Mateus 5:25 - Chuukese Bible

²⁵ Are eman a mochen kapwüng ngonuk pwe a föri nöün toropwen kapwüng, kopwe müttir chächäri lupwen mi chüen wor fansoun, pwe ete aturuk ren soukapwüng, o i epwe atolongok lepöün polis, nge ir repwe aturukolong lon imwen fötek.

Mateus 5:25 Iomraidhean Croise

Hiop 22:21

Kopwe tipeeu ngeni Kot o kinamwe ngeni. Ren ei, feiöch epwe toruk.

Kölfel 32:6

Iei mine ekewe chon allükülük repwe iotek ngonuk lon fansoun riaföü. Lupwen feiengauen apwüng a war usun eu noter, esap toriir.

Än Salomon Fos 25:8

Kosap müttir uwalong lon kapwüng mine mesom a küna. Pun met kopwe föri lesopolan, lupwen chon arum a pwärätä pwe ka mwäl.

Mateus 26:58

Nge Petrus a tapwela mürin Jesus me toau tori ewe leni lükün imwen ewe Souasor mi Lap. A tolong lon ewe leni lükün o mottiu ren ekewe chon mas an epwe küna met epwe fis.

Lukas 18:3

Mi pwal wor eman fefin mi mä pwülüan lon ewe telinimw, a chök soun feito ren ewe soukapwüng o tüngormau ngeni, ‘Kopwe pwärala ai pwüng o alisiei ren ewe chon ü ngeniei.’

2. Korint 6:2

Pun iei met Kot a apasa, “Lon fansoun fich üa aüselingok, lon ränin küna manau üa alisuk.” Nengeni, ikenai fokun fansoun fich, nengeni, ikenai ränin küna manau!

Ipru 12:17

Iwe, oua silei pwe a mochen angei feiöchün me ren saman me mürin, nge esap chüen tongeni angei. Esap chüen küna efoch alen an epwe siwilisefäli mine a fen föri, inamwo ika a kütta ewe feiöch fän chönün mesan.

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

Ipru 3:7

Iwe, iei usun met ewe Ngünmifel a apasa, “Ikenai are oua rong mwelien Kot,