Mateus 6:2 - Chuukese Bible

² Iei mine are oupwe fang ngeni ekewe chon wöüngau och mettoch, ousap asilefetalei mine oua föri, usun ekewe chon likatuputup ra föri lon ar kewe imwen felikis pwal won ekewe al, pwe aramas repwe ingeitiir. Enlet, üpwe ürenikemi, pwe ra fen wes le angei liwiniir.

Mateus 6:2 Iomraidhean Croise

Kölfel 112:9

A fangafangöch ngeni ekewe chon wöüngau, an pwüng epwe nonom tori feilfeilachök. Epwe wor manan me meninin me ren aramas.

Kölfel 37:21

Ewe aramasangau a liwinimang, nge esap tongeni amusasefäli. Nge ewe chon pwüng a kirikiröch o fangafangöch.

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Än Salomon Fos 20:6

Chomong aramas ra apasa usun püsin ir pwe ra eäni kirikiröch. Nge iö a tongeni küna eman mi wesewesen allükülük?

Än Salomon Afalafal 11:2

Kopwe inetifeseni woum ngeni chomong, pun kosap silei met sokun feiengau epwe toruk won fanüfan.

Aisea 10:6

Üa tinala chon Asiria ren chon eu mwü resap niueitiei, nge üa allük ngeniir pwe repwe maun ngeni ekewe aramas üa songeitiir. Repwe angei seniir wöür o soläni pisekir, repwe pwal puriir usun chök pwakaken won al.

Aisea 58:7

Kopwe ineti ngeni chon echik anom mongö, nge chon mwelele kopwe panalong lon imwom. Are kopwe küna eman mi selela, kopwe aüföüfa, nge kosap kul seni püsin aramasom.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Mateus 15:7

Ämi chon likatuputup! A fokun pwüng mine Aisea a fen osuni usumi!

Mateus 16:3

Nge lesosorusich oua apasa, ‘Epwe räningau, pun a par o roch fän läng.’ Oua tongeni osuni usun ränöch me räningau ren ämi nenengeni fän läng, nge ousap tongeni awewei ekewe asisilen fansoun ikenai!

Mateus 22:18

Nge Jesus a silei usun ar ekiek mi ngau, iei mine a üreniir, “Ämi chon likatuputup! Pwota oua sotuniei?

Mateus 23:5

Ra föri mettoch meinisin pwe aramas repwe küneer. Oupwe nengeni watten ekewe pwor ra rietä won chamwer me pöür, ekewe wokisin seni ekewe Toropwe mi Pin ra nom lon! Nengeni, langatamen ekewe fout lepwülün üfer!

Mateus 23:6

Ra sani ar repwe mot won ekewe leni fän iten aramas mi iteföüla lon lenien kametip, pwal won ekewe lenien mot mi keimwüela lon ekewe imwen felikis.

Mateus 24:51

Iwe, ewe masta epwe apwüngü ngeni mäla o alenia lon lenien ekewe chon likatuputup. Ikewe epwe kechü o akarüngi ie.

Mateus 5:18

Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin.

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 6:3

Nge lupwen oupwe fang ngeni ekewe chon wöüngau, oupwe föri lon ei lapalap, pwe fen mwo nge chiechiemi kewe mi fokun kan ngenikemi resap silei usun.

Mateus 6:5

“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir.

Mateus 7:5

En eman chon likatuputup! Kopwe akomwen uwawu ewe irä seni lon mesom, iwe, mürin kopwapw tongeni künafichi om kopwe uwawu ewe kükün pipi seni lon mesen pwiüm.

Markus 12:39

ra aea ekewe lenien mot än ekewe meilap lon ekewe lenien felikis, pwal ekewe leni fän iten aramas mi iteföüla lon ekewe lenien kametip.

Markus 7:6

Iwe, Jesus a pölüeniir, “A fokun pwüng mine Aisea a fen osuni usumi. Ämi oua chon likatuputup usun a fen mak: ‘Kot a apasa: Ekei aramas ra asamoluei ren kapas chök, nge leluker a fokun toau seniei.

Lukas 11:41

Nge oupwe fang ngeni ekewe mi wöüngau mine a nom lon ämi kewe kap me sepi, mürin mettoch meinisin repwe limöch me remi.

Lukas 11:43

Feiengauemi, ämi Farisi! Pun oua sani le mot won ekewe lenien mot än ekewe mi lap lon ekewe imwen felikis, pwal än ekewe aramas kapong ngenikemi fän suföl me lon ekewe lenien amömö.

Lukas 12:33

Oupwe amömöla pisekimi, nge liwinin oupwe ngeni ekewe chon wöüngau. Oupwe awora ämi kewe sokun pwotou resap tongeni tala, oupwe iseis wöümi lon läng, ewe ia esap tongeni kisikisila me ie, pun chon solä resap tongeni angeer, nge pwötür resap tongeni atarela.

Lukas 12:56

Ämi chon atuputup! Oua tongeni osuni usun ränöch me räningau ren ämi nengeni lapalapen fanüfan me läng, nge pwota ousap silei usun ämi awewe lapalapen fansoun ikenai?

