Mateus 5:6 - Chuukese Bible

⁶ Ra feiöch chon mochen föri mine a pwüng me mwen mesen Kot, pun Kot epwe amenemenöchür.

Mateus 5:6 Iomraidhean Croise

Kölfel 107:9

Pun a amötü chokewe mi kaka o amongöü chokewe mi echik ngeni mongö mi annö.

Kölfel 145:19

A föri mochenin ir meinisin mi niuokusiti i, a rong ar siö o amanaueer.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Kölfel 63:5

Ngüni a mötüla usun üa mötüla ren mongö mi annö. Üpwe mwareituk fän pwapwa,

Kölfel 65:4

Feiöchün chokewe ka filiretä o emwenireto pwe repwe nom lon leniom mi pin. Äm aipwe üren feiöch ren ekewe mettoch mi mürina me lon imwom we mi pin.

Kölfel 84:2

Üa fokun positi ai üpwe nom lon imwen ewe Samol mi Lapalap, ewer, üa aiengau ren. Lelukei me inisi ra kölün pwapwa ngeni ewe Kot mi manau.

Än Salomon Fos 10:24

Mine eman aramasangau a niueiti epwe fis ngeni, nge mine eman chon pwüng a aläläei epwe tori.

Än Salomon Fos 21:21

Eman mi eäni pwüng me kirikiröch epwe manauatam, epwe küna pwüng me iteüöch.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Aisea 25:6

Won ewe chuk Sion ewe Samol mi Unusen Manaman epwe amolätä eu kametip fän iten aramas meinisin won fanüfan, eu kametip ia epwe wor ie sokopaten mongö mi anö, pwal wain mi mürina.

Aisea 41:17

Iwe, lupwen chon wöüngau me osupwang ra kütta koluk, nge resap küna, lupwen ra kaka pwe chönawer a pwasapwas, ngang ewe Samol mi Lapalap üpwe pälüeni ar iotek o alisiir. Ngang ewe Koten Israel üsap likitirela.

Aisea 44:3

Üpwe ninätiu koluk won fanüen chon kaka, üpwe pwal apupu chanpupu lon leni mi pwasapwas. Iwe, üpwe anomu Ngüni won mwirimwirum kana, pwal ai feiöch won noum kana.

Aisea 65:13

Iei mine ewe Samol mi Lapalap a apasa, “Nei chon angang repwe mongö o ün, nge ämi oupwe echik o kaka. Nei chon angang repwe pwapwa, nge ämi oupwe säw.

Aisea 66:11

Pun oupwe chip ren, usun eman semirit a chip ren oupun inan, oupwe pwal pwapwa o möt ren wöün mi ling o somwola.”

Jeremaia 31:25

Üpwe apöchökülasefäli chokewe mi malülü o amongöni chokewe mi apwangapwangen echik.”

Lukas 1:53

A amenemenöchü chokewe mi echik ren chomong mettoch mi mürina, o tinala ekewe chon pisekisek fän ar asöülapö.

Lukas 6:21

Oua feiöch ämi mi echik lon ei fansoun, pun oupwe mötüla. Oua feiöch ämi mi kechü lon ei fansoun, pun oupwe fokun pwapwa.

Lukas 6:25

Feiengauemi ämi mi mötüla lon ei fansoun, pun oupwe echik. Feiengauemi ämi mi pwapwa lon ei fansoun, pun oupwe letipeta o kechü.

Johannes 4:14

nge iö a ün seni ewe koluk ngang üpwe ngeni, esap chüen kakasefäl. Ewe koluk üpwe ngeni epwe wiliti eu lenien puächen kolukun manau leutun mi atoto manau esemüch.”

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

Johannes 7:37

Lesopolan ränin ewe chulap, iei ewe rän mi fokun aüchea, Jesus a ütä o apasa fän leüömong, “Iö a kaka epwe feito rei o ün!

Pwärätä 7:16

Resap chüen echik ika kaka, akkar esap chüen pwichitiir, nge och pwichikar esap toriir.