Mateus 5:22 - Chuukese Bible

²² Nge ngang üpwe ürenikemi: Iö a songeiti pwiin epwe tolong lon kapwüng, o iö a kapasen turunufas ngeni pwiin epwe tolong lon kapwüng mi lap, nge iö a apasa ngeni pwiin, ‘En mi umwes,’ epwe fich ngeni an epwe tolong lon ewe ekkeiin hell.

Mateus 5:22 Iomraidhean Croise

Keneses 37:4

Nge lupwen pwin kewe ra küna pwe semer we a echeni Josef lap seniir meinisin, ra oputa Josef, nge resap chüen tongeni wokekei are kapas pwapwa ngeni.

Keneses 37:8

Nge pwin kewe ra aisini, “Ifa usun, ka ekieki pwe en kopwe nemenikem, are ka ekieki pwe kopwe äm samol?” Iwe, ra chök fokun alapala ar oput pokiten pworausen an we tan.

2. Samuel 16:7

Iwe, Simei a otteki Tafit o apasa, “Kopwe süla, kopwe süla. En eman mwän mi nimanauei aramas, en eman mi fokun föföringau.

2. Samuel 6:20

Lupwen Tafit a liwiniti imwan pwe epwe afeiöchü chon an famili, Mikal nöün Saul we fefin a towu pwe epwe churi. Iwe, a üra, “Mwa met, ewe kingen Israel a püsin aitöchü ikenai. A püsin aselelai ikenai me fän mesen ekewe chon angang fefin nöün nöün kewe nöüwis, usun eman mi akkochofäsä a säwemang le püsin aselelai.”

1. King 21:4

Iwe, Ahap a liwiniti imwan fän chou me song pokiten än Napot kapas ngeni pwe esap mwüt ngeni fanüan me won an kewe lewo. Iwe, a konola won an peet o kulu ngeni etip, esap pwal mochen mongö.

2. Kronika 16:10

Mürin, Asa a song ngeni ewe soufos pokiten an kei kapas. A fokun lingeringer pwe a aturalong lon imwen fötek. Lon ewe chök fansoun Asa a pwal fokun ariaföüü ekoch me lein ekewe aramas.

2. Kronika 19:5

A filätä soukapwüng lon iteiten eu me eu telinimw mi pöchökül tittir me lon ewe fanü Juta.

Nehemia 5:8

Üa üreniir, “Ükükün äm tongeni äm aia mönisefäli pwim kewe chon Juta mi püsin amömörela ngeni chon ekewe mwü. Nge ämi oua fen ariani pwimi kewe, pwe repwe püsin amömörela ngenikemi.” Iwe, ekewe aramas tekia ra fanafanala, pun resap tongeni pälüeni och.

Kölfel 109:3

Ra kapasingau usi o fiu ngeniei, nge esap wor popun.

Kölfel 14:1

Ekewe mi umwes ra ekieki lon leluker, “Esap wor Kot.” Ir ra fokun ngau, ra föri sokun föför mi anioput, esap wor eman a föri mine a pwüng.

Kölfel 25:3

Ewer, esap wor eman mi apilükülükuk epwe säw. Nge chokewe mi ü ngonuk repwe säw.

Kölfel 35:19

Kosap mwüt ngeni chon palüeniei, nge esap wor popun, pwe repwe takirin ämängauaei, kosap pwal mwüt ngeni chokewe mi oputafatei pwe repwe takiriei ren ai letipeta.

Kölfel 37:8

Kopwe ükütiu seni song o likitala lingeringer. Kosap achouuk, pun a chök emwenukelong lon mine a ngau.

Kölfel 49:10

Ewer, aramas ra küna pwe pwal ekewe chon tipachem ra mäla usun chök ekewe mi umwes me tiparoch. Ra likiti wöür ngeni pwal ekoch.

Kölfel 69:4

Chokewe mi oputaei, nge esap wor popun, ra chomong seni iteiten meten mökürei. Chokewe mi mochen nieila ra pöchökül, ra kapas chofana usi. Ra pöchökül ngeniei pwe üpwe aliwinala mettoch üsap soläni.

