Mateus 6:12 - Chuukese Bible

¹² Kopwe amusala äm tipis, usun pwal äm aia amusala chokana mi tipis ngenikem.

Mateus 6:12 Iomraidhean Croise

1. King 8:30

Kopwe aüselinga ai kewe tüngor me än noum aramasen Israel kewe tüngor, lupwen aia iotek ngonuk le sape ngeni ei leni. Ewer, kopwe aüseling me läng ewe ia ka nom ie, nge lupwen ka rongorong, kopwe amusala äm tipis.

1. King 8:34

kopwe aüselingeer me läng o amusala ar tipis. Kopwe aliwinisefäliir ngeni ewe fanü ka fen ngeni ar kewe lewo.

1. King 8:39

mürin kopwe aüselingeer me läng ewe ia ka nom ie. Kopwe amusala ar tipis o liwini ngeni eman me eman ükükün an föför, pun en ka silei leluker, ewer, en echök ka silei leluken aramas meinisin.

1. King 8:50

Iwe, kopwe amusala än noum kewe aramas tipis me pupungau ra föri ngonuk. Kopwe pwal awora tong lon leluken chokewe mi uweerela, pwe repwe tongeer.

Kölfel 130:4

Nge en ka amusala äm tipis, pwe aipwe niuokusituk.

Kölfel 32:1

Feiöchün ätewe an pupungau a musala, nge an tipis a möla.

Ekistos 34:7

Üa eäni tong ngeni ngeröü o amusala föföringau me pupungau me tipis. Nge üsap amusafatei chon tipis, pwe üa liwini än samasam tipis won nöür me nöün nöür tori aülüngatin me arüanün tettelin aramas.”

Aisea 1:18

Iei alon ewe Samol mi Lapalap, “Ou etto, ousipwe pwüngüpwüngfengen. Oua limengau ren tipis usun eman a limengau ren cha. Nge ngang üpwe limetikemi pwe oupwe limöch usun pwechepwechen sno. Inamwo are oua limengau usun mangaku mi fötöpwül, oupwe fokun limöch.

Taniel 9:19

Äm Samol, kose mochen kopwe aüselingakem o amusala äm tipis. Äm Samol, kose mochen kopwe aüselinga kem o amüttirato om alilis ngenikem pokiten itom, pwe aramas meinisin repwe silei pwe en Kot. Pun ei telinimw om, nge ekei aramas noum.”

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Mateus 9:2

Ekoch aramas ra ekieto ren eman mwän mi mwök won an peet. Lupwen Jesus a küna ar lükülük, a üreni ewe mwän mi mwök, “Nei, kopwe apilükülük! Om tipis kana ra musala.”

Markus 11:25

Iwe, lupwen oua ütä le iotek, nge oua chou ngeni eman, oupwe amusala an tipis, pwe Sememi lon läng epwe pwal amusala ämi tipis.

Lukas 11:4

Kopwe amusala äm kewe tipis pun äm aia amusala chokewe meinisin mi tipis ngenikem. Kosap atolongakem lon sosot.’”

Lukas 13:4

Are ifa usun, ekewe engol me waluman aramas mi mäla, lupwen ewe imw tekia lon Siloam a turutiu wor? Oua ekieki, pwe ir ra kon tipis lap seni ekewe aramas meinisin mi nom lon Jerusalem?

Lukas 6:37

“Ousap apwüngü aramas, pwe Kot esap apwüngükemi. Ousap atipisi aramas, pwe Kot esap atipisikemi. Oupwe amusala än eman aramas tipis, pun Kot epwe pwal amusala ämi tipis.

Föför 13:38

Iei mine ämi pwii kana, üa mochen ämi oupwe silei pwe ewe pworaus usun ach küna amusamusen tipis a torikemi ren Jesus.

Efisos 1:7

Pun lon Kraist sia ngasala ren chaan, pwe ach kewe tipis ra musala. A ifan me watten än Kot we ümöümöch

Efisos 4:32

Nge oupwe eäni kirikiröch o leluköch lefilemi, oupwe amusamusfengen usun chök Kot a amusala ämi tipis ren Kraist.

Kolose 3:13

Oupwe songomangfengen o amusamusfengen are eman a chou ngeni eman. Oupwe fokun amusamusfengen usun ach Samol a amusala ämi tipis.