Mateus 4:4 - Chuukese Bible

⁴ Nge Jesus a pölüeni, “A mak lon ekewe Toropwe mi Pin, ‘Aramas resap manau ren mongö chök, pwe ra manau ren iteiten kapas Kot a apasa.’”

Mateus 4:4 Iomraidhean Croise

Ekistos 16:15

Iwe, lupwen aramasen Israel ra küna, ra kapasfengen lefiler, “Met ei?” Pun resap silei met ewe. Nge Moses a üreniir, “Iei ewe mongö ewe Samol mi Lapalap a fangoto remi pwe oupwe mongö.

Ekistos 16:35

Iwe, ekewe aramasen Israel ra mongö ewe mana lon ükükün faik ier tori ra tikeri fanü mi so. Ra mongö ewe mana tori ra ipwelong lon kiännin ewe fanü Kanaan.

Ekistos 16:8

Moses a pwal üra, “Ewe Samol mi Lapalap epwe ngenikemi fituk lekuniol pwe oupwe ochoch, nge lesosor epwe ngenikemi pilawa ükükün ämi mochen, pun a rongorong ämi lal ngeni. Pun iö äm? Ousap lal ngenikem, pwe oua lal ngeni ewe Samol mi Lapalap.”

Ekistos 23:15

Iwe, oupwe föri ewe chulapen mongö pilawa esap wor iis lon. Oupwe mongö pilawa esap wor iis lon ükükün fisu rän, usun üa fen allük ngenikemi. Oupwe föri ei lon ewe fansoun üa filätä, lon ewe maram Apip, pun lon ewe maram oua towu seni Isip. Esap wor eman epwe feito rei fän an asöülapö.

Mateus 15:11

Esap wor och mine a tolong lon awen eman aramas a tongeni alimengaua, nge met mi towu seni lon awen eman aramas, ina mine a alimengaua.”

Mateus 4:10

Jesus a üreni, “Kopwe sü seniei Satan! Pun a mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Mateus 4:7

Jesus a pölüeni, “A pwal mak lon ekewe Toropwe mi Pin, ‘Kosap sotuni ewe Samol om we Kot.’”

Markus 7:20

Iwe, Jesus a pwal apasa, “Met a towu seni lon awen eman aramas, ina mine a alimengaua.

Lukas 4:12

Iwe, Jesus a pölüeni, “A mak lon ekewe Toropwe mi Pin, ‘Kosap sotuni ewe Samol om Kot.’”

Lukas 4:4

Nge Jesus a pölüeni, “A mak lon ekewe Toropwe mi Pin, ‘Aramas resap manau ren mongö chök.’”

Lukas 4:8

Jesus a pölüeni, “A mak lon ekewe Toropwe mi Pin, ‘Kopwe fel ngeni ewe Samol om Kot o angang ngeni i chök.’”

Johannes 15:26

Iwe, lupwen ewe Soualilis epwe war, ngang üpwe tinato remi seni Semei, i ewe Ngünmifel mi pwärätä mine a let usun Kot, a feito seni Semei, i epwe pwärätä usi.

Johannes 6:63

Ngünün Kot a afisätä manau, nge pöchökülen aramas esap fokun wor aüchean. Ekewe kapas üa fen ürenikemi ra eäni Ngün me manau.

Nöün Paulus Toropwe ngeni ekewe Souläng lon Rom 15:4

Pun meinisin mine a mak lon ekewe Toropwe mi Pin a mak fän iten ach sipwe kaiö seni, pwe epwe wor ach apilükülüköch ren ach likitü pwal ren ach küna pöchökülen letipach mi torikich seni ekewe Toropwe mi Pin.

Efisos 6:17

Oupwe angei ewe Manau pwe ina imwemi akau, pwal ewe kapasen Kot pwe ina nöümi ketilas ewe Ngünmifel a ngenikemi.

Tuteronomi 8:3

Iwe, a atekisonakemi o esen ngenikemi pwe oupwe echik. Mürin a amongö ngenikemi mana, och mongö ousap küküna, pwal semelapemi kewe resap küküna me mwan. Ei a föri, pwe epwe aiti ngenikemi pwe aramas resap manau ren mongö chök, pwe ra manau ren ekewe kapas meinisin mi towu seni awen ewe Samol mi Lapalap.