me pwüngüöch lap seni asor.

Osea 6:6

Pun üa mochen ämi oupwe eäni tong ellet, nge sap ämi mönün asor. Üa mochen ämi nei aramas oupwe sileei, nge sap ämi asoren kek.

Mateus 12:3

Jesus a pölüeniir, “Ousap aleani mwo mine Tafit a föri lon ewe fansoun, lupwen i me chienan kewe ra echik?

Mateus 12:5

Ika ousap aleani mwo mine a mak lon än Moses kewe allük, pwe iteiten ränin sapat ekewe souasor lon ewe imwenfel ra atai ewe allükün sapat, nge resap tipis?

Mateus 12:7

Lon ekewe Toropwe mi Pin a mak, ‘Üa mochen pwe aramas repwe eäni tong enlet, nge sap ar repwe eäni asor man ngeniei.’ Are ämi oua wesewesen silei wewen ei kapas, ousap atipisi ekewe aramas esap wor ar tipis.

Mateus 19:4

Jesus a pölüeniir, “Ousap aleani mine a mak lon ekewe Toropwe mi Pin, pwe seni lepoputän ewe mi föri aramas a föri mwän me fefin?

Mateus 21:42

Iwe, Jesus a üreniir, “Ousamwo fen aleani lon ekewe Toropwe mi Pin? ‘Ewe fau ekewe chon kaü imw ra pöütala pun resap aücheani a wiliti ewe föün lepwokuku mi fokun aüchea. Iei än ewe Samol föför a fokun amwarar mwen mesach!’

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 3:8

Oupwe föri sokun föför epwe pwärätä pwe oua aier seni ämi tipis.

Mateus 4:17

Seni ena fansoun Jesus a popuetä le eäni ei afalafal, “Oupwe aier seni ämi tipis, pun a arap Mwün Läng!”

Markus 12:26

Nge usun manausefälin sotup: Ousamwo aleani lon ewe puken Moses usun ewe iräfölüföl mi pulopulen ekkei? Seni lon ewe irä Kot a kapas ngeni Moses, ‘Ngang än Apraham, Isaak me Jakop we Kot.’

Markus 12:33

Iwe, eman aramas epwe echeni Kot ren unusen lelukan, ren unusen ekiekin me unusen tufichin, epwe pwal echeni chon arun usun chök püsin an echeni. A men fokun aüchea än eman epwe aleasochisi ekei ruu allük, lap seni än epwe eäni asor man me sokopaten asor ngeni Kot.”

Markus 2:17

Lupwen Jesus a rongorong ngeni ekei kapas a üreniir, “Esap lomot eman sousafei ngeni aramas mi pöchökül, nge a lomot ngeni chök chon samau. Ngang üsap feito pwe üpwe köri ekewe chon pwüng, pwe ekewe chon tipis.”

Lukas 10:26

Jesus a pölüeni, “Met a mak lon ewe Allük? Met ka aleani?”

Lukas 19:10

Pun nöün aramas a feito pwe epwe kütta o amanaua ekewe chon mwalechela.”

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Lukas 5:31

Jesus a pölüeniir, “Aramas mi pöchökül esap lomot ngeniir eman sousafei, nge a lomot ngeni ekewe chon samau.

Lukas 5:32

Ngang üsap feito, pwe üpwe köri ekewe chon pwüng ar repwe ekieksefäl, pwe ekewe chon tipis.”

Johannes 10:34

Jesus a pölüeniir, “A mak lon ämi puken Allük pwe Kot a apasa, ‘Ämi oua kot.’

Föför 11:18

Lupwen ra rongorong ei pworaus, ra ükütiu le esita Petrus, ra mwareiti Kot o apasa, “Kot a pwal mwüt ngeni ekewe chon lükün Israel pwe repwe ekieksefäl o küna manau.”

Föför 2:38

Petrus a pölüeniir, “Ämi meinisin oupwe aier seni ämi tipis kana o papatais ngeni iten Jesus Kraist, pwe ämi tipis kana repwe musala. Iwe, oupwe angei an Kot we lifang, ewe Ngünmifel.

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 3:19

Oupwe ekieksefäl o kul ngeni Kot, pwe ämi tipis epwe mola,

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

2. Petrus 3:9

Ewe Samol esap mang le apwönüetä an pwon usun ekoch ra ekieki, pwe a mosonotam ngenikemi, pun esap mochen pwe eman epwe pöütmwälila, nge a fen mochen pwe meinisin repwe ekieksefäl.