Mateus 6:1 - Chuukese Bible

¹ “Oupwe tümwünüfichi, pwe ousap föri ämi föförün pwüng mwen mesen aramas pwe repwe küna mine oua föri. Pun are oupwe föri iei usun, ousap angei och liwin seni Sememi mi nom läng.

Mateus 6:1 Iomraidhean Croise

2. King 10:16

Iwe, Jehu a üreni, “Kopwe etiei pwe kopwe küna ai tiliken fän iten ewe Samol mi Lapalap.” Iwe, a eti Jehu le sai won waan woken.

2. King 10:31

Nge Jehu esap aleasochis ngeni än ewe Samol mi Lapalap ewe Koten Israel allük ren unusen lelukan. Esap kul seni ekewe tipis Jeropoam a föri, lupwen a emweni Israel ngeni tipis.

Kölfel 112:9

A fangafangöch ngeni ekewe chon wöüngau, an pwüng epwe nonom tori feilfeilachök. Epwe wor manan me meninin me ren aramas.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Sekaraia 13:4

Lon ena fansoun eman me eman soufos epwe säw ren püsin künan, lupwen a osuni, esap pwal chüen üföüf üfen soufos mi ülöül pwe epwe atupu aramas.

Sekaraia 7:5

“Kopwe üreni aramasen ewe fanü meinisin, pwal ekewe souasor: Lupwen oua echikefel me ngüngüres lon alimuen me afisuen maram lon ekei fik ier, ifa usun, oua wesewesen echikefel fän itei?

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 16:6

Jesus a üreniir, “Oupwe tümwünüfichi o afälikemi ren ewe iis än ekewe Farisi me Satusi.”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Mateus 23:5

Ra föri mettoch meinisin pwe aramas repwe küneer. Oupwe nengeni watten ekewe pwor ra rietä won chamwer me pöür, ekewe wokisin seni ekewe Toropwe mi Pin ra nom lon! Nengeni, langatamen ekewe fout lepwülün üfer!

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Mateus 5:16

Iei usun ämi saram epwe tittin mwen ekewe aramas, pwe repwe küna ämi föför mürina o mwareiti Sememi lon läng.

Mateus 5:46

Are oua chök echeni chokewe mi echenikemi, esap wor och liwin oupwe angei. Pwal mwo nge ekewe chon ioni takises ra föri ei sokun.

Mateus 5:48

Iei mine ämi oupwe unusöch usun Sememi mi nom läng a unusöch!

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 6:9

Iwe, iei usun ämi oupwe iotek: ‘Semem lon läng. Itom epwe pin,

Markus 8:15

Iwe, Jesus a üreniir, “Oupwe tümwünüfichi o afälikemi ren ewe iis än ekewe Farisi me Herotes.”

Lukas 11:35

Iei mine kopwe tümwünüöchuk, pwe ewe saram mi nom lomw esap rochopwak.

Lukas 12:1

Lon ena fansoun, lupwen chomong ngeröün aramas ra chufengen pwe ra chök ipwerifengeniir, Jesus a akomwen kapas ngeni nöün kewe chon kaiö, “Oupwe afälikemi ren ewe iis än ekewe Farisi, wewen ar likatuputup.

Lukas 12:15

Mürin a sopwela le kapas ngeniir meinisin, “Oupwe mamasa o tümwünüöchükemi seni sokopaten mochenia meinisin. Pun manauen eman aramas esap longolong won met mi nom ren, inamwo are a fokun pisekisek.”

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Johannes 12:43

Pun ra aücheani än aramas repwe mwareitiir, lap seni än Kot epwe mwareitiir.

Johannes 5:44

Ämi oua sani ämi oupwe iteföüla me ren eman me eman leimi, nge ousap kütta ämi iteföüla me ren Kot. Epwe ifa usun ämi oupwe tongeni lüküei?

Föför 3:12

Iwe, lupwen Petrus a küna ekewe aramas, a üreniir, “Ämi aramasen Israel, pwota oua fokun mairü ren mine a fis, pwota oua nefotofot ngenikem? Oua ekieki pwe ren äm manaman me äm soulängöch aia tongeni apöchökülätä ei mwän pwe a tongeni fetal?

Kalatia 6:12

Ekewe aramas mi mochen erianikemi pwe oupwe sirkomsais, ir ätekewe mi sikesik o aingaing won mettochun lükün. Ra föri ei, pwe resap küna riaföü pokiten ewe iräpengesin Kraist.

Tuteronomi 24:13

Iwe, lupwen akkar a tuputiu, kopwe aliwinala ngeni an we asisilen lwinimang, pwe a tongeni annut fän üfan owokot o afeiöchuk. Ren ei föför kopwe küna pwüng fän mesen ewe Samol mi Lapalap om we Kot.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

2. Johannes 1:8

Iei mine oupwe mamasakemi, pwe esap pöüt senikemi mine sia angang fän itan, nge oupwe angei ewe liwin mi unus.