Mateus 4:15 - Chuukese Bible

¹⁵ “Ewe fanü Sepulon me ewe fanü Naftali won ewe al mi ale ngeni ewe matau, pekilan ewe chanpupu Jortan me epek, Kalilea, fanüen ekewe chon lükün Israel!

Mateus 4:15 Iomraidhean Croise

1. King 9:11

Hairam ewe kingen Tirus a ngeni Salomon irä setar me irä saipires me kolt ükükün an mochen. Iwe, amwüchülan ei angang king Salomon a ngeni Hairam rüe telinimw me lon ewe fanü Kalili.

2. King 15:29

Iwe, lupwen Peka a kingen Israel, Tiklat-pileser ewe kingen Asiria a feito o liapeni ekewe telinimw Ion, Apel-petmaka, Janoa, Ketes, Hasor, pwal ekewe fanü Kiliat, Kaliläa me Naftali. A pwal uweela ekewe aramas chon oola ngeni Asiria.

Aisea 9:1

Nge ekewe aramas mi nom lon riaföü resap nonomfochofoch lon rochopwak. Me lom Kot a atekisonätiu ewe fanü Sepulon me Naftali, nge lon fansoun mwach epwe alinga ei fanü seni ewe al mi ale ngeni ewe matau watte tori ewe fanü pekilan ewe chanpupu Jortan, pwal tori ewe fanü Kaliläa, ia ekewe chon lükün Israel ra nom ie.

Mateus 4:13

Nge esap nonometiu lon Nasaret, nge a feila o nonom lon Kapernaum, eu telinimw mi nom arun ewe nomun Kalilea lon fanüen Sepulon me Naftali.

Mateus 4:14

Ei a fis pwe epwe pwönüetä mine ewe soufos Aisea a apasa,

Mateus 4:25

Eu mwichen aramas mi chomong ra tapwela mürin Jesus seni Kalilea me ewe fanü itan Engol Telinimw, seni Jerusalem me Jutea me ewe fanü ünükün ewe chanpupu Jortan me ewe epek.

Lukas 24:27

Mürin Jesus a awewe ngeniir met a mak lon ekewe Puk mi Pin usun püsin i. A popuetä seni ekewe puken Moses tori ekewe puken soufos meinisin.

Josua 20:7

Iei mine ra aimwüela Ketes me lon Kalilea lon chukuchukutän ewe fanü Naftali me Sikem lon chukuchukutän ewe fanü Efraim, pwal Kiriat-arapa, iei Hepron lon chukuchukutän ewe fanü Juta me lotoun ewe chanpupu Jortan.

Josua 21:32

Iwe, seni ewe ainangen Naftali ra angei ekewe telinimw Kates lon Kaliläa, ewe telinimwen op, Hamot-tor me Kartan, pwal ekewe fanü ünükür fän iten nöür man, ükükün ülüngat telinimw.