Mateus 6:3 - Chuukese Bible

³ Nge lupwen oupwe fang ngeni ekewe chon wöüngau, oupwe föri lon ei lapalap, pwe fen mwo nge chiechiemi kewe mi fokun kan ngenikemi resap silei usun.

Mateus 6:3 Iomraidhean Croise

Mateus 12:19

Esap anini ika osomong le fos, esap pwal leüömong le kapas won ekewe al.

Mateus 6:2

Iei mine are oupwe fang ngeni ekewe chon wöüngau och mettoch, ousap asilefetalei mine oua föri, usun ekewe chon likatuputup ra föri lon ar kewe imwen felikis pwal won ekewe al, pwe aramas repwe ingeitiir. Enlet, üpwe ürenikemi, pwe ra fen wes le angei liwiniir.

Mateus 6:4

Iei usun ämi fang ngeni chon wöüngau epwe fis le monomon. Mürin Sememi we a küna mine oua föri le monomon epwe liwini ngenikemi.

Mateus 8:4

Mürin Jesus a üreni ewe mwän, “Kopwe pii, pwe kosap üreni eman usun mine a fis. Nge kopwe feila ren ewe souasor pwe epwe nenengenuk. Iwe, kopwe eäni ewe asor Moses a allük fän iten limelim, pwe epwe alletätä ngeni aramas pwe ka limöch.”

Mateus 9:30

Iwe, a nenela meser. Nge Jesus a fokun pese ngeniir, pwe resap üreni eman mine a fis.

Markus 1:44

wesin an üreni, “Nengeni, kosap üreni eman och usun mine a fis ngonuk. Nge kopwe feila ren ewe souasor o pwäri inisum ngeni. Mürin kopwe eäni ewe asor Moses a allük fan iten om ka limöch, pwe epwe alletä ngeni aramas pwe ka limöch.”

Johannes 7:4

Esap wor eman mi mochen epwe sil me lein aramas a föri an kewe föför le monomon. Iwe, pokiten ka föri ekei föför, kopwe pwärukela ngeni chon fanüfan meinisin, pwe repwe silei usumw.”