Mateus 3:8 - Chuukese Bible

⁸ Oupwe föri sokun föför epwe pwärätä pwe oua aier seni ämi tipis.

Mateus 3:8 Iomraidhean Croise

Jeremaia 26:13

Iei mine oupwe siwili ämi kewe lapalap me ämi kewe föför o aleasochis ngeni alon ewe Samol mi Lapalap ämi we Kot, mürin ewe Samol mi Lapalap epwe siwili an ekiekin afeiengauakemi usun a fen apasa.

Jeremaia 36:3

Eli ika chon Juta repwe rongorong usun ekewe feiengau meinisin üa ekiekin föri ngeniir, repwe kul seni ar föför mi ngau. Mürin, ngang üpwe amusala ar föföringau me tipis.”

Mateus 21:32

Pun Johannes Soupapatais a feito remi o aiti ngenikemi ewe al mi pwüng oupwe fetal won, nge ämi ousap lükü an afalafal. Nge ekewe chon ioni takises me ekewe fin lisowu ra lükü an afalafal. Inamwo lupwen oua küna ar lükü, ämi ousap siwili ämi ekiek o lükü an afalafal.”

Lukas 3:8

Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.

Föför 26:20

Üa afalafal akom lon Tamaskus me Jerusalem, mürin lon unusen fanüen ekewe chon Juta, pwal lein ekewe chon lükün Israel, pwe repwe aier seni ar tipis o kul ngeni Kot, pwe repwe föri sokun föför mi pwärätä pwe ra ekieksefäl.

Efisos 5:8

Me lom oua nom lon rochopwak, nge iei oua nom lon saram pokiten oua wiliti nöün ach Samol aramas. Iei mine oupwe manaueni eu manau mi nom fän ewe saram,

Efisos 5:9

pun ewe saram a atoto eu räs mi watte ren sokun föför mürina, föförün pwüng me let.

Filipi 1:11

Iwe, manauemi epwe urela ren sokun föför mürina Jesus Kraist chök a tongeni afisätä, pwe Kot epwe ling o iteüöch ren.