Mateus 5:5 - Chuukese Bible

⁵ Ra feiöch chon tipetekison, pun ir repwe fanüeni fanüfan.

Mateus 5:5 Iomraidhean Croise

Kölfel 147:6

Ewe Samol mi Lapalap a atekiatä chokewe mi tekison, nge a aturätiu ekewe aramasangau lepwül.

Kölfel 149:4

Pun ewe Samol mi Lapalap a pwapwaäsini nöün aramas, a alinga ekewe chon tipetekison ren win.

Kölfel 22:26

Chokewe mi wöüngau repwe mongö o möt. Chokewe mi feito ren ewe Samol mi Lapalap repwe mwareiti i. Amwo repwe feiöch tori feilfeilachök.

Kölfel 25:13

I püsin epwe wöümong, nge nöün kana repwe fanüeni ewe fanü.

Kölfel 25:9

A emweni chon tipetekison lon mine a pwüng o aiti ngeniir letipan.

Kölfel 37:11

Nge ekewe chon tipetekison repwe fanüeni ewe fanü o pwapwaäsini ar feiöch me kinamwe mi somwola.

Kölfel 37:22

Pun chokewe mi feiöch me ren ewe Samol mi Lapalap repwe fanüeni ewe fanü, nge chokewe mi anümamau me ren Kot repwe kärila.

Kölfel 37:29

Ekewe chon pwüng repwe fanüeni ewe fanü o nonom won tori feilfeilachök.

Kölfel 37:34

Kopwe anomu om apilükülük won ewe Samol mi Lapalap o aleasochisi an kewe allük. I epwe atekioketä pwe kopwe fanüeni ewe fanü, nge en kopwe nenengeni, lupwen ekewe aramasangau repwe kasüla.

Kölfel 37:9

Pun ekewe aramasangau repwe käriwu, nge chokewe mi apilükülükü ewe Samol mi Lapalap repwe fanüeni ewe fanü.

Kölfel 69:32

Ekewe mi nom lon riaföü repwe küna ei o pwapwa. Ämi mi fel ngeni Kot oupwe apilüköch.

Aisea 11:4

Nge epwe apwüngü chon wöüngau fän pwüng, epwe pwal peni chon tipetekison won fanüfan, nge esap lifilifil. Iwe, epwe afeiengaua fanüfan ren an kapas usun sa afeiengaua eman ren efoch wok, epwe pwal niela chon föföringau ren enienin ngasangasan.

Aisea 29:19

Ekewe chon tipetekison repwe eäni pwapwa me ren ewe Samol mi Lapalap, nge chon wöüngau repwe mwänek ren Ewe mi Pin lon Israel.

Aisea 60:21

Mürin, noum aramas meinisin repwe föri mine a pwüng. Repwe fanüeni ewe fanü tori feilfeilachök, pun üpwe fotukiir ikenan ren püsin pei, pwe üpwe küna ling rer.

Aisea 61:1

Iwe, Ngünün Kot ewe Samol mi Lapalap a nonom woi, pun a awisaei pwe üpwe aronga ngeni chon mwelele pworausen manau. A tinieito pwe üpwe achipa chon luketatakis, üpwe asile ngeni chon oola ar repwe ngasala, pwal ngeni chon fötek pwe epwe suk lenien ar fötek.

Sefanaia 2:3

Oupwe kütta ewe Samol mi Lapalap, ämi meinisin mi tipetekison me lon ewe fanü, ämi mi aleasochis ngeni an kewe allük. Oupwe föri mine a pwüng o atekisonakemi. Eli oua tongeni sü seni ewe apwüng lon ränin än ewe Samol mi Lapalap lingeringer.

Numperis 12:3

Nge Moses eman mwän mi tipetekison, a fokun tipetekison seni aramasen fanüfan meinisin.

Mateus 11:29

Oupwe ämwäralong womi ai we waas o kaiö seniei, pun ngang üa lukpwetete o tipetekison, iwe, oupwe küna söön ngünümi.

Mateus 21:5

“Oupwe üreni chon ewe telinimw Sion: Nengeni ämi king a feito remi! A tipetekison o wawa eman aas, me eman nienifön aas.”

Nöün Paulus Toropwe ngeni ekewe Souläng lon Rom 4:13

Lupwen Kot a pwon ngeni Apraham me mwirimwirin kana pwe repwe fanüeni fanüfan, a föri ei sap pokiten än Apraham aleasochisi ekewe Allük, nge pokiten an küna pwüng me ren Kot ren an lükülük.

Kalatia 5:23

tipetekison me tipepwora. Esap wor och allük a ü ngeni ekei sokun föför.

Efisos 4:2

Oupwe tipetekison fansoun meinisin, oupwe tipepwetete o mosonotam. Oupwe echenifengenikemi ren ämi songomangfengen lefilemi.

Kolose 3:12

Ämi chon fil me ren Kot, ämi chon pin kana i a echenikemi, oupwe pwilitalong womi tong, kirikiröch, tipetekison, lukpwetete me mosonotam.

1. Timoty 6:11

Nge en nöün Kot aramas, kopwe sü seni ekei mettoch meinisin. Kopwe fokun achocho ngeni om kopwe eäni pwüng, soulängöch, lükülük, chen, likitü me kirikiröch.

2. Timoty 2:25

epwe pwal tipepwetete lon an fönöü chokewe mi ü ngeni, pun eli epwe fis pwe Kot epwe ngeniir tufichin ar repwe ekieksefäl, pwe repwe silei ewe let.

Titus 3:2

Kopwe üreniir, pwe resap kapas ingau usun eman aramas, repwe afisätä kinamwe me chiechiöch o pwärala ar tipepwetete ngeni aramas meinisin.

James 1:21

Iei mine oupwe likitätiu sokun limelimengau me sokun föföringau meinisin. Oupwe atekisonakemi mwen mesen Kot o oupwe etiwa ewe kapas a fot lomi, a tongeni amanauakemi.

James 3:13

Iö leimi a ekieki pwe a tipachem o mirit? Epwe alletätä ren an manaueni eu manau mi mürina me an föför mürina a föri fän tipetekison me tipachem.

1. Petrus 3:15

Oupwe meniniti Kraist lon lelukemi, oupwe asamolu i, pun i ämi Samol. Oupwe molotä fansoun meinisin pwe oupwe pölüeni chokewe mi aisinikemi, pwe oupwe awewe ngeniir usun ewe apilükülük oua eäni,

1. Petrus 3:4

Nge ämi liöch epwe pwä ren mine a nom lon letipemi, iei eu liöch esap fokun tongeni siwil, a wor ren eman aramas mi tipemecheres o lukpwetete. Ei sokun liöch a fokun aüchea mwen mesen Kot.