Mateus 7:25 - Chuukese Bible

²⁵ Iwe, a püng ütemong, chanpupu ra pwotä o pufetal o asepwäl a pöchökül le eniti ewe imw. Nge ewe imw esap turula, pun a kaütä won achau.

Mateus 7:25 Iomraidhean Croise

Än Salomon Fos 10:25

Wesin än ewe mölümöl enito, ekewe aramasangau resap chüen nom, nge ekewe chon pwüng ra nüküchar tori feilfeilachök.

Malakai 3:3

I epwe mot usun eman chon ketel mächä me eman chon limelim silifer. Epwe limeti chon ewe ainangen Lefi o alimöchüür usun eman a limeti kolt me silifer, tori repwe uwato ekewe asor mi fich ngeni ewe Samol mi Lapalap.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Mateus 7:24

“Iei mine are eman a rongorong ai kei kapas o aleasochis ngeniir a wewe ngeni eman mwän mi tipachem, a aüetä imwan won achau.

Mateus 7:26

Nge iö a rongorong ai kei kapas o aleasolap ngeniir a wewe ngeni eman mwän mi tiparoch, a aüetä imwan won pi.

Mateus 7:27

Mürin a püng ütemong, chanpupu ra pwotä o pufetal o asepwäl a pöchökül le eniti ewe imw. Iwe, a turula, nge ewe imw a unusen tatakis.”

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Efisos 3:17

Üa iotek pwe Kraist epwe nonom lon lelukemi ren ämi lükü i. Üa pwal iotek pwe oupwe warar o longolong won chen,

Kolose 2:7

Oupwe warar lon i usun efoch irä mi warar, oupwe fefeitä lon manauemi o pöpöchökülela lon ämi lükü Kraist usun oua fen kaiö. Iwe, oupwe fokun pwärätä ämi kilisou.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

1. Petrus 1:5

Ekei feiöch ra fän itemi. Ren ämi lükülük oua küna tümwün ren än Kot manaman tori oupwe küna ewe manau mi molotä pwe epwe pwäla lon fansoun sopolan.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.