Mateus 7:7 - Chuukese Bible

⁷ “Oupwe tütüngor o epwe wor lifangemi. Oupwe küküt o epwe wor künaemi. Oupwe fichifich o epwe wor asam mi suk ngenikemi.

Mateus 7:7 Iomraidhean Croise

Keneses 26:32

Iwe, lon ewe chök ränin, nöün Isaak kewe chon angang ra feito ren, ra apworausa ngeni usun ewe chönüttu ra tuw o apasa, “Äm aia küna koluk.”

1. King 3:5

Lon ewe pwin ewe Samol mi Lapalap a pwä ngeni Salomon lon an tan me lon Kipeon o üreni, “Met ka mochen ngang üpwe fang ngonuk.”

Kölfel 10:17

Ai Samol mi Lapalap, kopwe rong än ekewe mi riaföü tüngor, kopwe apöchöküla leluker o aü selingom ngeni ar siö.

Kölfel 10:4

Ewe aramasangau esap kütta Kot. Lon an lamalamtekia a chök ekieki pwe esap wor Kot.

Kölfel 119:12

Ai Samol mi Lapalap, üpwe mwareituk. Kopwe aiti ngeniei om kewe allük.

Kölfel 27:8

En ka apasa, “Oupwe küttaei.” Nge ngang üa pälüeni, “Üa küttok, ai Samol mi Lapalap.”

Kölfel 34:4

Üa iotek ngeni ewe Samol mi Lapalap, nge i a pälüeniei o angasaei seni ai kewe niuokus meinisin.

Kölfel 37:4

Ewe Samol mi Lapalap i chök epwe om pwapwa, nge i epwe ngonuk mochenin lelukom.

Kölfel 50:15

Oupwe köriei lon ränin ämi riaföü, pun ngang üpwe angasakemi, nge ämi oupwe mwareitiei.”

Kölfel 69:32

Ekewe mi nom lon riaföü repwe küna ei o pwapwa. Ämi mi fel ngeni Kot oupwe apilüköch.

Kölfel 70:4

Nge meinisin mi feito reöm repwe meseik o pwapwa. Chokewe mi aücheani om amanaueer repwe apasafochei, “Kot a tekia.”

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Än Salomon Fos 8:17

Üa echeni chokewe mi echeniei, nge chokewe mi achocho le küttaei repwe künaei.

Än Salomon Köl 3:2

Iwe, iei üpwe pwätä o kukulou won alen ewe telinimw, pwal lon ekewe lenien amwicheich. Üpwe kütta ätewe üa tongei seni lon letipei. Üa fokun küttafetalei, nge üsap küna.

Aisea 30:19

Ewer, ämi aramasen Sion mi imweimw lon Jerusalem, ousap chüen kechü. Kot epwe fokun ümöümöch ngenikemi, lupwen a rong ämi siö. Iwe, lupwen a rongorong, epwe pälüenikemi.

Jeremaia 33:3

“Kopwe kökköriei, nge ngang üpwe pälüenuk, üpwe pwäri ngonuk mettoch mi aüchea o amwarar kosap silei me mwan.

Amos 5:4

Iei usun mine ewe Samol mi Lapalap a üreni chon Israel, “Oupwe küttaei pwe oupwe manau.

Mateus 18:19

Iwe, üpwe pwal ürenikemi och: Are ruoman leimi won fanüfan ra tipeeufengen won och mine repwe iotek won, epwe torikemi me ren Semei lon läng.

Mateus 21:22

Are oua lükülük, oupwe angei mettoch meinisin mine oua tüngor lon ämi iotek.”

Mateus 6:33

Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin.

Mateus 7:11

Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!

Mateus 7:8

Pun iö a tütüngor epwe angei och. Iö a küküt epwe künakün, nge iö a fichifich, epwe wor asam mi suk ngeni.

Markus 11:24

Iei mine üpwe ürenikemi: Meinisin mine oua tüngor lon ämi iotek, oupwe lükü pwe oupwe angei, iwe, epwe torikemi.

Lukas 13:25

Iwe, are samolun ewe imw epwe pwätä o öppüngala ewe asam, mürin oupwe ütä lükün o popuetä le fichifich ngeni ewe asam o apasa, ‘Äm samol, kose mochen suki ngenikem ewe asam.’ Nge i epwe pölüenikemi, ‘Ngang üsap silekemi ia oua feito me ie.’

Lukas 18:1

Mürin Jesus a apworausa ngeni nöün kewe chon kaiö eu pworausen awewe, pwe a mochen aiti ngeniir usun ar repwe iotek fansoun meinisin, nge resap achanü.

Johannes 15:16

Ämi ousap afiliei, nge ngang üa afilikemi o awisakemi, pwe oupwe feila o uani ua mi chomong, ewe sokun ua mi nonomola. Iei usun Semei epwe ngenikemi meinisin mine oua tüngor fän itei.

Johannes 15:7

Are ämi oupwe nonom loi, nge ai kewe kapas repwe nonom lomi, oupwe tüngor meinisin mine oua mochen, iwe, epwe torikemi.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Nöün Paulus Toropwe ngeni ekewe Souläng lon Rom 2:7

Ekoch aramas ra likitü lon ar föför mürina, ra kütta ling me iteüöch me ewe manau esap müchüla. Iwe, Kot epwe ngeniir manau esemüch.

Nöün Paulus Toropwe ngeni ekewe Souläng lon Rom 3:11

Esap wor eman mi mirit, esap wor eman mi kütta Kot.

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

James 5:15

Iwe, ei iotekin lükülük epwe apöchöküla ewe chon samau. Ach Samol epwe apwäki, nge ekewe tipis a föriir repwe musala.

1. Johannes 3:22

Sia angei seni Kot meinisin mine sia tüngor, pun sia aleasochisi an kewe allük o föri met epwe pwapwa ren.