Mateus 9:12 - Chuukese Bible

¹² Jesus a rongorong ar kei kapas o üreniir, “Eman sousafei esap lomot ngeni aramas mi pöchökül, pwe a lomot ngeni chök ekewe chon samau.

Mateus 9:12 Iomraidhean Croise

Kölfel 147:3

A apöchöküla ir mi tatakis leluker o filiti kinaser.

Kölfel 41:4

Nge ngang üa apasa, “Ai Samol mi Lapalap, kopwe ümöümöch ngeniei o apöchökülaei, pun üa tipis ngonuk.”

Kölfel 6:2

Kopwe ümöümöch ngeniei, ai Samol mi Lapalap, pun üa fokun pekus. Ai Samol mi Lapalap, kopwe apöchökülaei, pun üa fokun apwangapwang.

Jeremaia 17:14

Ai Samol mi Lapalap, kopwe apöchökülaei, pwe üpwe wesewesen pöchökül. Kopwe amanauaei pwe üpwe fokun manau, pun en ewe üa mwareiti.

Jeremaia 30:17

Iwe, ngang üpwe apöchökülakemi o amoela kinasemi, inamwo ika chon oputakemi ra aita ngenikemi chon pöütüla o apasa, ‘Esap wor eman a chüngü Sion.’ Ngang ewe Samol mi Lapalap üa kapas.”

Jeremaia 33:6

Inamwo ai föri ei, nge üpwe apöchökülasefäli ei telinimw, üpwe pwal achikara ekewe aramas o ngeniir unusen kinamwe me nonomöch.

Jeremaia 8:22

Ifa usun, esap wor och säfei lon Kiliat? Ifa usun, esap wor eman sousäfei ikenan? Pwota nei aramas resap chikarsefäl?

Osea 14:4

Iwe, ewe Samol mi Lapalap a üra, “Üpwe aliwinato nei aramas o tongeer seni unusen letipei, pun üsap chüen song ngeniir.

Mateus 18:11

[Pun Nöün Aramas a feito, pwe epwe amanaua mine a mwalechela.]

Markus 2:17

Lupwen Jesus a rongorong ngeni ekei kapas a üreniir, “Esap lomot eman sousafei ngeni aramas mi pöchökül, nge a lomot ngeni chök chon samau. Ngang üsap feito pwe üpwe köri ekewe chon pwüng, pwe ekewe chon tipis.”

Lukas 5:31

Jesus a pölüeniir, “Aramas mi pöchökül esap lomot ngeniir eman sousafei, nge a lomot ngeni ekewe chon samau.

Lukas 8:43

Iwe, a wor eman fefin a nom leir, a fokun riaföü ren an samaun fefin lon ükükün engol me ruu ier. Neminei a fangala meinisin mine a wor ren ngeni ekewe sousafei, nge esap wor eman a tongeni apöchöküla.

Lukas 9:11

Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Kolose 4:14

Lukas nöüch we sousafei mi achengicheng pwal Temas ra tinala ar kapong ngenikemi.