Mateus 5:18 - Chuukese Bible

¹⁸ Enlet, ngang üpwe ürenikemi, pwe tori än läng me fanüfan repwe morola, esap wor och kükün mesen mak are och tik won eföü mesen mak epwe morola tori an epwe pwönüetä ekei mettoch meinisin.

Mateus 5:18 Iomraidhean Croise

Kölfel 102:26

Ir repwe tala, nge en kopwe nonom fochofoch. Ir repwe mesila usun echö üf. Ka siwiliir usun eman a siwili üfan, iwe, repwe morola.

Kölfel 111:8

Ra nonomopos tori feilfeilachök, Kot a föriir fän allükülük me wenechar.

Kölfel 119:152

Seni me lomlom üa silei seni om kewe allük, pwe ka anüküchareer tori feilfeilachök.

Aisea 40:8

Iwe, ewe fetil a pwasala, ewe pön irä a morotiu, nge alon ach we Kot epwe nonom tori feilfeilachök.

Aisea 44:26

Nge lupwen nei chon angang a osuni och, lupwen üa tinala nei chon künö pwe epwe pwärätä mine üa akota, üpwe pwal fokun apwönüetä mine üa eäni kapas. Üa apasa usun Jerusalem pwe epwe sosefäl, pwal usun ekewe telinimwen Juta pwe repwe kaüsefäl, nge mine a ta me wor üpwe aüsefälietä.

Aisea 51:6

Oupwe netä läng, oupwe pwal nenela won fanüfan. Iwe, läng epwe morola usun ötüöt, fanüfan epwe mesingauala usun echö katup, nge chokewe mi manau won repwe mäla usun chök nikken. Nge ai angangen amanaua aramas epwe nonom fochofoch, ai pwüng esap fokun müchüla.

Mateus 10:15

Enlet üpwe ürenikemi, pwe än Kot apwüngü ekewe aramasen Sotom me Komora lon ewe ränin apwüng epwe kisikis seni an apwüngü aramasen ei telinimw.

Mateus 10:23

Iwe, lupwen repwe ariaföüükemi lon eu telinimw, oupwe süla lon pwal eu. Üpwe fokun ürenikemi, pwe ousamwo wes le föri ämi angang lon ekewe telinimwen Israel meinisin mwen ewe Nöün Aramas epwe liwinsefäl.

Mateus 10:42

Are eman a aünü ngeni eman ekei kükün eu mwo chök kapen koluk mi patapat pokiten an tapweto müri, enlet, üpwe ürenikemi, epwe fokun angei liwinin.”

Mateus 11:11

Enlet, üa ürenikemi, pwe Johannes Soupapatais a lap seni aramas meinisin mi uputiu won fanüfan. Nge iön mi kisikis lon Mwün Läng a fen lap seni Johannes.

Mateus 13:17

Enlet, üpwe ürenikemi, pwe chomong soufos me aramas mi pwüng ra fokun mochen küna met ämi oua küna, nge resap tongeni küna. Ra pwal mochen rongorong met ämi oua rongorong, nge resap tongeni rongorong.

Mateus 16:28

Enlet, üpwe ürenikemi pwe mi wor ekoch aramas ikei resap mäla, pwe repwe mwo küna Nöün Aramas epwe war lon wisan wisen king o nemenem.”

Mateus 17:20

Jesus a pölüeni, “Pokiten a kisikis ämi lükülük. Enlet üpwe ürenikemi, are epwe wor ämi lükülük mi nönnö ngeni eföü pwükilin irä mi fokun kükün, oupwe tongeni üreni ei chuk, ‘Kopwe mwöküt seni ikei o mwökütüla ikenan,’ iwe, epwe mwöküt. Esap wor och mine ousap tufich ngeni.”

Mateus 18:18

“Enlet, üpwe ürenikemi: Mine oua pinei won fanüfan epwe pinepin lon läng, nge mine oua mwütätä won fanüfan epwe mwümwütä me lon läng.

Mateus 18:3

A apasa, “Enlet üpwe ürenikemi, are ousap kulsefäl o wewe ngeni eman semirit, ousap fokun tongeni tolong lon Mwün Läng.

