Mateus 5:15 - Chuukese Bible

¹⁵ Esap wor eman aramas a keni eu lamp o a anomu fän eu sepi, nge epwe isetä won lenian, pwe epwe asarama chon ewe imw meinisin.

Mateus 5:15 Iomraidhean Croise

Ekistos 25:37

Kopwe pwal föri fisu lamp fän iten ewe lenien atittin. Ekewe lamp repwe nom won pwe repwe asarama mwan.

Sekaraia 4:2

Iwe, a aisiniei, “Met ka küna?” Nge üa pälüeni, “Üa küna eu lenien atittin seni kolt, nge mi wor eu sepi fän iten noppuk a nom won. Mi pwal wor fisu lamp won ewe lenien atittin, nge fisu paip ra feila ngeni ekewe lamp.

Numperis 8:2

“Kopwe üreni Aaron pwe lupwen epwe pacheetä ekewe fisu lamp won ewe lenien atittin, epwe föri pwe tiner epwe asarama mwan.”

Markus 4:21

Iwe, Jesus a sopwela an afalafal, “Ifa usun, eman epwe uwato eu lamp mi tin o anomu fän eu sepi are fän eu peet? Ifa usun, esap anomu ewe lamp won lenian?

Lukas 11:33

“Iwe, esap wor eman a keni eu lamp, nge mürin a aopala ika anomu fän eu sepi. Nge epwe fen isetä ewe lamp won lenian, pwe aramas mi tolong lon ewe imw repwe küna ewe saram.

Lukas 11:36

Are unusen inisum a saram, nge esap wor eu kinikin a rochopwak, unusen inisum epwe saram usun chök eu lamp mi tinöch a asaramok.”

Lukas 8:16

“Esap wor eman a keni eu lamp o anomu fän eu sepi are fän eu peet. Nge epwe isetä won lenian, pwe aramas repwe küna ewe saram lupwen repwe tolong leimw.

Filipi 2:15

pwe esap wor och mi mwäl lon manauemi, nge oupwe limöch usun nöün Kot kana mi unusöch ra nonom won ei fanüfan mi ur ren aramas mi kirikiringau me tipis. Oupwe fokun tittin lefiler usun ekewe fü ra tittin fän läng,

Ipru 9:2

Ra aüetä eu imwenfel seni mangaku mi wor ruu kinikin lon. Ewe aeuin kinikin a iteni ewe Leni mi Pin. Lon ei leni a nom ewe lenien atittin me ewe chepel ia ekewe pilawa mi pin ra nom ie.

Pwärätä 2:5

Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.