Mateus 6:21 - Chuukese Bible

²¹ Pun ia wöümi a nom ie, ikenan lelukemi epwe pwal nom ie.

Mateus 6:21 Iomraidhean Croise

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 33:6

o anüküchara ewe mwü. Iwe, i epwe amanaua nöün aramas o ngeniir tipachem me silelap mi somwola, nge ar niuokusiti ewe Samol mi Lapalap iei wöür.

Jeremaia 22:17

Nge en ka chök ekieki usun om kütta win fän rikirik. Ka niela chokewe esap wor ar tipis o föri angangen ariaföü me mwänewüs ngeni noum aramas. Ewe Samol mi Lapalap a kapas.

Jeremaia 4:14

En Jerusalem, kopwe limeti lelukom seni om föföringau, pwe kopwe manau. Ifa ükükün fansoun an epwe nom lomw om kewe ekiekingau.

Mateus 12:34

Ämi serepenit! Ifa usun, oua tongeni apasa mine a mürina ika ämi aramas mi ngau? Pun ekewe kapas ra towu seni awemi iei somwen lelukemi.

Mateus 6:22

“Mas saramen ewe inis, usun chök eu lamp. Are mesom a fat, unusen inisum a saram.

Lukas 12:34

Pun ia wöümi a nom ie, ikenan lelukemi epwe pwal nom ie.

Föför 8:21

Esap wor wisom are kinikinum lon ei angang, pun lelukom esap pwüng mwen mesen Kot.

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

Filimon 1:19

Ngang Paulus üa makkei ei ren püsin pei, pwe üpwe mönisefäli ngonuk meinisin. Nge enlet, üsap wisen achema ngonuk pwe en ka liwinimang ngeniei ren püsin manauom.

Filimon 1:3

Samach Kot me ach Samol Jesus Kraist epwe fang ngenikemi ümöümöch me kinamwe.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.