Mateus 8:10 - Chuukese Bible

¹⁰ Iwe, lupwen Jesus a rongorong ekei kapas, a mairü ren o üreni ekewe aramas mi tapwela mürin, “Enlet, üa ürenikemi, üsap fokun küna eman lon Israel a eäni ei sokun lükülük.

Mateus 8:10 Iomraidhean Croise

Keneses 43:33

Iwe, ra amota ekewe pwipwi lon en me tettelin ierin manauan mwen Josef, seni ewe mwänichi tori ewe setipütür. Iwe, ra fokun weitifengeniir usun.

Mateus 15:28

Mürin Jesus a üreni neminewe, “En eman fefin mi watte om lükülük! Epwe fis ngonuk mine ka mochen.” Iwe, lon ewe chök otun nöün we nengin a pöchökületä.

Mateus 8:11

Üpwe ürenikemi, pwe chomong aramas repwe feito seni ötiu me lotou o mot arun chepel ren Apraham, Isaak me Jakop lon ewe kametip lon Mwün Läng.

Mateus 8:9

Pun pwal ngang eman mi nom fän nemenien ekewe meilap seniei, nge mi pwal wor sounfiu ra nom fän nemeniei. Üa üreni eman, ‘Kopwe feila,’ iwe, a feila. Üa pwal üreni eman, ‘Kopwe feito,’ iwe, a feito. Üa üreni nei amanau, ‘Kopwe föri ien me ien,’ iwe, a föri.”

Markus 6:6

A fokun neneiruk pokiten ekewe aramas resap lükü. Mürin Jesus a feila ngeni ekewe sopw ünükün o a afalafala ekewe aramas.

Lukas 5:20

Lupwen Jesus a küna ar lükülük, a üreni ewe mwän, “Pwii, om tipis kana ra musola.”

Lukas 7:50

Nge Jesus a üreni ewe fefin, “Om lükülük a amanauok. Kopwe feila fän kinamwe.”

Lukas 7:9

Iwe, lupwen Jesus a rongorong ekei kapas, a mairü ren. A sap ngeni ewe mwichen aramas mi tapweto mürin o üreniir, “Üa ürenikemi, üsamwo fen küna ei sokun lükülük lon Israel.”

Föför 2:7

Ra fokun mairü o weitifengeniir o ra apasa, “Ifa usun, ekei mwän meinisin mi kapas lon ekei sokun kapas, esap ir re Kalilea?