Mateus 5:7 - Chuukese Bible

⁷ Ra feiöch chon eäni tong, pun Kot epwe pwal eäni tong ngeniir.

Mateus 5:7 Iomraidhean Croise

2. Samuel 17:28

Ra uwato kieki, sepi me sokopaten sepi mi för seni pwül, pwal wiich, parli, pilawa mi amas, föün wiich mi tün, mame me sokopaten mame,

2. Samuel 22:26

Ai Samol mi Lapalap, ka allükülük ngeni ir mi allükülük, ka pwal pwärätä om unusen pwüng ngeni ir mi unusen pwüng.

Kölfel 112:4

Saram a tin lon rochopwak fän iten ewe mi wenechar. Pun ewe Samol mi Lapalap a kirikiröch, a pwal ümöümöch o pwüng.

Kölfel 112:9

A fangafangöch ngeni ekewe chon wöüngau, an pwüng epwe nonom tori feilfeilachök. Epwe wor manan me meninin me ren aramas.

Kölfel 18:25

Ai Samol mi Lapalap, ka allükülük ngeniir mi allükülük, ka pwal pwärätä om unusen pwüng ngeniir mi unusen pwüng.

Kölfel 37:26

Ewe chon pwüng a fangafangöch o mwütätä pisekin ngeni aramas, nge nöün kana ra wään feiöch ngeni aramas.

Än Salomon Fos 11:17

Eman mwän mi eäni kirikiröch a püsin feiöch ren, nge eman mi ariaföüü aramas a püsin feiengau ren.

Än Salomon Fos 11:25

Eman aramas mi kichiöch epwe pisekisekila, nge eman mi alisi aramas, aramas repwe pwal alisi.

Än Salomon Fos 14:21

Eman mi oput chon arun a tipis, nge eman mi kirikriöch ngeni ekewe chon wöüngau epwe feiöch.

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Aisea 57:1

Iwe, ekewe chon pwüng ra mäfeiengau, nge esap wor eman a ekieki usur. Ekewe chon lükü Kot ra mäla, nge esap wor eman a silei popun. Iwe, ekewe chon pwüng ra mäla mwen ewe ränin feiengau a war,

Taniel 4:27

Iei mine ai king, kose mochen kopwe tipeeu ngeni ai kapas. Kopwe aier seni om tipis o eäni föförün pwüng, kopwe pwal ekieksefäl seni om föföringau o eäni tong ngeni chon riaföü. Ren ei, om nonomöch epwe soposopola.”

Osea 1:6

Iwe, Komer a pwopwosefäl o nöüni eman nengin. Mürin, ewe Samol mi Lapalap a üreni Osea, “Kopwe aita ngeni ewe nengin ‘Esechen’. Pun ngang üsap chüen echeni ekewe chon Israel ika amusala ar kewe tipis.

Osea 2:1

Iwe, ämi aramas, oupwe aita ngeni pwimi kewe, “Ämi nöün Kot aramas,” nge oupwe aita ngeni fefinemi kewe, “Ämi oua küna chenimi me ren Kot.”

Osea 2:23

Üpwe fotukätiu nei aramas lon ewe fanü o efefeitäär. Üpwe pwäri ai chen ngeni chokewe mi iteni ‘Esechen’ o üreni chokewe mi iteni ‘Sap nei aramas’ pwe ir ‘Nei aramas’, nge ir repwe üra, ‘En äm we Kot!’”

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Markus 11:25

Iwe, lupwen oua ütä le iotek, nge oua chou ngeni eman, oupwe amusala an tipis, pwe Sememi lon läng epwe pwal amusala ämi tipis.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Nöün Paulus Toropwe ngeni ekewe Souläng lon Rom 11:30

Iwe, ämi chon lükün Israel oua aleasolap ngeni Kot me lom. Nge iei oua angei än Kot ümöümöch pokiten än ekewe chon Juta aleasolap.

1. Korint 7:25

Iwe, usun ekewe föpwül esap wor pwülüer üa fen mak ngenikemi: Esap wor eu allük seni ach Samol, nge üa atowu mefiei usun eman mi allükülük pokiten tongen ach Samol.

2. Korint 4:1

Iwe, pokiten än Kot tong a atolongakem lon ei angang, iei mine aisap apilükingau.

Efisos 4:32

Nge oupwe eäni kirikiröch o leluköch lefilemi, oupwe amusamusfengen usun chök Kot a amusala ämi tipis ren Kraist.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.

1. Timoty 1:16

Nge Kot a eäni tong ngeniei, pwe Kraist Jesus epwe pwärala unusen an mosonotam lon met a föri ngeniei, ngang eman chon tipis mi ngau seniir meinisin, pwe üpwe eu minen awewe ngeni chokewe repwe lükü i me mürin o repwe küna ewe manau esemüch.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Petrus 2:10

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.