Mateus 7:14 - Chuukese Bible

¹⁴ Nge a pwangekükün ewe asam o chökükün ewe al mi ale ngeni manau esemuch. Mi wor ekoch chök aramas mi fetal won ei al ngeni manau.

Mateus 7:14 Iomraidhean Croise

Kölfel 16:11

En ka aiti ngeniei ewe alen manau. Om nom rei a afisätä ai pwapwa mi somwosom o awarato ai mwänek tori feilfeilachök.

Än Salomon Fos 8:20

Üa fetal won ewe al mi pwüng, üa pwerela won ewe lenien fetal mi wenechar,

Aisea 30:21

Iwe, lupwen oua kul ngeni peliifich ika peliimöng, selingemi repwe rongorong me lükün sökürümi, “Iei ewe al oupwe aleni.”

Aisea 35:8

Iwe, ikenan epwe wor efoch alalap epwe iteni Al mi Pin. Ekewe chon tipis resap fetal won, nge ekewe chon silemang resap tongeni tok seni.

Aisea 57:14

Iwe, Kot epwe apasa, “Oupwe föri, oupwe föri efoch al o amolla. Oupwe angei föün lon pwe resap epeti ewe al nei aramas repwe fetal lon.”

Jeremaia 6:16

Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

Mateus 20:16

Iwe, Jesus a pwal apasa, “Iei mine chokewe mi kükümwir repwe akom, nge chokewe mi akom repwe kükümwir.”

Mateus 22:14

Iwe, Jesus a sopwela lon an kapas, “Ekewe chon kö ra chomong, nge ekewe chon fil ra chokükün.”

Mateus 7:13

“Oupwe tolong lon ewe asam mi pwangekükün! Pun a pwangemong ewe asam o chömong ewe al mi ale ngeni feiengau esemüch, nge chokewe mi fetal won ra chomong.

Mateus 7:15

“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

Markus 8:34

Mürin Jesus a körato ewe mwichen aramas me nöün kewe chon kaiö, iwe, a üreniir, “Are eman a mochen etiei, epwe pölükü manauan, epwe mwärei an iräpenges o tapweto müri.

Lukas 12:32

“Ousap niuokus, ämi mwich mi kisikis, pun Sememi a pwapwa ren an epwe ngenikemi ewe mwü.

Johannes 16:2

Repwe atowukemi seni ar mwich lon ar kewe imwen felikis. Nge epwe war ewe fansoun lupwen chokewe mi nikemi repwe ekieki, pwe ar föför eu angang ngeni Kot.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Nöün Paulus Toropwe ngeni ekewe Souläng lon Rom 12:2

Ousap apirü pomwen fanüfan, nge oupwe mwüt ngeni Kot pwe epwe awilikemi o asöföla unusen letipemi. Mürin oupwe tongeni silei letipen Kot, ren met mi mürina me unusöch, pwal met mi apwapwai i.

Nöün Paulus Toropwe ngeni ekewe Souläng lon Rom 9:32

Pwota resap küna? Pokiten mine ra föri esap longolong won lükülük, nge a longolong won met ra föri. Iei usun ra chepetek won ewe “föün chepetek”,