Kölfel 7:4

are üa liwini än chienei kirikiröch ngeni mi ngau, ika angei och fän pöchökül seni chon oputaei, nge esap wor popun,

Kölfel 92:6

Aramas mi tipate resap tongeni silei, nge ir mi tiparoch resap tongeni wewe ren:

Än Salomon Fos 14:16

Eman mwän mi tipachem a föröchü o kul seni mine a ngau, nge eman mi tiparoch a tümwününgau o müttir föri mine a mochen.

Än Salomon Fos 18:6

Än eman chon tiparoch kapas a afisätä anini, nge ren an kapas a atoto an epwe angei wichiwich.

Jeremaia 17:11

Usun ewe machang itan patrik a aloppa sokul, nge esap püsin sokulun, iei usun ätewe mi pisekisekila fän pwüngingau. Lukalapen fansoun manauan wöün epwe pöüt seni, nge lesopolan manauan epwe eman mi umwes.

Kölün kechü 3:52

Chokewe mi oputaei, nge esap wor popun, ra eseichiei usun aramas ra eseichi machang.

Taniel 3:13

Mürin, Nepukatnesar a fokun lingeringer o allük pwe repwe emwenato Satrak, Mesak me Apetneko. Iwe, ra emwenireto fän mesen ewe king.

Taniel 3:19

Mürin, Nepukatnesar a fokun lingeringeriti Satrak, Mesak me Apetneko, pwe a wowongau ngeniir. Iwe, a allük pwe repwe sonisefäli ewe ekkei, pwe pwichikaran epwe tori fän fisu seni me mwan.

Opataia 1:10

Pokiten ewe angangen mwänewüs ka föri ngeni pwiüm kewe mwirimwirin Jakop, kopwe kärila o itengau tori feilfeilachök.

Opataia 1:12

Nge en, esap öch om tuneämängau won pwiüm kewe chon Juta lon ränin ar weires, esap öch om meseik wor lon ränin ar feiengau, esap pwal öch om tunesikesik lon ränin ar riaföü.

Mateus 10:17

Oupwe mamasa, pun epwe wor aramas repwe fötekinikemi o emwenikemi lon kapwüng, repwe pwal wichikemi me lon ar kewe imwen felikis.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Mateus 12:24

Nge lupwen ekewe Farisi ra rong ekei kapas, ra apasa, “Ätei a chök asüela ekewe anün rochopwak pokiten ewe samolun anün rochopwak a ngeni an manaman.”

Mateus 17:5

Lupwen Petrus a chüen kakapas, eu kuchu mi saramaram a anürürela o eu mangüngü seni lon ewe kuchu a apasa, “Iei i nei mi achengicheng üa fokun pwapwa ren, oupwe aüselinga!”

Mateus 18:21

Mürin Petrus a feito ren Jesus o aisini, “Ai Samol, are pwii a chök titipis ngeniei, fän fitu ngang üpwe amusala an tipis? A naf fän fisu?”

Mateus 18:35

Iei usun mine Semei lon läng epwe föri ngeni eman me eman leimi, are ousap amusala tipisin pwimi seni lon letipemi.”

Mateus 23:15

Feiengauemi, ämi Sensen Allük me Farisi! Ämi chon likatuputup! Ämi oua saifeil le matau pwal won fanü fän iten ämi oupwe liapeni eman aramas ngeni ämi lamalam. Nge lupwen eman a etiwa ämi lamalam, oua föri pwe ewe aramas epwe kon ngau senikemi le tolong lon hell.

Mateus 23:33

Ämi serepenit me etelien serepenit! Ifa usun, ämi oupwe tongeni sü seni liwiningauen ämi tipis lon hell?

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 26:59

Iwe, ekewe souasor mi lap me unusen ewe mwichen soupwüng ra kütta och popun mi mwäl ar repwe tip ngeni Jesus won pwe epwe mäla,

Mateus 3:17

Mürin eu möngüngü a möngüngüwu seni läng a apasa, “Iei i nei mi achengicheng, üa unusen pwapwa ren.”