Lukas 13:15

Mürin ewe Samol a üreni, “Ämi chon likatuputup! Ifa usun ousap apichi ririn nöümi kow ika aas seni ewe ia a riri ie o etekinala, pwe oupwe aünü ngeni koluk lon ewe ränin sapat?

Lukas 20:46

“Oupwe afälikemi ren ekewe Sensen Allük, ra sani ar repwe fetalfeil fän üfer mi langatam, ra pwal sani än aramas repwe kapong ngeniir fän suföl lon ekewe lenien amömö. Ra aea ekewe lenien mot än ekewe meilap lon ekewe imwen felikis, pwal ekewe leni fän iten aramas mi iteföüla lon ekewe lenien kametip.

Lukas 6:24

Nge feiengauemi ämi mi pisekisek lon ei fansoun, pun oua fen nom lon manau mi mecheres.

Lukas 6:42

Epwe ifa usun om kopwe tongeni üreni pwiüm, ‘Pwii kopwe mwüt ngeniei ai üpwe uwawu ewe kükün pipi lon mesom’, nge püsin en kosap küna ewe irä mi nom lon mesom? En eman chon likatuputup! Kopwe akomwen uwawu ewe irä mi nom lon mesom, iwe, mürin kopwe tongeni künafichi om kopwe uwawu ewe kükün pipi seni lon mesen pwiüm.

Johannes 13:29

Pokiten Jutas a wisen tümwünü ewe moni, ekoch me lein ekewe chon kaiö ra ekieki pwe Jesus a üreni pwe epwe feila o kamö met ra osupwang ren fän iten ewe chulap, ika epwe fangala och ngeni ekewe chon wöüngau.

Johannes 5:41

Üsap mochen ai üpwe iteföüla me ren aramas.

Johannes 5:44

Ämi oua sani ämi oupwe iteföüla me ren eman me eman leimi, nge ousap kütta ämi iteföüla me ren Kot. Epwe ifa usun ämi oupwe tongeni lüküei?

Johannes 7:18

Eman mi kapas fän püsin itan, a chök püsin kütta iteüöchün. Nge eman mi kütta iteüöchün ewe eman a tinato, i eman aramas mi let, nge esap wor och mine a mwäl won.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Föför 11:29

Iwe, ekewe chon lükü Jesus ra tipeeufengen, pwe än eman me eman leir alilis won ükükün an tongeni epwe titila ngeni pwiir kewe chon lükü mi nom lon Jutea.

Föför 24:17

“Mürin ai toau seni Jerusalem ekoch ier, üa liwinto ikei ai üpwe uwato moni fän iten alilisin aramasei kewe chon Juta mi osupwang, üpwe pwal uwato ai asor.

Föför 9:36

A wor eman fefin itan Tapita lon Joppa, a lükü Jesus. (Itan lon kapasen Krik Torkas, wewen: eman chia.) Neminei a fang an fansoun meinisin le föri föför mürina o alisi chon wöüngau.

Nöün Paulus Toropwe ngeni ekewe Souläng lon Rom 12:8

Are eman a tufichin apöchöküla letipen aramas, epwe föri iei usun. Iö a eäni ewe tufichin alisi aramas, epwe föri seni unusen letipan, iö a eäni ewe tufichin nemenem, epwe achocho le angang, iö a wor ren ewe tufichin eäni kirikiröch ngeni aramas, epwe föri fän pwapwan letipan.

1. Korint 13:3

Are üpwe fangala piseki meinisin ngeni chon wöüngau, are üpwe pwal fangetä inisi pwe epwe kek, nge üsap eäni chen, üsap feiöch ren.

Kalatia 2:10

Iwe, ra chök tüngor pwe aipwe chechemeni ekewe mi osupwang lon ar we mwich, iei ewe mettoch üa fen achocho le föri.

Efisos 4:28

Eman mi sosolä me lom epwe ükütiu le solä, nge epwe achocho le angang pwe epwe wor met epwe lomot ngeni püsin i, epwe pwal tongeni alisi ekewe mi wöüngau.

1. Tesalonika 2:6

Aisap pwal föri met aramas repwe mwareitikem ren, aisap föri ngenikemi, aisap pwal föri ngeni ekoch.

1. Timoty 6:18

Kopwe allük ngeniir, pwe repwe föri mine a mürina, pwe repwe pisekisek lon ar föför mürina, repwe kichiöch o mochen alisi aramas.

Filimon 1:7

En pwii achengicheng, om tong a atoto ngeniei watten pwapwa me watten chip, pun en ka apwapwai leluken ekewe chon pin meinisin.

Ipru 13:16

Ousap manlükala ämi oupwe föri föför mi öch o alilisfengen lefilemi, pun ena sokun asor Kot a pwapwa ren.

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

1. Samuel 15:30

Mürin, Saul a apasa, “Üa tipis, nge kopwe chök pwäri om meninitiei iei me fän mesen ekewe souakomwen nei aramas me chon Israel meinisin. Kopwe etiei le liwinla pwe üpwe fel ngeni ewe Samol mi Lapalap om we Kot.”