Mateus 7:6 - Chuukese Bible

⁶ Ousap ngeni ekewe kolak mine a pin, pun repwe chök kul o kükemi. Ousap mone ngeni ekewe pik ämi kewe föün pwei mi aüchea, pun repwe chök puriretiu fän pecher.

Mateus 7:6 Iomraidhean Croise

Än Salomon Fos 11:22

Eman fefin mi liöch, nge esap mirit, a usun chök efoch ring seni kolt lon pwötün eman piik.

Än Salomon Fos 23:9

Kosap fos ngeni eman chon tiparoch, pun esap aücheani om kewe kapasen tipachem.

Än Salomon Fos 26:11

Eman chon tiparoch mi liwiniti an föförün tiparoch a usun chök eman kolak mi enisefäli musan.

Än Salomon Fos 26:4

Kosap pälüeni eman chon tiparoch lon fosun umwes, pwe kosap wewe ngeni lon an tiparoch.

Mateus 15:26

Jesus a pölüeni, “Esap pwüng pwe sipwe angei anen ekewe semirit mongö o monei ngeni ekewe kolak.”

Mateus 24:10

Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir.

Mateus 7:5

En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.

2. Korint 11:26

Lon ai saifeil fän chomong üa nom lon feiengauen puun chanpupu, pwal feiengau seni chon achomau, feiengau me ren aramasei ekewe chon Juta me feiengau me ren ekewe chon lükün Israel. A wor afeiengau lon ekewe telinimw, afeiengau lon fanüapö, afeiengau me le matau, pwal afeiengau seni ekewe souläng chofona.

Filipi 3:2

Oupwe afälikemi ren chokewe mi föri föför mi ngau, ra usun chök kolak. Ir ätekewe mi apöchöküla an epwe fis reirei won inisin aramas.

Ipru 10:29

Oupwe ekieki epwe ifan me watten liwinin tipisin eman aramas mi aitengaua ewe Nöün Kot o aüongaua pinin chaan än Kot we pwon a küna pin ren, a pwal turunufasei ewe Ngünün ümöümöch.

Ipru 6:6

Nge mürin ra pöütala ar lükü! Ese fokun tufich ach sipwe aliwinisefäliir pwe repwe aiersefäl, pun ra iräpengesisefäli ewe Nöün Kot o asäwa i me mwen mesen aramas.

2. Petrus 2:22

Met a fis ngeniir a pwärätä pwe ekei mwiitun ra let: “Eman kolak a änisefäli mine a musäsinawu”, pwal “Eman pik mi fen limöch a liwinsefäliti ewe pokak o asokopöla lon.”

Pwärätä 22:15

Nge me lükün ewe telinimw a wor chon föri sokun föför mi ngau usun kolak, chon föri angangen rong, chon lisowu, chon niela aramas, chon angang ngeni anümwäl me chon chofona lon ar kapas pwal lon ar föför.