Mateus 19:23

Mürin Jesus a üreni nöün kewe chon kaiö, “Enlet, üpwe ürenikemi: Epwe fokun weires ngeni aramas mi pisekisek ar repwe tolong lon Mwün Läng.

Mateus 19:28

Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.

Mateus 21:21

Jesus a pölüeniir, “Enlet, üpwe ürenikemi, pwe are oua lükü, nge ousap fokun tipemwaramwar, oupwe tongeni föri met ngang üa föri ngeni ei irä fiik. Nge sap chök ei, nge oupwe fen mwo nge tongeni apasa ngeni ei chuk, ‘Kopwe mwöküt seni ei leni o turulong le matau,’ iwe, epwe fis.

Mateus 21:31

Iwe, iö lein ekewe ruoman nau a föri letipen saman?” Iwe, ra pölüeni, “Ewe mi watte.” Iei mine Jesus a üreniir, “Enlet, üpwe ürenikemi, pwe ekewe chon ioni takises me ekewe fin lisowu repwe tolong lon Mwün Kot mwemi.

Mateus 23:36

Enlet, üpwe ürenikemi: Ewe apwüng fän iten mälan ekei mi nimanau epwe tori ei pilon aramasen ikenai.

Mateus 24:2

Nge Jesus a üreniir, “Ewer, oua nenengeni ekei mettoch meinisin. Enlet, üpwe ürenikemi: Esap fokun wor eföü fau epwe chüen nom lon lenian. Meinisin ekewe fau repwe toropasetiu.”

Mateus 24:47

Enlet, üpwe ürenikemi, an we masta epwe seikätä, pwe epwe nemeni mettochun meinisin.

Mateus 25:12

Ewe mwän apwüpwülü söfö a pölüeniir, ‘Enlet, üpwe ürenikemi, üsap fokun silekemi.’

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Mateus 25:45

Mürin ewe king epwe pölüeni, ‘Enlet, üpwe ürenikemi: Mine ousap föri ngeni eman lein ekewe mi fokun kisikis, iei ousap pwal föri ngeniei.’

Mateus 5:26

Enlet, üpwe ürenuk, pwe kosap fokun towu me ikenan tori om kopwe mönätiu unusen liwinin om we tipis.

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 6:2

Iei mine are oupwe fang ngeni ekewe chon wöüngau och mettoch, ousap asilefetalei mine oua föri, usun ekewe chon likatuputup ra föri lon ar kewe imwen felikis pwal won ekewe al, pwe aramas repwe ingeitiir. Enlet, üpwe ürenikemi, pwe ra fen wes le angei liwiniir.

Mateus 8:10

Iwe, lupwen Jesus a rongorong ekei kapas, a mairü ren o üreni ekewe aramas mi tapwela mürin, “Enlet, üa ürenikemi, üsap fokun küna eman lon Israel a eäni ei sokun lükülük.

Markus 10:15

Enlet, üpwe ürenikemi, ‘Are eman esap etiwa Mwün Kot usun eman semirit, esap tongeni tolong lon.’”

Markus 10:29

Nge Jesus a üreniir, “Enlet, üpwe ürenikemi, pwe iö a likitala imwan, ika pwiin, ika fefinan, ika inan, ika saman, ika nöün kana, ika fanüan fän itei pwal fän iten ewe Pworausen Manau,

Markus 11:23

Enlet, üpwe ürenikemi, are eman epwe kapas ngeni eu chuk, ‘Kopwe mwöküt seni ei leni o turulong le matau,’ nge esap tipemwaramwar lelukan, pwe a lükü pwe mine a apasa epwe fokun pwönüetä, epwe fokun fis ngeni.

Markus 12:43

Iwe, Jesus a körifengeni nöün kewe chon kaiö o apasa, “Üpwe ürenikemi pwe ei fefin mi wöüngau a mä pwülüan a uwalong chomong asor lon ewe lenien asor lap seni ekewe aramas meinisin.

Markus 13:30

Enlet, üpwe ürenikemi, pwe ei pilon aramas resap mäla, tori an epwe fisitä ekei mettoch meinisin.

Markus 14:18

Lupwen ar mot ngeni chepel o mongö, Jesus a apasa, “Enlet, üpwe ürenikemi, eman me leimi epwe afangamäei, eman mi etiei le mongö.”

