Mateus 4:9 - Chuukese Bible

⁹ Iwe, a üreni, “Ekei mettoch meinisin üpwe ngonuk, are kopwe chapetiu mwei o fel ngeniei.”

Mateus 4:9 Iomraidhean Croise

Kölfel 72:11

Ekewe king meinisin repwe chapetiu me mwan, nge chon ekewe mwü meinisin repwe angang ngeni.

Än Salomon Fos 8:15

Üa alisi ekewe king lon ar nemenem, üa pwal alisi ekewe sounemenem pwe ra föri allük fän pwüng.

Taniel 4:32

Aramas repwe asuukela seni me leir pwe kopwe nonom lein ekewe mönün lemäl. Kopwe mongö fetil usun chök kow lon ükükün fisu ier, tori kopwe mefi pwe Ewe mi Fokun Tekia a nemeni mwün aramas, nge a ngeni iö a mochen fang ngeni.”

Mateus 26:15

o aisiniir, “Met oupwe ngeniei are üpwe afangamä Jesus ngenikemi?” Iwe, ra ngeni ilik föün moni silifer.

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Johannes 12:31

Iei ewe fansoun pwe fanüfan epwe küna kapwüng, iei ewe fansoun ewe samolun ei fanüfan epwe koturula.

Johannes 13:3

Jesus a silei pwe Saman a fen atolonga mettoch meinisin fän nemenian. A silei pwe a feito seni Kot, nge epwe pwal liwinsefäl ngeni Kot.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Johannes 16:11

Epwe pwal amefi ngeniir usun apwüng, pun ewe samolun ei fanüfan a fen küna apwüng.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

1. Timoty 3:6

Esap öch an epwe eman souläng mi fö, pwe ete lamalamtekia o tolong lon kapwüng usun än ewe Tefil küna kapwüng.

Pwärätä 19:10

Iwe, üa chapetiu arun pechen ewe chon läng pwe üpwe fel ngeni, nge i a üreniei, “Kosap föri iei usun! Ngang eman chiechiom chon angang me chiechien pwiüm kewe, chokewe meinisin mi kamwöchünük won ewe let Jesus a pwärätä. Kopwe fel ngeni Kot!” Pun ewe let Jesus a pwärätä, iei met a amwelielia ekewe soufos.

Pwärätä 19:16

Won üfan pwal won wilan a mak ewe it, “Ewe King mi tekia seni ekewe king meinisin, me ewe Samol mi lap seni ekewe samol meinisin.”