Mateus 6:25 - Chuukese Bible

²⁵ Iei mine üpwe ürenikemi, pwe ousap öüreki manauemi usun mine oupwe äni are ünümi, ousap öüreki mine oupwe üföüf. Ifa usun, manau esap aüchea seni mongö, ika ewe inis esap aüchea seni üf?

Mateus 6:25 Iomraidhean Croise

Kölfel 55:22

Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.

Jeremaia 45:5

Ifa usun, ka kütta mettoch mi watte fän itom? Kosap kütteer. Pun üpwe awarato feiengau won aramas meinisin. Nge ngang üpwe amwöchü manauom lon ekewe leni meinisin ia kopwe feila ie. Ngang ewe Samol mi Lapalap üa kapas.”

Mateus 10:19

Iwe, lupwen repwe emwenikemiila ngeni kapwüng, ousap öüreki ämi kapas are mine oupwe apasa, pun ekewe kapas oupwe apasa repwe torikemi lupwen a tori ena otun.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 6:31

Iei mine ousap öürek o apasa, ‘Meta sipwe mongö?’ ika ‘Meta sipwe ünümi?’ ika ‘Meta sipwe üföüf?’

Mateus 6:34

Iei mine ousap öürek usun ewe rän lesor, pun lesor epwe püsin anafa öürekin lon. Eu me eu rän epwe püsin wor osukosuken lon.

Markus 13:11

Iwe, lupwen repwe fötekinikemi o emwenikemiilong lon kapwüng, ousap öüreki me mwan mine oupwe apasa. Lon ewe chök otun epwe torikemi mine oupwe apasa, pun sap ämi oupwe kapas, nge ewe Ngünmifel.

Markus 4:19

nge öürek usun manauen ikenai me atuputupun wöün fanüfan me mochenian ekewe sokopaten mettoch ra tolong lon leluker o amopu ewe kapasen Kot pwe esap tongeni ua.

Lukas 12:11

Lupwen repwe etekinikemiila pwe oupwe kapwüng lon ekewe imwen felikis, ika mwen ekewe kepina me samol, ousap öüreki mine oupwe pwärätä fän itemi are mine oupwe apasa.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

Nöün Paulus Toropwe ngeni ekewe Souläng lon Rom 8:32

Ewer, esap Kot, pun i esap mwo nge amwöchü püsin Nöün, pwe a fangala fänäsengesich meinisin. Ifa usun, esap pwal fang ngenikich mettoch meinisin me Nöün we?

1. Korint 7:32

Iwe, üa mochen pwe ousap öürek. Eman mwän esap pwüpwülü a chök ekieki usun än ach Samol angang, pun a chök mochen apwapwai ach Samol.

Filipi 4:6

Ousap lolilenäsini och mettoch, nge lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.

2. Timoty 2:4

Eman sounfiu mi föri wisan a mochen föri met an samol epwe pwapwa ren, nge esap pachelong lon sokun angangen manauen aramas.

1. Petrus 5:7

Oupwe likiti ngeni Kot ämi öürek meinisin, pun i a ekieki met oupwe feiöch ren.