Markus 14:25

Enlet üpwe ürenikemi, pwe üsap chüen ünümi seni ei wain tori ewe rän lupwen üpwe ünümi ewe wain mi fö lon Mwün Kot.”

Markus 14:30

Jesus a üreni Petrus, “Enlet, üpwe ürenuk, lepwin ei mwen ewe chuko epwe kö fan ruu, en kopwe amamäsiniei fän ülüngat.”

Markus 14:9

Enlet, üpwe ürenikemi: Ekis meinisin won unusen fanüfan ia aramas repwe afalafalafeil ie ewe Pworausen Manau, ikenan aramas repwe pwal apworausa mine neminei a föri pwe achechemen itan.”

Markus 3:28

Enlet, üpwe ürenikemi, pwe än aramas tipis meinisin repwe musala, pwal ar kewe kapasen turunufas ra apasa,

Markus 6:11

Nge are oupwe tori eu telinimw, nge resap etiwakemi ika aüselingakemi, oupwe towu seni ei telinimw o wichikala pwülün fän pechemi, pwe epwe eu minen pwärätä ngeniir, pwe ra mwäl.”

Markus 8:12

Nge Jesus a ngasalap o apasa, “Pwota ei pilon aramasen ikenai ra tüngor eu manaman? Enlet, üpwe ürenikemi pwe esap wor eu manaman epwe pwä ngeni ei pilon aramas.”

Markus 9:1

Iwe, Jesus a pwal apasa, “Üpwe ürenikemi, pwe mi wor ekoch aramas ikkei resap mäla, pwe repwe mwo küna Mwün Kot epwe war fän manaman.”

Markus 9:41

Enlet, üpwe ürenikemi, are eman epwe aünü ngenikemi eu kapen koluk, pokiten oua chon tapwela mürin Kraist, i epwe fokun angei liwinin.”

Lukas 11:51

seni ewe fansoun ninnilan Epel tori ninnilan Sekaraia mi mäla lefilen ewe rongen asor me ewe Imw mi Pin. Ewer, üpwe ürenikemi, ei täppin aramas repwe küna kapwüng fänäsengesiir meinisin.

Lukas 12:37

A ifa me feiöchün ekewe chon angang nöür we masta a küneer pwe ra nennela o molotä lupwen a liwinsefäl. Enlet, üpwe ürenikemi, pwe ewe masta epwe üföüfolong üfen chon angang, epwe amoteer ngeni chepel o ngeniir aner mongö.

Lukas 13:35

Nengeni, ämi we imwenfel epwe pönüla. Nge ngang üpwe ürenikemi, pwe ousap chüen künaei, tori oupwe apasa, ‘A feiöch ätewe a feito fäniten ewe Samol.’”

Lukas 16:17

Nge epwe fen mecheres pwe läng me fanüfan repwe morola mwen eföü mesen makken ekewe allük epwe talüla.

Lukas 18:17

Enlet, üpwe ürenikemi, are eman esap etiwa Mwün Kot usun eman semirit, esap tongeni tolong lon.”

Lukas 18:29

Jesus a pölüeniir, “Enlet, üpwe ürenikemi, are eman a likitala imwan are pwülüan, are pwiin, are saman me inan, are nöün kana fän iten ewe Mwün Kot,

Lukas 23:43

Iwe, Jesus a pölüeni, “Enlet, üpwe ürenuk, ikenai kopwe etiei lon Paratis.”

Lukas 4:24

Iwe, a sopwela le kapas ngeniir, “Enlet eman soufos esap wor meninin me lon poputän telinimwan.

Johannes 1:51

Mürin a üreniir, “Enlet, üpwe wesewesen ürenikemi: Ämi oupwe küna pwe läng epwe sukula o nöün Kot kewe chon läng repwe feitä me feitiu won Nöün Aramas.”

Johannes 10:1

Iwe, Jesus a üra, “Enlet, üpwe wesewesen ürenikemi: Iö esap tolong lon asamen lenien sip, nge a tötä me ekis o tolong, i eman chon solä me eman chon achomau.

