Mateus 7:11 - Chuukese Bible

¹¹ Iwe, are mwo ämi aramas mi ngau, nge oua silei ämi oupwe fang ngeni nöümi lifang mi mürina, epwe fen ifan me watten än Sememi lon läng fangala mettoch mi mürina ngeni chokewe mi tüngorei!

Mateus 7:11 Iomraidhean Croise

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

2. Samuel 7:19

Nge ei mettoch a chök kükün me reöm, ai Kot Samol mi Lapalap. Ka pwal pwon fän iten mwirimwiri ngang noum chon angang lon kan fansoun mwach. Ifa usun, iei usun pwüngün om föför ngeni aramas, ai Kot Samol mi Lapalap?

Hiop 15:16

epwe fen ifan eman aramas mi kon anioput o fokun ingau, a ünümi föföringau usun an ünümi koluk?

Kölfel 84:11

Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.

Kölfel 85:12

Ewer, ewe Samol mi Lapalap epwe fangeto mettoch mi mürina, nge fanüach epwe awora räsimong.

Kölfel 86:15

Nge en, ai Samol, eman Kot mi ümöümöch o kirikiröch, ka songomang o wöün tong ellet me allükülük.

Kölfel 86:5

Pun en, ai Samol, ka kirikiröch o amusala tipis, om tong ellet a somwosom ngeni meinisin mi iotek ngonuk.

Aisea 49:15

Nge ewe Samol mi Lapalap a üreni, “Ifa usun, eman fefin epwe tongeni manlükala nöün mönükol, pwe esap tongeäsini nöün won inisin? Nge are epwe fen manlükala, ngang üsap manlukuk.

Aisea 63:7

Iwe, üpwe apworausa usun än ewe Samol mi Lapalap tong me ümöümöch, üpwe mwareiti an föför ngenikich, üpwe pwal pworaus usun an kirikiröch mi lapalap a eäni ngeni chon Israel lon an tong me ümöümöch mi somwola.

Jeremaia 17:9

Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Jeremaia 33:14

Iei alon ewe Samol mi Lapalap, “Epwe war ewe fansoun, üpwe apwönüetä ewe pwon üa föri ngeni ekewe chon Israel me chon Juta.

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Mika 7:18

Esap wor eman Kot usun en. Ka amusala tipis o apichala pupungauen chokewe mi chüen manau me lein noum kewe aramas. Kosap amwöchü om song tori feilfeilachök, nge ka pwapwa le pwärätä om tong ellet ngenikem.

Malakai 1:6

Iei alon ewe Samol mi Unusen Manaman ngeni ekewe souasor, “Eman nau a asamolu saman, nge eman chon angang a asamolu an samol. Are ngang sememi, pwota ousap asamoluei? Nge are ngang nöümi samol, pwota ousap meninitiei? Ämi souasor oua turunufaseei. Nge oua ais, ‘Met aia turunufaseek ren?’

Mateus 23:9

Ousap kökköri ngeni eman ikei won fanüfan ‘Sam’, pun a chök wor eman Sememi lon läng.

Mateus 7:10

Nge are epwe tüngor eman ik, epwe ngeni eman serepenit?

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Nöün Paulus Toropwe ngeni ekewe Souläng lon Rom 3:19

Iei sia silei pwe meinisin mine a mak lon ekewe Allük a fän iten chokewe mi nom fän ekewe Allük pwe epwe aükätiu än aramas meinisin künetipingen o atolonga unusen fanüfan fän än Kot kapwüng.

Nöün Paulus Toropwe ngeni ekewe Souläng lon Rom 3:9

Iwe, ifa usun kich chon Juta, sia mürina seni ekewe chon lükün Israel? Apwi! Esap fokun ina! Üa fen pwärätä pwe chon Juta me chon lükün Israel ra wewefengen, ir meinisin ra nonom fän nemenien tipis.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

Kalatia 3:22

Nge a mak lon ekewe Toropwe mi Pin pwe unusen fanüfan a nom fän nemenien tipis. Iei mine ewe lifang Kot a pwon, a longolong won än eman lükü Jesus Kraist, a tori chokewe mi lükü.

James 1:17

Lifang mi mürina meinisin me feiöch mi unusöch meinisin ra feitiu seni läng, ra feitiu seni ewe Sam mi föri ekewe Saram lon läng, ewe esap siwil, esap pwal fis rochopwak ren an kul.

1. Johannes 3:1

Oupwe nengeni ükükün watten än ewe Sam echenikich! An chen a fokun tekia pwe a aita ngeni kich nöün. Iei mine kich wesewesen nöün Kot. Ina popun pwe fanüfan esap sileikich, pun esap silei Kot.

1. Johannes 4:10

Iei wewen chen: Esap pwe kich sia echeni Kot, nge i a echenikich o tinato Nöün we pwe i popun pwe ach tipis kana ra musala.