Mateus 5:34

Nge ngang üpwe ürenikemi: Kosap fokun akapel lupwen ka eäni eu pwon. Kosap öpölü läng, pun iei än Kot lenien mot,

Mateus 5:44

Nge ngang üpwe ürenikemi: Oupwe echeni chon oputakemi o iotek fän iten chokewe mi ariaföüükemi,

Markus 14:55

Iwe, ekewe souasor mi lap me unusen ewe mwichen soupwüng ra kütta mine repwe tip ngeni Jesus, pwe repwe atipisi ngeni mäla. Nge resap küna och tipis ren.

Markus 15:1

Iwe, lupwen a ränila, ekewe souasor mi lap ra mwichfengen me ekewe souakom, ekewe Sensen Allük me unusen ewe mwichen soupwüng, pwe repwe pwüngüpwüngfengen won met repwe föri. Ra föti Jesus o etekinala ren Pilatus, pwe epwe apwüngü.

Lukas 12:5

Nge üpwe aiti ngenikemi iö oupwe niuokusiti: Oupwe niuokusiti Kot, i ewe eman a wor an pwüüng pwe epwe tongeni aturalong eman lon hell mürin an niela. Ewer, üpwe ürenikemi pwe iei i ewe oupwe niuokusiti.

Lukas 22:66

Iwe, lupwen a ränila, ekewe souakomwen lamalam, ekewe souasor mi lap me ekewe Sensen Allük ra mwichfengen. Mürin ra etekinala Jesus mwen ewe mwichen souapwüng.

Johannes 11:47

Iei mine ekewe souasor mi lap me ekewe Farisi ra chufengen me ewe mwichen souapwüng o ra üreniir, “Met sipwe föri. Nengeni ekei manaman meinisin ei mwän a föri!

Johannes 15:25

Nge ei a fis pwe epwe pwönüetä mine a mak lon pwüngün ar lamalam, ‘Ra oputaei, nge esap wor popun.’

Johannes 7:20

Ekewe aramas ra pölüeni, “Eman anün rochopwak a wänuk. Iö a ekiekin niikela?”

Johannes 8:48

Iwe, ekewe chon Juta ra üreni Jesus, “Ifa usun, esap pwüng äm apasa pwe en eman re Samaria, nge eman anün rochopwak a wänuk?”

Föför 17:18

Iwe, pwal ekoch soutipachem seni ekewe mwichen Epikurean me Stoik ra aninifengen me Paulus. Ekoch me leir ra ais, “Met ätei mi tiparoch a mochen apasa lon an aingaing?” Nge pwal ekoch ra apasa, “Usun itä a kakapas usun ekoch koten ekis.” Ra apasa ei, pokiten Paulus a afalafal usun Jesus me ewe manausefäl. Iei mine ra angei Paulus o emwenala ren ewe mwichen soupwüng mi mwichfengen won ewe Areopakus.

Föför 22:30

Iwe, ewe sounemenemen sounfiu a wesewesen mochen küttaöchü met ekewe chon Juta ra atipisi Paulus won. Iei mine sorotän ewe rän a apichi ekewe sein Paulus a föfö ngeni, a pwal allük ngeni ekewe souasor mi lap me unusen ewe mwichen soupwüng pwe repwe mwichfengen. Mürin a angei Paulus o aütai me mwer.

Föför 23:1

Iwe, Paulus a newenewen ngeni ewe mwichen soupwüng o apasa, “Ämi pwii kana re Israel! Üa manaueni manauei mwen mesen Kot, nge esap wor och mengiringirin letipei tori ikenai.”

Föför 24:20

Ika ekei mwän mi nom ikei repwe pwärätä met sokun föföringau ra küna rei lupwen üa ütä me mwen ewe mwichen soupwüng,

Föför 4:15

Iei mine ra üreniir, pwe repwe towu seni ewe ruum ia chon ewe mwichen soupwüng ra mwich ie. Mürin ra pwüngüpwüngfengen lefiler.

Föför 5:21

Iwe, ekewe soukünö ra aleasochisi alon ewe chon läng. Lupwen a ränila ra tolong lon ewe imwenfel o popuetä le afalafal. Lupwen ewe Souasor mi Lap me chiechian kewe ra war, ra körifengeni ekewe souakomwen chon Israel meinisin pwe epwe le fis eu mwichen soupwüng. Mürin ra tinala ekoch chon mas lon ewe imwen fötek, pwe repwe emwenato ekewe soukünö me mwer.

