Mateus 4:23 - Chuukese Bible

²³ Iwe, Jesus a fetalfeil lon unusen Kalilea, a aiti ngeni aramas kapasen Kot me lon ekewe imwen felikis, a afalafala ewe Pworaus Allim usun ewe Mwün Kot, a pwal apöchöküla aramas mi eäni sokopaten samau me apwangapwang.

Mateus 4:23 Iomraidhean Croise

Kölfel 103:3

A amusala ai tipis meinisin o amoela ai apwangapwang meinisin,

Kölfel 74:8

Ra kapasfengen lefiler, “Sipwe aroserela meinisin.” Iwe, ra kenala ekewe leni meinisin ia aramas ra fel ngeni Kot ie me lon ewe fanü.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 12:9

Iwe, Jesus a feila seni ewe leni o tolong lon eu imwen felikis.

Mateus 13:19

Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Mateus 13:54

o liwinsefäliti poputän telinimwan. A afalafal lon ewe imwen felikis, nge chokewe mi rongorong ngeni ra mairü ren. Ra ais, “Ia ätei a angei me ie an tipachem? Ia a angei me ie an kei tufich pwe epwe tongeni föri ekei manaman?

Mateus 14:14

Lupwen Jesus a tötiu me won ewe wa, a küna eu mwichen aramas mi chomong. A fokun tongeer o a apöchökülätä ekewe chon samau me leir.

Mateus 24:14

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 9:35

Iwe, Jesus a fetalfeil lon ekewe telinimw me sopw meinisin. A aiti ngeni aramas kapasen Kot lon ekewe imwen felikis, a afalafala ewe Pworaus Allim usun ewe Mwün Kot o apöchöküla aramas mi eäni sokopaten samau me apwangapwang.

Markus 1:14

Iwe, mürin an Johannes tolong lon imwen fötek, Jesus a feila Kalilea o arongafeili ewe Pworausen Manau seni Kot.

Markus 1:21

Iwe, Jesus me nöün kewe chon kaiö ra tori ewe telinimw Kapernaum. Nge lupwen a tori ewe ränin sapat, a tolong lon ewe imwen felikis o popuetä le afalafal.

Markus 1:39

Iwe, a saifeil lon unusen Kalilea, a afalafal lon ar kewe imwen felikis o asüela ekewe anün rochopwak.

Markus 3:10

Pun Jesus a fen apöchöküla chomong aramas, iei mine chokewe mi samau ra chök etietifengen pwe repwe tongeni atapa Jesus.

Markus 6:2

Iwe, lon ewe ränin sapat Jesus a popuetä le afalafal lon ewe imwen felikis. Chomong mi rongorong an afalafal ra mairü ren. Ra aisini, “Ia ei aramas a angei me ie ekei ekiek? Met sokun tipachem a tori? Ifa usun, ren met a tongeni föri ekei manaman?

Markus 6:6

A fokun neneiruk pokiten ekewe aramas resap lükü. Mürin Jesus a feila ngeni ekewe sopw ünükün o a afalafala ekewe aramas.

Lukas 10:9

Oupwe apöchöküla ekewe chon samau lon ena telinimw o üreni ekewe aramas mi nom lon, ‘Mwün Kot a arapoto remi.’

Lukas 13:10

Iwe, lon ränin sapat Jesus a afalafal lon eu imwen felikis.

Lukas 16:16

“Än Moses kewe Allük me mine a mak lon ekewe puken soufos ra rongofeil tori fansoun Johannes Soupapatais. Seni ena fansoun ewe Pworausen Manau usun Mwün Kot a chöfeil, nge aramas meinisin ra pöchökülelong le tolong lon.

Lukas 20:1

Lon eu rän, lupwen Jesus a nom lon ewe imwenfel o afalafala ekewe aramas ewe Pworausen Manau, ekewe souasor mi lap, ekewe Sensen Allük me ekewe souakom ra feito ren

Lukas 4:14

Mürin Jesus a liwinsefäliti Kalilea, nge manamanen Ngünmifel a nom ren. Iwe, pworausan a chöfetal lon unusen ewe fanü meinisin.

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Lukas 6:17

Lupwen Jesus a feitiu seni won ewe chuk me nöün kewe chon kaiö, a ütä lon eu leni mi sosonöch. Iwe, chomong nöün kewe chon kaiö ra mwicheto ren, pwal eu mwichen aramas mi chomong seni unusen ewe fanü Jutea, seni Jerusalem pwal seni ekewe telinimw Tirus me Siton mi nom aroset.

Lukas 6:6

Lon pwal eu ränin sapat Jesus a feila lon eu imwen felikis o afalafal. Ikenan a wor eman mwän mi mä pöüifichin.

Lukas 7:21

Lon ena otun Jesus a apöchökülätä chomong aramas seni sokopaten ar samau me apwangapwang o alisi chokewe mi wor ngününgau wor, a pwal aneloi mesen chomong mi mesechun.

Lukas 7:22

Iwe, Jesus a pölüeni nöün Johannes kewe chon kaiö, “Oupwe liwinsefälila o üreni Johannes mine oua küna o rongorong: Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepüng ra rongorong, ekewe mi mäla ra manauetä, nge ekewe mi wöüngau ra rongorong afalafalen ewe Pworausen Manau.

Lukas 8:1

Eu fansoun mürin Jesus a saifeil lon ekewe telinimw me sopw o afalafala ewe Pworausen Manau usun Mwün Kot. Iwe, ekewe engol me ruoman chon kaiö ra eti,

Lukas 9:11

Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Lukas 9:60

Nge Jesus a pölüeni, “Kopwe likiti ngeni ekewe mi mäla repwe püsin peiaseni ar kewe somä. Nge en kopwe feila o arongafeili ewe Mwün Kot.”

Johannes 18:20

Jesus a pölüeni, “Fansoun meinisin üa kapas le pwäpwäla ngeni aramas meinisin. Üa afalafal lon ekewe imwen felikis pwal lon ewe imwenfel ia ekewe aramas meinisin ra mwichfengen ie. Üsap apasa och le monomon.

Johannes 6:59

Jesus a apasa ekei kapas lupwen a afalafal lon ewe imwen felikis lon Kapernaum.

Johannes 7:1

Mürin ei pworaus, Jesus a chök saifetal lon Kalilea, pun esap mochen saifetal lon Jutea, pokiten ekewe nöüwisen chon Juta ra mochen niela i.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 18:4

Iwe, iteiten ränin sapat Paulus me ekewe aramas ra kakapasfengen lon ewe imwen felikis, o a achocho le elliapa ekewe chon Juta me chon Krik.

Föför 20:25

Ngang üa nomfeil leimi o afalafal usun ewe Mwün Kot. Nge iei üa silei, pwe üsap chüen künasefälikemi.

Föför 28:31

A afalafal usun Mwün Kot o aiti ngeniir usun ach Samol Jesus Kraist. A pwora le kapas, nge esap wor eman a pinei.

Nöün Paulus Toropwe ngeni ekewe Souläng lon Rom 10:15

Ifa usun an we kapas epwe asilesil, are Kot esap tinala chon künö? Usun a mak lon ekewe Toropwe mi Pin, “A mürina wareton ekewe chon künö mi uwato ewe Pworausen Manau!”