Mateus 7:15 - Chuukese Bible

¹⁵ “Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

Mateus 7:15 Iomraidhean Croise

1. King 13:18

Iwe, ewe soufos chinlap a üreni ewe soufos seni Juta, “Ngang pwal eman soufos usun en. Eman chon läng a kapas ngeniei fän alon ewe Samol mi Lapalap o üra pwe üpwe aliwinisefäliikela lon imwei, pwe kopwe mongö o ün rei.” Nge ewe soufos chinlap a chofana ngeni.

Jeremaia 29:21

Ewe Samol mi Unusen Manaman, ewe Koten Israel a apasa fänäsengesin Ahap nöün Kolaia we mwän me Setekia nöün Maseia we mi chofana osunier ngenikemi fän itan. A apasa pwe epwe atolongeer fän nemenien Nepukatnesar ewe kingen Papilon, nge i epwe nirela me fän mesemi.

Jeremaia 29:32

iei mine üpwe apwüngü Semaia seni Neelam me mwirimwirin kana. Esap wor eman me lein aramasan epwe manau o küna ewe feiöch üpwe ngeni nei aramas, pun a üreni ekewe aramas pwe repwe ü ngeniei. Ngang ewe Samol mi Lapalap üa kapas.’”

Isikiel 13:16

ir ekewe soufosun Israel ra osuni usun Jerusalem, a pwal wor künaer pwe epwe fis kinamwe lon, nge esap fokun fis.” Iei alon Kot ewe Samol mi Lapalap.

Isikiel 13:22

Iwe, oua apwangapwangala leluken chon pwüng ren ämi kapas chofana, chokewe ngang üsap mochen pwe repwe lolilen. Oua pwal pesei ngeni ekewe aramasangau, pwe resap kul seni ar föför mi ngau o amanaua manauer.

Isikiel 22:25

Ekewe samol mi nom lon ra föri ar rawangau. Usun eman laion mi wörüwör a ochei liapan, ina usun ra ochei aramas. Ra angei wöür me pisekir mi aüchea fän pöchökül, ra pwal achomonga ekewe fefin mi mä pwülüer me lon.

Isikiel 22:27

Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.

Taniel 11:34

Lupwen a fis ewe ninni, nöün Kot kewe aramas repwe angei ekis alilisir. Iwe, chomong repwe chiechi ngeniir, nge sap seni wenecharen letiper.

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Sekaraia 13:4

Lon ena fansoun eman me eman soufos epwe säw ren püsin künan, lupwen a osuni, esap pwal chüen üföüf üfen soufos mi ülöül pwe epwe atupu aramas.

Mateus 10:17

Oupwe mamasa, pun epwe wor aramas repwe fötekinikemi o emwenikemi lon kapwüng, repwe pwal wichikemi me lon ar kewe imwen felikis.

Mateus 16:11

Pwota ousap wewela, pwe üsap kapas ngenikemi usun pilawa? Oupwe afälikemi ren ewe iis än ekewe Farisi me Satusi!”

Mateus 16:6

Jesus a üreniir, “Oupwe tümwünüfichi o afälikemi ren ewe iis än ekewe Farisi me Satusi.”

Mateus 24:11

Mürin chomong soufos chofona repwe feito o atupala chomong aramas.

Mateus 7:14

Nge a pwangekükün ewe asam o chökükün ewe al mi ale ngeni manau esemuch. Mi wor ekoch chök aramas mi fetal won ei al ngeni manau.

Lukas 12:15

Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 6:26

Feiengauemi are aramas meinisin ra kapasöch usumi, pun ar kewe lewo ra fen eäni ei sokun kapas ren ekewe soufos chofona.

Johannes 10:12

Nge ewe aramas mi mö, i esap ewe chon mas mine nöün kewe sip, lupwen a küna pwe eman wolif a feito, a likitala ekewe sip o süla. Mürin ewe wolif a turufi ekewe sip o atoropaseer.

