Mateus 8:13 - Chuukese Bible

¹³ Mürin Jesus a üreni ewe meilapen sounfiu, “Kopwe liwinla le imwom, epwe fis ngonuk usun ka lükü.” Iwe, nöün ewe meilapen sounfiu we chon angang a pöchökületä lon ewe chök otun.

Mateus 8:13 Iomraidhean Croise

Än Salomon Afalafal 9:7

Iwe, kopwe chök mongö anom mongö, kopwe pwal ünümi unumom wain fän pwapwa, pun iei mine Kot a tipeeu ngeni.

Mateus 15:28

Mürin Jesus a üreni neminewe, “En eman fefin mi watte om lükülük! Epwe fis ngonuk mine ka mochen.” Iwe, lon ewe chök otun nöün we nengin a pöchökületä.

Mateus 17:20

Jesus a pölüeni, “Pokiten a kisikis ämi lükülük. Enlet üpwe ürenikemi, are epwe wor ämi lükülük mi nönnö ngeni eföü pwükilin irä mi fokun kükün, oupwe tongeni üreni ei chuk, ‘Kopwe mwöküt seni ikei o mwökütüla ikenan,’ iwe, epwe mwöküt. Esap wor och mine ousap tufich ngeni.”

Mateus 8:4

Mürin Jesus a üreni ewe mwän, “Kopwe pii, pwe kosap üreni eman usun mine a fis. Nge kopwe feila ren ewe souasor pwe epwe nenengenuk. Iwe, kopwe eäni ewe asor Moses a allük fän iten limelim, pwe epwe alletätä ngeni aramas pwe ka limöch.”

Mateus 9:22

Iwe, Jesus a kul, a küna neminewe o üreni, “Nei, kopwe apilükülük, om lükülük a apöchökülok.” Lon ewe chök otun ewe fefin a pöchökületä.

Markus 7:29

Iwe, Jesus a üreni ewe fefin, “Pokiten ka pölüeni lon ei ititin fos, kopwe liwinla le imwom. Ikenan kopwe küna pwe ewe ngününgau a towu seni noumw we nengin.”

Markus 9:23

Nge Jesus a pölüeni, “Are en ka tongeni lükülük! Eman mi lükülük a tongeni mettoch meinisin.”

Johannes 4:50

Jesus a üreni, “Kopwe feila, noumw we ät epwe manau!” Iwe, ewe mwän a lükü mine Jesus a üreni o feila.