Mateus 8:3 - Chuukese Bible

³ Jesus a aitiela pöün, a atapa ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür won ewe mwän a wesila.

Mateus 8:3 Iomraidhean Croise

Keneses 1:3

Mürin, Kot a apasa, “Epwe saram.” Iwe, a saramala.

2. King 5:11

Nge Naeman a feila fän an song o üra, “Üa fokun ekieki pwe ewe soufos epwe towu rei, epwe ütä o köri iten ewe Samol mi Lapalap an we Kot, epwe amwökütükütü pöün won ewe ia a rupun pwötür ie, pwe epwe mola.

2. King 5:14

Iei mine Naeman a feila ren ewe chanpupu Jortan o tütiu lon fän fisu, usun mine Elisa a kapas ngeni. Iwe, inisin Naeman a kiliöch o limöch usun chök inisin eman mönükol.

Kölfel 33:9

Pun mine a apasa a fisitä, nge mine a allük a pwönüetä.

Ekistos 4:7

Mürin, Kot a üreni, “Kopwe söksefälielong poum lon üfom.” Iwe, a sökalong, nge lupwen a sökawu, pöün a pwal pöchökül usun chök inisin.

Mateus 12:13

Mürin Jesus a üreni ewe mwän mi mä pöün, “Kopwe aitiewu poumw.” Iwe, a aitiewu pöün we o a pöchökülsefäl usun chök pwal ewe efoch.

Markus 1:41

Iwe, Jesus a fokun tongei, a aitiela pöün o atapa. A üreni, “Üa mochen, kopwe limöch.”

Markus 4:39

Iwe, Jesus a ütä o kapas ngeni ewe asepwäl, “Kopwe manasösötiu!” A pwal üreni ekewe no, “Oupwe lüala.” Iwe, ewe asepwäl a söötiu, a pwal fokun lüala won matau.

Markus 5:41

Iwe, Jesus a amwöchü pöün ewe nengin o üreni, “Talita koum!” wewen “Kükün nengin, üa ürenuk, kopwe pwätä!”

Markus 7:34

Mürin Jesus a sachetä läng, a ngasalap o üreni ewe mwän, “Effata!” wewen “Sukula!”

Markus 9:25

Iwe, lupwen Jesus a küna, pwe chomong aramas ra säto rer, a apwüngü ewe ngününgau, “En ngün mi afisätä awemwöch me selingepüng üa allük ngonuk pwe kopwe towu seni ewe ät, nge kosap fokun liwinsefäliti.”

Lukas 4:27

A pwal wor chomong aramas mi samaun rupun pwötür lon Israel lon fansoun ewe soufos Elisa. Nge esamwo wor eman a limöch seni rupun pwe Naeman chök ewe re Siria.”

Lukas 5:13

Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Lukas 7:14

Iwe, Jesus a feiliti ewe pwor ewe somä a nom lon o atapa, nge ekewe aramas mi eki ewe pwor ra köüla. Iwe, Jesus a apasa, “Nei alüal, üa ürenuk, kopwe pwätä.”

Johannes 11:43

Mürin an apasa ekei kapas, a kökkö fän mwelian mi leüömong, “Lasarus, kopwe towu!”

Johannes 15:24

Are ngang üsap föri leir ekewe föför esap mwo wor eman a föriir, esap wor ar tipis. Iwe, iei ra küna ekewe manaman üa föriir, nge ra fen oputaei me Semei.

Johannes 5:21

Usun ewe Sam a amanaua ekewe mi mäla o ngeniir manau, ina usun ewe Nau a fang manau ngeni chokewe i a filiiretä.