Mateus 4:24 - Chuukese Bible

²⁴ Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Mateus 4:24 Iomraidhean Croise

2. Samuel 8:6

Mürin, Tafit a anomu mwichen sounfiu lon Siria. Ekewe chon Siria ra nom fän nemenien Tafit o takises ngeni. Iwe, ewe Samol mi Lapalap a awinna Tafit ekis meinisin ia a feila ie.

1. King 10:1

Lupwen ewe kiwinen Sepa a rongorong usun än Salomon iteföüla a tori me ren ewe Samol mi Lapalap, a feila pwe epwe sotuni Salomon ren kapas ais mi weires.

1. King 4:31

Salomon a tipachem seni ekewe aramas meinisin, a tipachem seni Etan eman mwirimwirin Esr, pwal Heman, Kalkol me Tarta nöün Mahol kewe mwän. Iwe, iteüöchün a chöfetal lon ekewe mwü meinisin mi nom ünükün.

1. Kronika 14:17

Iwe, iteüöchün Tafit a chöfetal lon ekewe fanü meinisin, nge ewe Samol mi Lapalap a föri pwe chon ekewe mwü meinisin ra niuokusiti Tafit.

1. Kronika 29:2

Ikkei ekewe pisek üa amolätä fän iten imwen ai we Kot ükükün ai tongeni: Kolt, silifer, piras, mächä me irä, pwe repwe aea le föri ekewe sokopaten pisek. Üa pwal amolätä chomong sokopaten fau aüchea, fau mi molupolup, pwal sokopaten fau itan marpel.

Ekistos 15:26

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Mateus 12:22

Mürin ekoch aramas ra uwato ren Jesus eman mwän mi chun o awemwöch, pun eman anün rochopwak a wäni. Iwe, Jesus a apöchöküla ewe mwän, pwe a tongeni kapas o küna mwan.

Mateus 14:1

Lon ena fansoun Herotes ewe samolun Kalilea a rong usun Jesus.

Mateus 15:22

Iwe, eman fin Kanaan mi nom lon ena leni a feito ren o kökkö ngeni, “Ai samol, Nöün Tafit, kopwe tongeei. Nei nengin a fokun riaföü, pun eman anün rochopwak a wäni.”

Mateus 17:15

o üreni, “Ai samol, kose mochen kopwe ümöümöch ngeni nei ät! I a eäni mään kawakau o a fokun riaföü ren, pun fan chomong a turulong lon ekkei ika lon koluk.

Mateus 17:18

Jesus a apwüngü ewe anün rochopwak, iwe, a towu seni ewe ät. Lon ewe chök otun ewe ät a pöchökületä.

Mateus 4:23

Iwe, Jesus a fetalfeil lon unusen Kalilea, a aiti ngeni aramas kapasen Kot me lon ekewe imwen felikis, a afalafala ewe Pworaus Allim usun ewe Mwün Kot, a pwal apöchöküla aramas mi eäni sokopaten samau me apwangapwang.

Mateus 8:28

Lupwen Jesus a tori ewe fanüen Katara mi nom epek ewe noom, ruoman mwän mi feito seni ewe lenien peias ra churi. Ekei mwän anün rochopwak ra wäniir, ra fokun rochongau pwe esap wor eman a tongeni fetal won ewe al.

Mateus 8:33

Mürin ekewe chon foleni ekewe pik ra süla o tolong lon ewe telinimw, iwe, ra apworausa unusen met a fis ngeni ekewe mwän ekewe anün rochopwak ra wäniir.

Mateus 8:6

Iwe, a üreni, “Ai samol, nei chon angang a mwenilong leimw, esap tongeni mwökütüküt, a pwal fokun watte an metek.”

Mateus 9:26

Iwe, ei pworaus a chöfetal won unusen ewe fanü.

Mateus 9:35

Iwe, Jesus a fetalfeil lon ekewe telinimw me sopw meinisin. A aiti ngeni aramas kapasen Kot lon ekewe imwen felikis, a afalafala ewe Pworaus Allim usun ewe Mwün Kot o apöchöküla aramas mi eäni sokopaten samau me apwangapwang.

Markus 1:28

Iwe, ewe pworaus usun Jesus a müttir chöfetal ekis meinisin lon unusen ewe fanü Kalilea.

Markus 1:32

Lupwen akkar a tuputiu, aramas ra uwato ren Jesus ekewe chon samau meinisin, pwal chokewe mi wor anün rochopwak wor.

Markus 2:3

föman mwän ra war o mwäreeto eman mwän mi mwök ren.

Markus 2:4

Nge pokiten chomongun aramas resap tongeni mwäreeto ewe mwän ren Jesus. Iei mine ra tötä won osun ewe imw o säresi awenewenen ewe ia Jesus a nom ie. Iwe, wesin ar säresi ra aürätiu ewe lenien kekki ewe mwän mi mwök a kon won.

Markus 2:9

Meta a mecheres, ai apasa ngeni ei mwän mi mwök, ‘Om tipis kana ra musala,’ are ai apasa, ‘Kopwe ütä, angei kiom o fetal?’

Lukas 2:2

Iei aeuin makken it lupwen Kirenius a kepinan Siria.

Lukas 4:14

Mürin Jesus a liwinsefäliti Kalilea, nge manamanen Ngünmifel a nom ren. Iwe, pworausan a chöfetal lon unusen ewe fanü meinisin.

Lukas 4:38

Mürin Jesus a towu seni ewe imwen felikis o feila lon imwen Simon. Iwe, inen pwülüen Simon a eäni eu samaun pwichikar, iei mine ra tüngor ngeni Jesus pwe epwe apöchöküla.

Lukas 5:15

Iei mwo ei, nge ewe pworaus usun Jesus a chök chöfetal ekis meinisin. Iwe, eu mwichen aramas mi chomong ra feito pwe repwe rongorong an afalafal, repwe pwal küna pöchökül seni ar samau.

Lukas 5:24

Ngang üpwe allükülükü ngenikemi, pwe Nöün Aramas a wor an pwüüng won fanüfan pwe epwe amusala tipis.” Iei mine a üreni ewe mwän mi mwök, “Üpwe ürenuk: Kopwe ütä, angei kiom o feila lon imwom.”

Lukas 7:17

Ei pworaus usun Jesus a chöfetal lon unusen ewe fanü Jutea me ekewe fanü mi nom ünükün.

Johannes 10:21

Nge pwal ekoch ra apasa, “Ekei kapas esap alon eman aramas eman anün rochopwak a wäni! Ifa usun, eman anün rochopwak epwe tongeni aneneloi mesen chon chun?”

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 15:41

A saifeil lon Siria me Silisia o apöchöküla chon ekewe mwichefel.

Föför 28:9

Lupwen a fis ei, ekewe lusun chon samau meinisin me won ewe fanü ra feito, nge Paulus a apöchöküleeretä.

Föför 8:7

Ekewe ngününgau ra towu seni chomong aramas fän ar pupuchör mi leüömong, pwal chomong aramas mi mwök me aramas mi pechemä ra pöchökületä.

Josua 6:27

Iei usun ewe Samol mi Lapalap a eti Josua, iwe, an iteüöch a chöfetal lon unusen ewe fanü.