Mateus 7:13 - Chuukese Bible

¹³ “Oupwe tolong lon ewe asam mi pwangekükün! Pun a pwangemong ewe asam o chömong ewe al mi ale ngeni feiengau esemüch, nge chokewe mi fetal won ra chomong.

Mateus 7:13 Iomraidhean Croise

Keneses 6:12

Iwe, Kot a nengeni fanüfan o küna pwe a unusen ngau, pun ekewe aramas meinisin ra chök alapala ar föför mi ngau.

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Än Salomon Fos 16:25

Eman aramas a ekieki pwe ewe al a fetal won a pwüng, nge lesopolan ewe al a ale ngeni mäla.

Än Salomon Fos 7:27

Iwe, imwan we efoch al mi ale ngeni ewe lenien sotup, a feitiu ngeni ekewe rumwen mäla.

Än Salomon Fos 9:6

Kopwe likiti ekewe chon wewemang pwe kopwe manau, kopwe pwal fefeitä lon om sile.”

Aisea 1:9

Are ewe Samol mi Unusen Manaman esap amanaua ekoch leich, sipwe usun chök chon Sotom me chon Komora.

Aisea 35:8

Iwe, ikenan epwe wor efoch alalap epwe iteni Al mi Pin. Ekewe chon tipis resap fetal won, nge ekewe chon silemang resap tongeni tok seni.

Aisea 55:7

Chon föföringau repwe likitala ar föför, nge chon pwüngingau kana repwe siwili ar ekiek. Repwe liwiniti ewe Samol mi Lapalap pwe epwe tongeäsiniir. Repwe kuliti ach Kot, pun a müttir le amusala tipis.

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 25:46

Iwe, chokei repwe feila ngeni ewe apwüng esemüch, nge ekewe chon pwüng repwe feila ngeni manau esemüch.”

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 3:8

Oupwe föri sokun föför epwe pwärätä pwe oua aier seni ämi tipis.

Mateus 7:14

Nge a pwangekükün ewe asam o chökükün ewe al mi ale ngeni manau esemuch. Mi wor ekoch chök aramas mi fetal won ei al ngeni manau.

Lukas 14:33

Ina chök usun, esap wor eman a tongeni nei chon kaiö are esap pölükü meinisin mine a eäni.

Lukas 9:33

Lupwen ekewe ruoman mwän ra feil seni Jesus, Petrus a üreni, “Sounemenem, a fokun öch ach nonom ikei. Aipwe aüetä ülüngat imw mangaku, eu fän itom, eu fän iten Moses nge pwal eu fän iten Elias.” (Petrus esap wesewesen weweiti met i a kapas usun.)

Johannes 10:9

Ngang ewe asam. Iö a tolong lon ei asam epwe küna manau. Epwe tolong o towu o küna anan.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Föför 3:19

Oupwe ekieksefäl o kul ngeni Kot, pwe ämi tipis epwe mola,

Nöün Paulus Toropwe ngeni ekewe Souläng lon Rom 9:22

Iei usun mine Kot a föri. A mochen pwärala an song o aiti ngeni aramas an manaman. Nge a fokun mosonotam lon an engila ngeni chokewe a song ngeniir, ir mi molotä ngeni feiengau.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 6:17

Iei mine ach Samol a apasa, “Oupwe towu seniir o aimwükemiila seniir. Ousap atapa och mettoch mi limengau, pwe üpwe etiwakemi.

Kalatia 5:24

Iwe, chokewe ir nöün Kraist Jesus ra iräpengesi mochenian fituker me sokun ar mocheniangau me mochenian leluker.

Filipi 3:19

Lesopolan manauer repwe nom lon hell, pun ar kot iei mochenian inisiir. Ra sikäsini mine repwe säw ren o ekieki chök mettochun lon ei fanüfan.

1. Johannes 5:19

Sia silei pwe kich sia nöün Kot, inamwo ika unusen fanüfan a nom fän nemenien Ewe mi Ngau.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 20:3

Iwe, ewe chon läng a aturalong i lon ewe pwang mi alolol, a lokeela o pwauni, pwe esap chüen tongeni tufichin atupu chon ekewe mwü tori ekewe engeröü ier repwe sopola. Mürin ei, ewe trakon epwe fokun musala lon ekis chök fansoun mochomoch.