Mateus 4:7 - Chuukese Bible

⁷ Jesus a pölüeni, “A pwal mak lon ekewe Toropwe mi Pin, ‘Kosap sotuni ewe Samol om we Kot.’”

Mateus 4:7 Iomraidhean Croise

Kölfel 106:14

Ra fokun mwäräkich me lon ewe fanüapö o sotuni Kot lon ewe fanüpwas.

Kölfel 78:18

Ra sotuni Kot seni mochenin letiper ren ar tüngormau ener mongö ra mwäräräiti.

Kölfel 78:41

Ra sotuni Kot fän chomong o asonga Ewe mi Pin me lon Israel.

Kölfel 78:56

Nge ir ra sotuni ewe Kot mi Unusen Tekia o ü ngeni. Resap aleasochisi an kewe allük,

Kölfel 95:9

lupwen ämi kewe lewo ra sotuniei, ra aleletaei, nge ra fen küna ai kewe föför üa föri fän iter.

Ekistos 17:2

Iei mine ekewe aramas ra anini ngeni Moses o üreni, “Kopwe aünükem koluk.” Iwe, Moses a üreniir, “Pwota oua anini ngeniei? Pwota oua sotuni ewe Samol mi Lapalap?”

Ekistos 17:7

Iwe, a aita ngeni ewe leni Massa me Meripa , pun ekewe aramasen Israel ra anini ngeni Moses, ra pwal sotuni ewe Samol mi Lapalap ren ar apasa, “Ifa usun, ewe Samol mi Lapalap a nom leich ika esap?”

Aisea 8:20

Apwi, oupwe chök rongorong än Kot kewe allük me pwärian. Nge are ousap apwönüetä ekei kapas, esap wor remi saram.

Malakai 3:15

Iei mine sa apasa pwe ekewe chon lamalamtekia ra feiöch. Ekewe chon föföringau resap chök pisekisekila, pwe ra pwal sotuni Kot, nge resap angei liwiningauer.’”

Numperis 14:22

esap wor eman lein ekewe mwän repwe tolong lon ewe fanü. Ra küna ai ling me ai kewe manaman üa föriir lon Isip pwal lon ewe fanüapö, nge ra chök sotuniei fän chomong, resap pwal aleasochisi aloi.

Mateus 21:16

Iei mine ra aisini Jesus, “Ka rongorong mine ekei semirit ra apasa?” Jesus a pölüeniir, “Ewer, üa rongorong. Ousamwo aleani mine a mak lon ekewe Toropwe mi Pin? ‘En ka föri pwe än ekewe semirit me mönükol kölün mwareituk epwe unusöch.’”

Mateus 21:42

Iwe, Jesus a üreniir, “Ousamwo fen aleani lon ekewe Toropwe mi Pin? ‘Ewe fau ekewe chon kaü imw ra pöütala pun resap aücheani a wiliti ewe föün lepwokuku mi fokun aüchea. Iei än ewe Samol föför a fokun amwarar mwen mesach!’

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Mateus 4:4

Nge Jesus a pölüeni, “A mak lon ekewe Toropwe mi Pin, ‘Aramas resap manau ren mongö chök, pwe ra manau ren iteiten kapas Kot a apasa.’”

Lukas 4:12

Iwe, Jesus a pölüeni, “A mak lon ekewe Toropwe mi Pin, ‘Kosap sotuni ewe Samol om Kot.’”

Föför 15:10

Iwe, pwota oua sotuni Kot iei ren ämi anomu won afaren ekewe chon lükü Jesus och chou ach kewe lewo pwal püsin kich mwo nge sisap tongeni uwei?

Föför 5:9

Iei mine Petrus a üreni, “Pwota en me pwülüom oua tipeeufengen le sotuni Ngünün ewe Samol? Nengeni, ekewe alüal mi peiaseni pwülüom we ra nom lükün ewe asam iei, repwe pwal ekiikewu!”

1. Korint 10:9

Sisap fokun sotuni Kraist usun ekoch me leir ra föri, iwe, ra feiengau o mäla ren ekewe serepenit.

Tuteronomi 6:16

Iwe, ousap sotuni ewe Samol mi Lapalap ämi we Kot, usun oua fen sotuni me lon Masa.

Ipru 3:9

Kot a apasa: Ikenan ra sotuniei, inamwo ika ra küna mine üa föri lon ekewe ükükün faik ier.