Föför 5:27

Ra emweniirelong lon ewe imw o aütaar mwen ewe mwichen soupwüng, nge ewe Souasor mi Lap a kapas ais ngeniir.

Föför 6:12

Ren ei sokun lapalap ra amwökütükütü letipen aramas me ekewe souakom me ekewe Sensen Allük. Iwe, ra turufi Stefanus o etekinala mwen ewe mwichen soupwüng.

Föför 6:15

Iwe, chon ewe mwichen soupwüng meinisin ra newenewen ngeni Stefanus o küna pwe wowoon wonmesan a usun chök wowoon wonmesen eman chon läng.

Föför 7:37

Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’

Nöün Paulus Toropwe ngeni ekewe Souläng lon Rom 12:10

Tongen pwipwi lon Kraist epwe pwichikar lefilemi. Oupwe fokun asamolufengenikemi lefilemi.

1. Korint 6:10

ika chon solä, ika chon tipemong, ika chon ünüpuch, ika chon aitengaua aramas, ika chon achomau resap mwüni mwün Kot.

1. Korint 6:6

Nge eman souläng a uwala lon kapwüng an fitikoko ngeni pwal eman chiechian souläng, pwe eman soukapwüng esap souläng epwe apwüngü.

Tuteronomi 15:11

Pun epwe wor chon wöüngau lon ewe fanü fansoun meinisin. Iei mine üa allük ngenikemi pwe oupwe fokun suki pöümi ngeni pwimi kewe mi osupwang o wöüngau lon ewe fanü.”

Tuteronomi 16:18

“Iwe, oupwe afili soukapwüng me nöüwis ükükün ekewe ainang lon ämi kewe telinimw meinisin ewe Samol mi Lapalap epwe ngenikemi. Repwe eäni kapwüng ngeni ekewe aramas fän pwüng.

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.

Titus 3:2

Kopwe üreniir, pwe resap kapas ingau usun eman aramas, repwe afisätä kinamwe me chiechiöch o pwärala ar tipepwetete ngeni aramas meinisin.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

James 2:20

Ka umwes! Ifa usun, ka mochen än eman epwe alletätä ngonuk, pwe lükülük ese fiti föför a mä?

James 3:6

Iwe, chönawach a pwal usun chök eu ekkei, och mettoch mi ngau lein ekewe kifetin inisich. A alimengaua unusen inisich o küri föförün manauach ren ewe ekkei mi feito seni hell.

1. Petrus 2:23

Lupwen ra kapasingau usun esap pwal pölüeni lon kapas mi ngau. Lupwen aramas ra ariaföüü esap pwal eniweer, nge a anomu an apilükülüköch won Kot ewe soukapwüng mi eäni pwüng lon kapwüng.

1. Petrus 3:9

Ousap liwini ngau ngeni ngau are ottek ngeni ottek, nge oupwe afeiöchüür, pun Kot a körikemi ämi oupwe föri iei usun, pwe oupwe angei eu feiöch.

1. Johannes 2:9

Iö a apasa pwe a nonom lon saram, nge a oput pwiin, a nom lon rochopwak tori ikenai.

1. Johannes 3:10

Iei fatöchün sokofesenin lefilen nöün Kot me nöün Tefil: Eman esap föri mine a pwüng, ika esap echeni pwiin we, i esap nöün Kot.

1. Johannes 5:16

Are eman a küna pwiin we pwe a föri och tipis esap emweni i ngeni mäla, epwe iotek ngeni Kot, pwe epwe ngeni i manau. Iei met epwe fis fän iten chokewe ar tipis esap emweniir ngeni mäla. Nge mi wor tipis mi emweni aramas ngeni mäla, üsap apasa pwe epwe iotek ngeni Kot usun ei.

Jutas 1:9

Sap mwo nge ewe meilapen chon läng Mikael a föri ei sokun. Lupwen a aninifengen me ewe Tefil ika iö leir epwe nemeni somän Moses, Mikael esap mochen apwüngü Tefil ren kapasen aitengau, nge a apasa, “Ewe Samol epwe apwünguk!”

Pwärätä 20:14

Mürin mäla me ewe lenien sotup ra koturulong lon ewe nomun ekkei. Ei nomun ekkei, iei ewe aruen mäla.