Mateus 5:9 - Chuukese Bible

⁹ Ra feiöch chon afisätä kinamwe, pun ir repwe iteni nöün Kot.

Mateus 5:9 Iomraidhean Croise

1. Kronika 12:17

Tafit a towu rer o üreniir, “Are oua feito rei pwe oupwe chiechi ngeniei o alisiei, ngang üpwe fokun tipeeu ngeni ach sipwe chiechifengen. Nge are oua ekiekin afangamäei ngeni chon oputaei, inamwo ika üsap föri och mi ngau, amwo än ach kewe lewo we Kot epwe küna o apwüngükemi.”

Kölfel 120:6

A fansoun langatam ai imweimw lein chokewe mi oput kinamwe.

Kölfel 34:12

Iö me leimi a pwapwaiti manau o mochen manauatam pwe epwe alomota ekewe feiöch meinisin?

Mateus 5:45

pwe oupwe wiliti nöün Sememi mi nom läng. Pun i a atötai förian akkar won ekewe aramasangau me aramasöch, nge a apüngatiu üt won chon pwüng me chon pwüngingau.

Mateus 5:48

Iei mine ämi oupwe unusöch usun Sememi mi nom läng a unusöch!

Lukas 20:36

Repwe wewe ngeni ekewe chon läng, nge resap chüen tongeni mäla. Ir nöün Kot, pun ra manausefäl seni mäla.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Föför 7:26

Sorotän ewe rän a küna pwe ruoman re Israel ra fiufengen. Iwe, a sotuni an epwe awora kinamwe lefiler o a üreniir, ‘Ätekanan, ämi pwipwi, pwota oua fiufengen lefilemi?’

Nöün Paulus Toropwe ngeni ekewe Souläng lon Rom 12:18

Oupwe föri mine oupwe kinamwefengen me aramas meinisin ren ükükün ämi tongeni.

Nöün Paulus Toropwe ngeni ekewe Souläng lon Rom 8:14

Iwe, chokewe mi nonom fän emwenien ewe Ngünün Kot, ir nöün Kot.

Nöün Paulus Toropwe ngeni ekewe Souläng lon Rom 8:16

Iwe, ewe Ngünün Kot a pwäri ngeni ngünüch pwe kich sia nöün Kot kana.

Nöün Paulus Toropwe ngeni ekewe Souläng lon Rom 8:19

Förien Kot kewe meinisin ra fokun ösüküsükü pwe Kot epwe pwärala nöün kana.

1. Korint 6:6

Nge eman souläng a uwala lon kapwüng an fitikoko ngeni pwal eman chiechian souläng, pwe eman soukapwüng esap souläng epwe apwüngü.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

2. Korint 5:20

Iei mine äm aia chon arong fän iten Kraist usun itä nge Kot a nöünöü äm le tüngor ngenikemi. Äm aia tüngormau ngenikemi fän iten Kraist: Oupwe chäfengen me Kot.

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Efisos 4:1

Ngang eman chon fötek pokiten ai angang ngeni ach Samol, üa mochen pese ngenikemi pwe oupwe manaueni eu manau mi fich ngeni ewe kö seni Kot.

Filipi 4:2

Ngang üa tüngormau ngenikemi Eutia me Sintike, ouse mochen oupwe tipeeufengen usun chök pwipwi lon ach Samol.

Kolose 3:13

Oupwe songomangfengen o amusamusfengen are eman a chou ngeni eman. Oupwe fokun amusamusfengen usun ach Samol a amusala ämi tipis.

Ipru 12:14

Oupwe achocho ngeni ämi oupwe kinamwefengen me aramas meinisin, oupwe pwal achocho ngeni ämi oupwe manaueni eu manau mi pin, pun esap wor eman epwe küna ach Samol are esap pin.