Johannes 10:7

Iei mine Jesus a apasasefäli, “Enlet üpwe wesewesen ürenikemi: Ngang ewe asam fän iten ekewe sip.

Johannes 12:24

Enlet, üpwe wesewesen ürenikemi: Eföü föün wiich epwe chök nonom lon ususun are esap mworotiu lepwül o mäla. Nge are epwe mäla, mürin epwe awora chomong föün wiich.

Johannes 13:16

Enlet, üa wesewesen ürenikemi: Eman chon angang esap lap seni an masta, nge eman chon künö esap lap seni ätewe mi tini.

Johannes 13:38

Jesus a pölüeni, “Ifa usun, ka wesewesen molotä om kopwe mäla fän itei? Enlet, üpwe wesewesen ürenuk: Mwen än ewe chuko epwe kökkö en kopwe amamäsiniei fän ülüngat.”

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Johannes 16:20

Enlet, üpwe wesewesen ürenikemi: Ämi oupwe kechü o ngüngüres, nge fanüfan epwe fokun pwapwa. Ämi oupwe lolilen, nge ämi lolilen epwe wiliti pwapwa.

Johannes 16:23

Lon ena rän ämi ousap chüen aisiniei och. Enlet, üpwe wesewesen ürenikemi: Semei epwe ngenikemi meinisin mine oua tüngor fän itei.

Johannes 21:18

Enlet, üpwe wesewesen ürenuk: Lupwen om alüal ka soun ri lukalapom o feila ia ka mochen feila ie. Nge lupwen kopwe chinlap, kopwe aitiela poumw, nge eman epwe ri lukalapom o emwenukela ia kosap mochen feila ie.”

Johannes 3:11

Enlet, üpwe wesewesen ürenuk: Äm aia kapas usun mine aia silei o pwärätä mine aia küna, nge esap wor eman leimi a mochen etiwa mine aia eäni afalafal.

Johannes 3:3

Jesus a üreni, “Enlet, üpwe wesewesen ürenuk: Esap wor eman a tongeni küna Mwün Kot are esap upsefäl.”

Johannes 3:5

Iwe, Jesus a üreni, “Enlet, üpwe wesewesen ürenuk: Esap wor eman a tongeni tolong lon Mwün Kot are esap up ren koluk me Ngün.

Johannes 5:19

Iwe, Jesus a pölüeniir, “Enlet, üpwe wesewesen ürenikemi: Ewe Nau esap tongeni föri och ren püsin i, a chök föri met a küna pwe Saman a föri. Pun mine ewe Sam a föri, pwal ina chök mine ewe Nau a föri.

Johannes 6:26

Jesus a pölüeniir, “Enlet, üpwe wesewesen ürenikemi: Oua küttaei pokiten oua mongö ewe pilawa tori oua mötüla, nge ousap küttaei pokiten oua weweiti ai kewe manaman.

Johannes 6:32

Mürin Jesus a üreniir, “Enlet, üpwe wesewesen ürenikemi: Esap Moses ewe mi ngenikemi ewe mongö seni läng, nge Semei i ewe mi ngenikemi ewe enletin mongö seni läng.

Johannes 6:47

Enlet, üpwe wesewesen ürenikemi: Iö a lüküei a eäni manau esemüch.

Johannes 6:53

Iei mine Jesus a üreniir, “Enlet, üpwe wesewesen ürenikemi: Are ousap mongö fituken Nöün Aramas o ünümi chaan, esap wor manau lomi.

Johannes 8:34

Nge Jesus a üreniir, “Enlet, üpwe wesewesen ürenikemi: Aramas meinisin mi föri tipis ra nonom fän nemenien tipis usun eman amanau.

Johannes 8:51

Enlet ngang üpwe wesewesen ürenikemi: Iö a aleasochisi ai kewe kapas esap fokun mäla.”

Johannes 8:58

Jesus a pölüeniir, “Enlet üpwe wesewesen ürenikemi: Me mwen än Apraham esamwo uputiu, ngang üa fen nom.”

1. Petrus 1:25

Nge än ewe Samol kewe kapas repwe nonom tori feilfeilachök.” Ei kapas iei ewe Pworausen Manau ra aronga ngenikemi.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.