Mateus 5:8 - Chuukese Bible

⁸ Ra feiöch chon limöch leluker, pun ir repwe küna Kot.

Mateus 5:8 Iomraidhean Croise

Keneses 32:30

Iwe, Jakop a apasa, “Üa küna won mesen Kot, nge üa chüen manau.” Iei mine a aita ngeni ewe leni Peniel .

2. Samuel 22:27

Ka pwärätä om limelimöch ngeni ir mi limelimöch, nge ekewe mi por manauer ka pwärätä om pöchökül ngeniir.

Kölfel 15:2

Ätewe mi aleasochisi Kot o föri mine a pwüng fansoun meinisin, a eäni kapas wenechar seni lon lelukan.

Kölfel 18:26

Ka pwärätä om limelimöch ngeni ir mi limelimöch, nge ekewe mi pwor manauer ka pwärätä om pöchökül ngeniir.

Kölfel 24:4

Chokewe mi limöch ar föför me ar ekiek, resap fel ngeni uluulun anümwäl, resap pwal chofana le akapel.

Kölfel 51:10

Ai Kot, kopwe föri loi eu leluk mi limöch o fangelong loi eu ngün mi fö o pos.

Kölfel 51:6

Ellet, ka pwapwaäsini letip wenechar. Kopwe aiti ngeniei ewe tipachem mi monomon.

Kölfel 73:1

Ellet, Kot a kirikiröch ngeni chon Israel, ngeni chokewe mi limöch leluker.

Än Salomon Fos 22:11

Eman mi eäni eu leluk mi limöch o eäni kapas pwetete, ewe king epwe chiechi ngeni.

Föför 15:9

Esap wor aimwümwü lefilach me ir. A amusala ar tipis, pokiten ra lükü Jesus.

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

2. Korint 7:1

Ämi chiechiei kana mi achengicheng, Kot a fen ngenikich ekei kapasen pwon meinisin, iei mine sipwe püsin limetikich seni sokun limengauen inis me ngün, o sipwe manaueni eu manau mi unusen pin lon ach niuokusiti Kot.

Titus 1:15

Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 12:14

Oupwe achocho ngeni ämi oupwe kinamwefengen me aramas meinisin, oupwe pwal achocho ngeni ämi oupwe manaueni eu manau mi pin, pun esap wor eman epwe küna ach Samol are esap pin.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

James 4:8

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.

1. Petrus 1:22

Iwe, pokiten oua alimöchükemi ren ämi aleasochisi mine a let o oua eäni tong enlet ngeni pwiimi kewe souläng, oupwe wesewesen echenifengenikemi ren unusen lelukemi.

Pwärätä 22:4

Repwe küna won mesen Kot, nge itan epwe mak won chamwer.