Föför 13:40

Iei mine oupwe afälikemi, pwe esap fis ngenikemi mine ekewe soufos ra apasa,

Föför 13:6

Iwe, ra saifeil lon unusen ewe fanü tori ra tori ewe telinimw Pafos. Ikenan ra churi eman chon Juta sourong me soufos chofona a iteni Par-Jesus.

Kalatia 2:4

usun ekoch ra mochen. Ekei mwän ra pomweni pwe ir chiechiach chon lükülük o ra anifilong lon ach mwich pwe repwe operi ach ngas sia eäni lon Kraist Jesus. Ra mochen ach sipwe wewe ngeni amanau lon ach sipwe apwönüetä mine ekewe allük ra apasa pwe sipwe föri.

Efisos 4:14

Mürin sisap chüen sokuni sokun semirit, sisap chüen chüwölüwölfeil ren no kana o mamaanfeil ren enienin asepwälin än chon likatuputup afalafal, ir ätekewe mi emweningaua ekoch aramas ren ar tunochofona.

Efisos 5:6

Ousap tup ren än aramas kapasen atuputup, pun ren ekei sokun föför än Kot song epwe tori chokewe mi lükümach ngeni.

Filipi 3:2

Oupwe afälikemi ren chokewe mi föri föför mi ngau, ra usun chök kolak. Ir ätekewe mi apöchöküla an epwe fis reirei won inisin aramas.

Kolose 2:8

Oupwe tümwünükemi, pwe esap wor eman epwe liapenikemi ren atuputupun tipachemen fanüfan mi aücheangau, a pop seni sokopaten uruwon lom aramas ra aiti ngeni aramas, pwal seni ekewe ngün mi wor ar nemenem fän läng, nge esap pop seni Kraist.

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

2. Timoty 4:3

Pun epwe war ewe fansoun, lupwen aramas resap mochen aüseling ngeni afalafal mi let. Nge repwe chök fiti mochenin letiper o repwe achufengeni chomong sense fän iter, ir ätekewe repwe üreniir mine ra mochen rongorong.

2. Petrus 3:17

Iwe, ämi chiechiei mi achengicheng, oua fen silei ei. Iei mine oupwe mamasakemi, pwe ousap tokola ren ekewe afalafal mi mwäl än ekewe aramas mi ngau, ousap pwal tur seni leniemi mi nükünük.

1. Johannes 4:1

Ämi chiechiei kana mi achengicheng, ousap lükü chokewe meinisin mi apasa pwe ra eäni Ngünmifel, nge oupwe sotuniir o küttaöchü are ekewe ngün ra feito seni Kot. Pun chomong soufos chofona ra feilfetal won fanüfan.

Jutas 1:4

Pun ekoch aramas resap meniniti Kot ra anifilong leich, ir chokewe mi sorei ewe kapas usun än Kot ümöümöch, pwe epwe wor ar künetipingen won ar kewe föför mi fokun ngau. Ra pwal amamäsini Jesus Kraist, i chök ach Sounemenem me ach Samol. Me lomlom ekewe Toropwe mi Pin ra osuni usun ewe kapwüng ra tolong lon.

Pwärätä 16:13

Mürin üa küna ülüman ngün mi limengau ra wewe ngeni kairü. Ekei ngün ra towu seni lon awen ewe trakon, seni lon awen ewe manmwacho, pwal seni lon awen ewe soufos chofona.

Pwärätä 17:6

Üa küna ewe fefin pwe a puchula ren chaan ekewe chon pin me chaan chokewe mi ninnila pokiten ar allükülük ngeni Jesus. Lupwen üa küna neminewe, üa fokun mairü.

Pwärätä 19:20

Iwe, ewe manmwacho a kuf o oola fitifengen me ewe soufos chofona, ewe mi afisätä manaman me mwen mesan. Ren ekei manaman a atupu chokewe mi eäni asisilen ewe manmwacho me chokewe mi fel ngeni uluulun we. Ewe manmwacho me ewe soufos chofona ra koturmanauolong lon ewe nomun ekkei a küü ren primston.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.