Mateus 5:44 - Chuukese Bible

⁴⁴ Nge ngang üpwe ürenikemi: Oupwe echeni chon oputakemi o iotek fän iten chokewe mi ariaföüükemi,

Mateus 5:44 Iomraidhean Croise

2. King 6:22

Nge Elisa a pälüeni, “Kosap nirela, pun kosap fen niela chokewe ka liapeniir lon maun. Kopwe amongöniir pilawa o aünüür koluk, pwe repwe mongö o ün, mürin repwe liwiniti ar samol.”

Kölfel 7:4

are üa liwini än chienei kirikiröch ngeni mi ngau, ika angei och fän pöchökül seni chon oputaei, nge esap wor popun,

Än Salomon Fos 19:11

Mirit a alisi eman aramas pwe epwe mang ngeni song, nge eman a iteüöch are esap ekieki mine eman a föri ngeni.

Lukas 23:34

Iwe, Jesus a apasa, “Semei, kopwe amuserela, pun resap silei mine ra föri.” Ra üttüt won üfan kana o ra ngeni eman me eman met üttian.

Johannes 13:34

Iei üpwe ngenikemi eu allük mi fö: Oupwe echenifengenikemi lefilemi. Usun ngang üa echenikemi, iei usun pwal ämi oupwe echenifengenikemi.

Föför 16:28

Nge Paulus a kökkö fän mwelian mi leüömong, “Kosap püsin afeiengauok! Äm meinisin aia nom ikei!”

Föför 7:60

Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.

Nöün Paulus Toropwe ngeni ekewe Souläng lon Rom 12:14

Oupwe tüngor ngeni Kot pwe epwe afeiöchü chokewe mi ariaföüükemi. Ewer, oupwe tüngor ngeni pwe epwe afeiöchüür, nge esap afeiengauer.

1. Tesalonika 5:15

Oupwe pii pwe esap wor eman epwe liwiningauei föföringauen eman ngeni, nge fansoun meinisin oupwe achocho le föri mine a mürina lefilemi, pwal ngeni aramas meinisin.

1. Petrus 2:23

Lupwen ra kapasingau usun esap pwal pölüeni lon kapas mi ngau. Lupwen aramas ra ariaföüü esap pwal eniweer, nge a anomu an apilükülüköch won Kot ewe soukapwüng mi eäni pwüng lon kapwüng.

1. Petrus 3:9

Ousap liwini ngau ngeni ngau are ottek ngeni ottek, nge oupwe afeiöchüür, pun Kot a körikemi ämi oupwe föri iei usun, pwe oupwe angei eu feiöch.

1. Samuel 24:17

A üreni Tafit, “En ka pwüng lap seniei. Ka liwini ngeniei mine a mürina, nge ngang üa liwini ngonuk mine a ngau.