Mateus 7:2 - Chuukese Bible

² Pun Kot epwe apwüngükemi won ewe chök lapalap oua apwüngü aramas won. Epwe eäni ngenikemi ewe chök aükük oua eäni ngeni aramas.

Mateus 7:2 Iomraidhean Croise

2. Samuel 21:5

Iwe, ekewe chon Kipeon ra üreni ewe king, “Ewe mwän Saul a nikeemila o ekiekin arosakeemila, pwe esap chüen wor leniem lon unusen fanüen chon Israel.

Kölfel 109:17

A sani anümamaua aramas. Amwo ekewe anümamau repwe feitiu won. Esap sani an epwe afeiöchü aramas. Amwo esap wor eman epwe afeiöchü.

Ekistos 21:24

eföü mas ngeni eföü mas, efoch ngi ngeni efoch ngi, efoch pau ngeni efoch pau, efoch peche ngeni efoch peche,

Aisea 33:1

Feiengauom, en chon kata, en kosamwo püsin tala. Feiengauom, chon atuputup mi afeiengau, nge esamwo wor eman a atupuk. Wesin om kata kopwe püsin tala, nge wesin om angangen atuputup mi afeiengau kopwe püsin tup o feiengau.

Jeremaia 34:17

Iei mine ngang ewe Samol mi Lapalap üa apasa: Ämi ousap aleasochisiei, pun ousap asilefeili ngasalan pwimi me chon fanüemi. Nengeni, üpwe asilefeili pwe oupwe ngaselong lon ämi oupwe mäla lon maun, ren mätter me lengita. Üpwe föri pwe oupwe och minen eniweniw ngeni chon ekewe mwü meinisin won fanüfan.

Jeremaia 51:24

Iei alon ewe Samol mi Lapalap, “Üpwe ngeni chon Papilon chappen ar föför mi ngau ra föri me lon Sion me mwen mesemi.”

Opataia 1:15

Iwe, ewe ränin kapwüng a arapoto, lupwen ngang ewe Samol mi Lapalap üpwe apwüngü chon ekewe mwü meinisin. Usun mine en Etom ka föri, iei usun epwe pwal fis ngonuk. Kopwe chök angei chappen om föför.

Mateus 6:14

Pun are oupwe amusala än aramas tipis, Sememi mi nom läng epwe pwal amusala ämi tipis.

Markus 4:24

Jesus a pwal üreniir, “Oupwe aü selingemi ngeni mine oua rongorong! Ewe chök aükük oua aea le aükük, iei ewe aükük Kot epwe aea ngenikemi, nge epwe fen lap seni.

Lukas 6:38

Oupwe fangafangöch ngeni aramas, pun Kot epwe fangafangöch ngenikemi. Ewer, oupwe angei eu aükük mi unusöch, mi itelong o chachelong o säsewu, epwe urourela me le pöümi. Pun ewe chök aükük oua aea le aükük ngeni aramas, Kot epwe pwal aea ngenikemi.”

2. Korint 9:6

Oupwe chechemeni, pwe are fotan eman a üküküngau, kinian epwe pwal üküküngau, nge are fotan eman a somwosomwöch, kinian epwe pwal somwosomwöch.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Pwärätä 18:6

Oupwe föri ngeni i usun mine a fen föri ngenikemi. Oupwe liwini ngeni fän ruu liwinin meinisin mine a föri. Oupwe alölöü an we kap ngeni minen ün aükükün pöchökülan fän ruu seni ewe minen ün a amolätä fän itemi.

Soukapwüng 1:7

Mürin, Atoni-pesek a apasa, “A wor fik king üa pöküela aütülapen pöür me pecher, ra achchupi ener me fän ai chepel. Usun üa föri ngeniir, iei usun Kot a pwal föri ngeniei.” Iwe, ra emwenala ewe king Jerusalem, nge a mäla ikenan.

Soukapwüng 5:27

Sisera a mwörürütiu, a turula arun pechen neminewe. A mwörürütiu arun pechen o turula, nge ewe ia a turula ie, ikenan a mäla.

1. Samuel 15:33

Nge Samuel a apasa, “Usun noum ketilas a niela nöün chomong inelap pwe esap chüen wor nöür, iei usun epwe pwal fis ngeni inom, pwe esap chüen wor nöün.” Iwe, Samuel a pökükisietiu Akak fän mesen ewe Samol mi Lapalap me lon Kilkal.