Mateus 5:12 - Chuukese Bible

¹² Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Mateus 5:12 Iomraidhean Croise

Keneses 15:1

Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”

1. King 18:13

Ifa usun, esap wor eman a ürenuk en ai samol mine üa föri, lupwen Isipel a popuetä le niela nöün ewe Samol mi Lapalap kewe soufos? Ifa usun, kosap rong pwe üa aopala ipükü mwän me lein nöün ewe Samol mi Lapalap kewe soufos, akalime lon eu föimw, üa pwal amongöniir pilawa o aünüür koluk?

1. King 18:4

Pun lupwen Isipel a popuetä le niela nöün ewe Samol mi Lapalap kewe soufos, Opatia a angei ipükü soufos o aopala akalime lon eu föimw, a amongöniir pilawa o aünüür koluk.)

1. King 19:2

Mürin, Isipel a tinala eman chon künö ren Elias pwe epwe üreni, “Ekewe kot repwe nieila ika üsap föri ngonuk lesor lon ei otun usun mine ka föri ngeni ekewe soufos.”

1. King 21:20

Iwe, lupwen Ahap a küna Elias, a üreni, “Ifa usun, ka sereniei, en chon oputaei?” Elias a pälüeni, “Ewer, üa serenuk. Ka fangala inisum pwe kopwe föri mine a ngau me fän mesen ewe Samol mi Lapalap.

1. King 22:8

Iwe, ewe kingen Israel a pälüeni, “Mi chüen wor eman mwän, sa tongeni angei öüröürach seni ewe Samol mi Lapalap me ren, itan Mikaia nöün Imla we mwän. Nge ngang üa oput, pun esap fän eu mwo an epwe osuni och mi mürina usi, pwe mi ngau chök.” Nge Jehosafat a üra, “King Ahap, kosap aloni na.”

2. King 1:9

Mürin, ewe king a tinala eman meilapen sounfiu fiti lime nöün sounfiu, pwe repwe uwato Elias. Iwe, ewe meilap a feito ren Elias mi mot won ungen eu chuk o üreni, “En aramasen Kot, ewe king a allük ngonuk pwe kopwe feitiu.”

2. Kronika 16:10

Mürin, Asa a song ngeni ewe soufos pokiten an kei kapas. A fokun lingeringer pwe a aturalong lon imwen fötek. Lon ewe chök fansoun Asa a pwal fokun ariaföüü ekoch me lein ekewe aramas.

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Kölfel 19:11

Ren ekei allük ngang noum chon angang üa angei ai fön seniir. Eman mi apwönüetä epwe angei liwinin mi lapalap.

Kölfel 58:11

Iwe, aramas repwe apasa, “Ellet, ekewe chon pwüng ra angei liwinir. Ellet, mi wor eman Kot mi eäni kapwüng won fanüfan.”

Än Salomon Fos 11:18

Eman aramasangau a angei winnen an angang nge esor iammürin, nge eman mi föri föför mi pwüng epwe angei liwinin mi nonomola.

Aisea 3:10

Oupwe asile ngeni chon pwüng pwe repwe feiöch, pun repwe feiöchüni feiöchün ar föför.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 26:8

Nge lupwen Jeremaia a wes le apasatä meinisin mine ewe Samol mi Lapalap a allük ngeni pwe epwe üreni ekewe aramas, mürin ekewe souasor me ekewe soufos pwal ekewe aramas meinisin ra turufi o apasa, “Kopwe fokun mäla.

Jeremaia 37:14

Nge Jeremaia a üra, “Ese pwüng. Ngang üsap mochen sü ngeni ekewe chon Papilon.” Nge Iria esap mochen aüseling ngeni. A turufi Jeremaia o emwenala ren ekewe nöüwis.

Mateus 16:27

Pun Nöün Aramas epwe war lon lingen Saman fiti nöün kewe chon läng. Mürin epwe liwini ngeni iteiten eman me eman aramas usun ar föför.

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Lukas 13:34

“Ämi chon Jerusalem, ämi chon Jerusalem, oua niela ekewe soufos o monei fau ngeni ekewe chon künö Kot a tiniireto remi. Fän chomong üa mochen achufengeni nöümi aramas, usun eman chuko a achufengeni nöün fan pöükässin, nge ämi ousap mochen.

Lukas 6:23

Oupwe pwapwa are a fis ei sokun lapalap ngenikemi, oupwe mwetemwet fän pwapwa, pun liwinimi mi watte epwe iseis lon läng fän itemi. Pun ar kewe lewo ra fen föri ekei sokun föför ngeni ekewe soufos.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Föför 16:25

Iwe, ina epwe lukenipwin Paulus me Silas ra iotek o köl kölün mwareiti Kot, nge ekewe chon fötek ra aüseling ngeniir.

Föför 5:41

Iwe, ekewe soukünö ra towu seni ewe mwichen soupwüng, ra fokun pwapwa, pun ra tongeni tolong lon riaföü me itengau fän iten Jesus.

Nöün Paulus Toropwe ngeni ekewe Souläng lon Rom 5:3

Nge sap iei chök, sia pwal pwapwaäsini ach kewe riaföü, pun sia silei pwe riaföü a afisätä ach tipeppos,

1. Korint 3:8

Esap wor sokofesenin ewe chon fofot me ewe chon atütü, Kot epwe liwini ngeni eman me eman liwinin aükükün an angang a föri.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

Filipi 1:29

Pun Kot a ngenikemi ewe wis mi aüchea pwe oupwe angang ngeni Kraist, sap chök ren ämi oupwe lükü i, nge pwal ren ämi oupwe riaföü fän itan.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

Kolose 3:24

Oupwe chechemeni pwe ach Samol epwe ngenikemi liwinimi mine a iseis fän iten nöün aramas. Pun Kraist i wesewesen ämi Samol oua angang ngeni.

1. Tesalonika 2:15

ir chokewe mi niela ach Samol Jesus me ekewe soufos, ra pwal ariaföüükem. Ifan me ar asonga Kot! Ifan me ar oput aramas meinisin.

Ipru 10:34

Oua tongäsini chokewe mi nom lon imwen fötek, nge lupwen ra angei pisekimi meinisin fän pöchökül, oua likiti ngeniir fän pwapwa, pun oua silei pwe oua chüen eäni och mi mürina seni, epwe nonomola tori feilfeilachök.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 11:33

Ren ar lükü ra maun ngeni ekewe mwü o pworaitiir. Ra föri met mi pwüng o angei mine Kot a pwon ngeniir. Ra pinei awen ekewe laion

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

James 5:10

Ämi pwii kana, oupwe chechemeni ekewe soufos mi kapas fän iten ach Samol. Oupwe eäniir lenien apirü lon ar mosonotam me likitü fän ekewe riaföü.

1. Petrus 4:13

Nge oupwe pwapwa pwe oua eti Kraist lon an riaföü, pwe oupwe pwal uren pwapwa lupwen an ling epwe pwä.

Rut 2:12

Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”