Mateus 5:19 - Chuukese Bible

¹⁹ Iwe, are eman a purätiu eu me lein ekei allük mi fokun kisikis o aiti ngeni aramas pwe repwe föri iei usun, ätewe epwe fokun kisikis lon Mwün Läng. Nge eman mi apwönüetä kapasen ekei Allük o aiti ngeni aramas pwe repwe föri iei usun, ätewe epwe tekia lon Mwün Läng.

Mateus 5:19 Iomraidhean Croise

Kölfel 119:128

Iei mine üa apwönüetä om kewe öüröür meinisin, nge üa oput ekewe föför mi mwäl.

Kölfel 119:6

Mürin üsap säw, lupwen üa ekiekifichi om kewe allük meinisin.

Taniel 12:3

Iwe, ekewe chon mirit repwe meriweriw usun meriweriwen läng, nge chokewe mi aiti ngeni chomong aramas usun ar repwe föri mine a pwüng repwe titin usun fü kana tori feilfeilachök.

Mateus 11:11

Enlet, üa ürenikemi, pwe Johannes Soupapatais a lap seni aramas meinisin mi uputiu won fanüfan. Nge iön mi kisikis lon Mwün Läng a fen lap seni Johannes.

Mateus 19:28

Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.

Mateus 20:26

Nge esap iei usun lefilemi. Pun iö a mochen lap leimi epwe chon angang ngenikemi.

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Lukas 1:15

Epwe eman mwän mi lap mwen mesen ewe Samol. Esap tongeni ün wain are sakau, nge epwe ur ren Ngünmifel seni fansoun an uputiu.

Lukas 11:42

“Feiengauemi, ämi Farisi! Oua ngeni Kot leengolun ämi nofitin mongö usun chök mint me warung me sokopaten chön irä, nge oua tümwününgau ngeni pwüngüöch me ämi echeni Kot. Oupwe föri ekewe, nge oupwe pwal tümwünüöchü ekei.

Lukas 9:48

Iwe, a üreniir, “Iö a etiwa ei semirit fän itei, a etiwaei. Nge iö a etiwaei a pwal etiwa ewe eman a tiniei. Pun iö a kis me leimi meinisin, ina i ätewe a lap mwemi meinisin.”

Föför 1:1

Ngeni en Achengicheng olowe Teofilus: Lon aeuin nei we toropwe üa makkeetiu usun ekewe mettoch meinisin Jesus a föri me an kewe afalafal, seni ewe fansoun a popuetäni an angang

Nöün Paulus Toropwe ngeni ekewe Souläng lon Rom 3:8

Pwota chök ekoch aramas ra apasa, “Ousipwe föri mine a ngau, pwe epwe fisitä mine a mürina”? Ewer, ekoch aramas ra fen kapasingau usi ren ar atipisiei, pwe üa apasa ei sokun fos. Ir repwe küna kapwüng usun a fich ngeniir.

Nöün Paulus Toropwe ngeni ekewe Souläng lon Rom 6:1

Iwe, met sipwe üra? Sipwe sopwela le föföri tipis, pwe än Kot ümöümöch epwe lapalapala?

Nöün Paulus Toropwe ngeni ekewe Souläng lon Rom 6:15

Iwe, nge met chök sipwe apasa? Sipwe föri tipis pokiten sisap chüen nonom fän nemenien allük, nge sia nonom fän nemenien ümöümöchün Kot? Apwi, esap fokun ina!

Tuteronomi 12:32

Iwe, oupwe tümwünüöchü le föri meinisin mine üa allük ngenikemi. Ousap apacha och ngeni ika angei och seni.

Tuteronomi 27:26

‘A anümamau eman mwän esap aleasochisi ekei allük o apwönüretä meinisin.’ Nge ekewe aramas meinisin repwe apasa, ‘Amen.’”

1. Timoty 6:11

Nge en nöün Kot aramas, kopwe sü seni ekei mettoch meinisin. Kopwe fokun achocho ngeni om kopwe eäni pwüng, soulängöch, lükülük, chen, likitü me kirikiröch.

Titus 3:8

A allükülük ekei kapas. Üa mochen pwe kopwe fokun aweweöchü ekei mettoch, pwe chokewe mi lükü Kot repwe fokun alomota ar fansoun le föri föför mi mürina, sokun föför mi öch o lomot ngeni aramas meinisin.

1. Petrus 5:4

Iwe, lupwen ewe Meilapen Chonmas epwe pwä, oupwe angei ewe mwärämwär mi ling esap fokun aiolol.

1. Johannes 3:4

Eman mi föri tipis a atai än Kot allük, pun tipis wewen atai allük.

Pwärätä 2:20

Nge iei met üpwe pölüenuk won: Ka mwüt ngeni ewe fefin Isipel mi püsin aita ngeni eman soufos fefin, pwe a asukul o emweningaua nei chon angang ar repwe föri föförün lisowu, repwe pwal mongö föten uluulun anümwäl.

1. Samuel 2:30

Iei mine ewe Samol mi Lapalap ewe Koten Israel a apasa, ‘Üa pwon me lom pwe om kewe lewo me mwirimwirir repwe wiseni ewe wis tori feilfeilachök. Nge iei üa apasa pwe esap chüen ina usun. Pun chokewe mi asamoluei üpwe asamoluur, nge chokewe mi turunufaseei repwe küna turunufas.