Mateus 4:1 - Chuukese Bible

¹ Iwe, mürin Ngünmifel a emwenala Jesus lon ewe fanüapö pwe epwe küna sosot me ren Tefil.

Mateus 4:1 Iomraidhean Croise

Keneses 3:15

Üpwe afiukemi me ewe fefin, pwal mwirimwirum me mwirimwirin. Men epwe puri mökürom, nge en kopwe küw apilipilin pechen.”

1. King 18:12

Ina epwe fis pwe lon ewe otun üpwe feila senuk, Ngünün ewe Samol mi Lapalap epwe uweekela ngeni eu leni ngang üsap silei. Iwe, lupwen üpwe üreni Ahap pwe ka nom ikei, nge i esap tongeni künok, epwe nieila. Nge ngang noum chon angang üa fokun meniniti ewe Samol mi Lapalap seni leküküni.

2. King 2:16

o üreni, “Mi wor ükükün lime mwän mi pöchökül me leim äm noum chon angang. Aia tüngor, kopwe mwüt ngeniir pwe repwe feila o kütta om we samol. A tongeni fis pwe Ngünün ewe Samol mi Lapalap a uwei o likitala won eu lein ekewe chuk ika lon eu lein ekewe lemol.” Nge Elisa a üra, “Ousap tinirela.”

Isikiel 11:1

Iwe, Ngünün Kot a ekieitä o uweeila ren asamalapen imwen ewe Samol mi Lapalap mi sape ngeni ötiu. Ikenan, lükün ewe asamalap a wor rüe me liman mwän, nge lefiler üa küna ruoman samolun chon Israel Jaasania nöün Assur, pwal Pelatia nöün Penaia.

Isikiel 11:24

Iwe, lon künaei we Ngünün Kot a ekieitä o uweeila lon ewe fanü Papilon ren ekewe chon oola. Mürin, künaei we a morola seniei.

Isikiel 3:12

Mürin Ngünün Kot a ekieitä, nge üa rongorong eu möngüngü mi watte me lükisöküri, a apasa, “Oupwe mwareiti lingen ewe Samol mi Lapalap lon läng.”

Isikiel 3:14

Mürin, Ngünün Kot a ekieitä o uweeila. Üa feila fän ai weires me letipechou, nge än ewe Samol mi Lapalap manaman mi pöchökül a toriei.

Isikiel 40:2

Iwe, lon künaei we, Kot a uweeila lon ewe fanü Israel o anomuei won eu chuk mi fokun tekia. Ikenan üa küna me mwei och mi wewe ngeni eu telinimw.

Isikiel 43:5

Mürin, Ngünün Kot a ekieitä o uweeila lon ewe leni mwen Imwenfel, nge lingen ewe Samol mi Lapalap a aurala lon ewe Imwenfel.

Isikiel 8:3

A aitiewu och usun lapalapen efoch pau o amwöchü meten mökürei. Lon künaei we Ngünün Kot a ekieitä lefilen fanüfan me läng o emwenieila Jerusalem. A anomuei lükün ewe asamalap mi nom efengin ewe leni mwen ewe imwenfel. Ikenan a wor eu uluulun anümwäl Kot a fokun chou ren.

Johannes 14:30

Üsap chüen kapas chomong ngenikemi, pun ewe samolun ei fanüfan epwele war. Esap wor an nemenem woi.

Föför 8:39

Lupwen ar towu me lon ewe koluk, Ngünün ach Samol a angeala Filip. Iwe, ewe nöüwis esap chüen küna, nge a sopwela lon an sai fän pwapwa mi watte.

Nöün Paulus Toropwe ngeni ekewe Souläng lon Rom 8:14

Iwe, chokewe mi nonom fän emwenien ewe Ngünün Kot, ir nöün Kot.

Ipru 2:18

Iwe, iei a tongeni alisi chokewe mi tolong lon sosot, pun püsin i a fen piin tolong lon sosot me riaföü.

James 1:14

Nge eman me eman aramas a tori sosotun ren püsin an mochenia mi atekini o pani letipan.