Mateus 4:3 - Chuukese Bible

³ Iwe, ewe Tefil a feito ren o üreni, “Are en Nöün Kot, kopwe üreni ekei fau pwe repwe wiliti mongö.”

Mateus 4:3 Iomraidhean Croise

Ekistos 16:3

Iwe, ra üreniir, “Amwo aipwe fen mäla ren pöün ewe Samol mi Lapalap lon Isip, lupwen aia mot ngeni ekewe sepien fituk o mongö chomong sokun mongö. Nge ämi oua emwenikeemilong lon ei fanüapö pwe oupwe nikem meinisin ren echik.”

Mateus 14:33

Mürin ekewe chon kaiö mi nom won ewe wa ra fel ngeni Jesus o apasa, “Enlet, en Nöün Kot!”

Mateus 16:16

Simon Petrus a pölüeni, “En Kraist ewe Nöün Kot mi manau.”

Mateus 26:63

Nge Jesus a chök fanafanala. Iwe, ewe Souasor mi Lap a pwal apasa ngeni Jesus, “Kopwe pwon fän akapel iten ewe Kot mi manau o ürenikem ika en ewe Kraist, Nöün Kot.”

Mateus 3:17

Mürin eu möngüngü a möngüngüwu seni läng a apasa, “Iei i nei mi achengicheng, üa unusen pwapwa ren.”

Markus 1:1

Iei poputän ewe Pworausen Manau usun Jesus Kraist ewe Nöün Kot.

Markus 3:11

Iteiten fansoun lupwen ekewe aramas mi wor ngününgau wor ra küna Jesus, ra chapetiu mwan o kökkö fän leüömong, “En Nöün Kot!”

Markus 5:7

Iwe, a puchörütä o apasa, “Jesus, Nöün Kot ewe mi Unusen Tekia, met ka mochen föri ngeniei? Üa tüngor ngonuk mwen mesen Kot pwe kosap ariaföüüei.”

Lukas 1:35

Ewe chon läng a pölüeni, “Ngünmifel epwe feitiu womw, nge manamanen ewe mi Unusen Tekia epwe nom womw. Iei mine ewe mi pin epwe uputiu ngonuk, epwe iteni Nöün Kot.

Lukas 22:70

Iwe, ir meinisin ra aisini, “Ifa usun, en ewe Nöün Kot?” Jesus a pölüeniir, “A pwüng mine oua apasa, pwe ngang nöün.”

Lukas 4:3

Iwe, Tefil a üreni, “Are en Nöün Kot, kopwe üreni ei fau pwe epwe wiliti pilawa.”

Lukas 4:41

Pwal anün rochopwak ra towu seni chomong aramas, ra puchörütä, “En Nöün Kot!” Nge Jesus a apwüngüür o esap mwüt ngeniir pwe repwe kapas, pun ra silei pwe i ewe Kraist.

Lukas 4:9

Mürin Tefil a emwenala Jesus Jerusalem o aütai won ungen ewe imwenfel. Iwe, a üreni, “Are en Nöün Kot, kopwe aturuketiu me ikei.

Johannes 1:34

Ngang üa küna ei, üa pwal pwärätä pwe ätei Nöün Kot.”

Johannes 1:49

Iwe, Nataniel a üreni, “Sense, en Nöün Kot! En ewe kingen Israel!”

Johannes 20:31

Nge ekei manaman ra makketiu, pwe ämi oupwe lükü pwe Jesus ewe Kraist, ewe Nöün Kot, nge ren ämi lükü i oupwe eäni manau.

Johannes 9:35

Iwe, Jesus a rong pwe ra atowu ewe mwän seni ar we imwen felikis. Lupwen a küna i, a aisini, “Ifa usun, ka lükü ewe Nöün Kot?”

Föför 9:20

A müttir feila lon ekewe imwen felikis o a popuetä le afalafal pwe Jesus i ewe Nöün Kot.

2. Korint 1:19

Pun Jesus Kraist ewe Nöün Kot, äm me Silas me Timoty aia afalafala leimi, i sap eman mi apasa, “Ewer” me “Apw” lon eu chök otun, nge lon i Kot a apasa “Ewer” iteiten fansoun.

Kalatia 2:20

iei mine sap ngang üa chüen manau, nge Kraist a manau loi. Ei manau üa manaueni iei üa manau ren ai lükü ewe Nöün Kot mi echeniei o fangala manauan fän itei.

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.

Ipru 12:16

Esap pwal wor eman epwe föri föförün lisowu ika sufölingau ngeni Kot usun chök Esau, pun a amömöla wisan wisen mwänichi ren eu chök mongö.

Ipru 4:14

Iei mine ousipwe kamwöchünük won ewe lükü sia pwärätä usun. Pun a nom rech eman Souasor mi Lap, Jesus ewe Nöün Kot, a feitä läng o a nonom mwen mesen Kot.

Ipru 7:3

Esap wor uruwon saman ika inan ika an lewo, esap pwal wor uruwon an uputiu ika an mäla. Iwe, a usun ewe Nöün Kot, a nonom lon wisen souasor tori feilfeilachök.

1. Johannes 3:8

Are eman a sopwela le föri tipis, i nöün Tefil, pun Tefil a tipis seni lepoputan. Iei popun pwe Nöün Kot a war an epwe atala än Tefil angang.

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.