Mateus 8:4 - Chuukese Bible

⁴ Mürin Jesus a üreni ewe mwän, “Kopwe pii, pwe kosap üreni eman usun mine a fis. Nge kopwe feila ren ewe souasor pwe epwe nenengenuk. Iwe, kopwe eäni ewe asor Moses a allük fän iten limelim, pwe epwe alletätä ngeni aramas pwe ka limöch.”

Mateus 8:4 Iomraidhean Croise

Aisea 42:21

Iwe, ewe Samol mi Lapalap a pwapwa le atekiai an allük o alinga pokiten an pwüng.

Lifitikos 13:49

are ei niwangir a anüefetil ika anüepar, iei eu niwangir mi chöfetal. Iwe, repwe aküna ngeni ewe souasor.

Mateus 10:18

Repwe emwenikemiila mwen ekewe kepina me king pokiten itei, pwe oupwe apworausa ewe Pworaus Allim ngeniir, pwal ngeni ekewe chon lükün Israel.

Mateus 16:20

Mürin Jesus a allük ngeni ekewe chon kaiö pwe resap üreni eman pwe i ewe Kraist.

Mateus 17:9

Lupwen ra feitiu me won ewe chuk, Jesus a allük ngeniir, “Ousap asile ngeni eman usun met oua küna, tori Nöün Aramas epwe manausefälitä seni mäla.”

Mateus 3:15

Iwe, Jesus a pölüeni, “Kopwe chök föri met wisom. Pun ren ei sipwe föri meinisin mine letipen Kot.” Iei mine Johannes a tipeeu ngeni.

Mateus 5:17

“Ousap ekieki pwe üa feito pwe üpwe amoola än Moses kewe Allük me än ekewe soufos kapasen kait. Ngang üsap feito pwe üpwe amorerela, nge üa feito pwe üpwe unusen apwönüretä.

Mateus 6:1

“Oupwe tümwünüfichi, pwe ousap föri ämi föförün pwüng mwen mesen aramas pwe repwe küna mine oua föri. Pun are oupwe föri iei usun, ousap angei och liwin seni Sememi mi nom läng.

Mateus 9:30

Iwe, a nenela meser. Nge Jesus a fokun pese ngeniir, pwe resap üreni eman mine a fis.

Markus 13:9

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Markus 3:12

Nge Jesus a allük ngeniir, pwe resap pwäri ngeni eman usun i.

Markus 5:43

Nge Jesus a allük ngeniir, pwe resap üreni eman mine a fis, a pwal üreniir pwe repwe amongöü.

Markus 6:11

Nge are oupwe tori eu telinimw, nge resap etiwakemi ika aüselingakemi, oupwe towu seni ei telinimw o wichikala pwülün fän pechemi, pwe epwe eu minen pwärätä ngeniir, pwe ra mwäl.”

Markus 7:36

Mürin Jesus a allük ngeni ekewe aramas pwe resap apworausa ngeni eman mine a fis. Lon an allüküchou ngeniir, nge ra chök alapala ar apworausafeili ewe pworaus.

Markus 8:30

Iwe, Jesus a allük ngeniir, “Ousap fokun üreni eman och usi!”

Markus 9:9

Iwe, lupwen ra feitiu me won ewe chuk, Jesus a allük ngeniir, “Ousap üreni eman met oua küna, tori Nöün Aramas epwe manausefäl seni mäla.”

Lukas 17:14

Iwe, lupwen Jesus a küneer a üreniir, “Oupwe feila ren ekewe souasor, pwe repwe nenengenikemi.” Iwe, lupwen ra feila, ra limöchüla seni rupur kewe.

Lukas 21:13

Ei fansoun epwe eu fansoun mi fich ngenikemi ämi oupwe apworausa ewe Pworaus Allim.

Lukas 4:41

Pwal anün rochopwak ra towu seni chomong aramas, ra puchörütä, “En Nöün Kot!” Nge Jesus a apwüngüür o esap mwüt ngeniir pwe repwe kapas, pun ra silei pwe i ewe Kraist.

Lukas 5:14

Mürin Jesus a allük ngeni ewe mwän, “Kosap apworausa ngeni eman mine a fis ngonuk. Nge kopwe feila ren ewe souasor pwe epwe nenengenuk. Mürin kopwe eäni ewe asor Moses a allük fän iten om limelim, pwe epwe alletätä ngeni aramas pwe ka limöch.”

Lukas 8:56

Iwe, semen me inen ewe nengin ra mairü, nge Jesus a allük ngeniir, pwe resap üreni eman mine a fis.

Lukas 9:21

Mürin Jesus a fokun allük ngeni nöün kewe chon kaiö, pwe resap fokun üreni eman ei pworaus.

Johannes 5:41

Üsap mochen ai üpwe iteföüla me ren aramas.

Johannes 7:18

Eman mi kapas fän püsin itan, a chök püsin kütta iteüöchün. Nge eman mi kütta iteüöchün ewe eman a tinato, i eman aramas mi let, nge esap wor och mine a mwäl won.

Johannes 8:50

Ngang üsap püsin kütta ai ling. Nge mi wor eman a kütta ling fän itei, i pwal ewe souapwüng.