Mateus 3:6 - Chuukese Bible

⁶ Ra pwärätä ar tipis, nge Johannes a papataisiir lon ewe chanpupu Jortan.

Mateus 3:6 Iomraidhean Croise

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Kölfel 32:5

Mürin üa pwärätä ai tipis ngonuk, nge üsap aopala ai pwüngingau. Üa apasa, “Üpwe pwärätä ngeni ewe Samol mi Lapalap ai pupungau.” Iwe, ka amusala ai tipis meinisin.

Än Salomon Fos 28:13

Eman aramas mi aopala an tipis esap fefeitä lon manauan, nge eman mi pwärätä o likitala, Kot epwe ümöümöch ngeni.

Isikiel 36:25

Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.

Taniel 9:4

Mürin üa iotekin amusamus ngeni ewe Samol mi Lapalap ai we Kot, “Ai Samol me ai Kot, en eman Kot mi tekia me eniuokus, ka tümwünüöchü om pwon, ka pwal tongei chokewe mi echenuk o föri pwüngün om kewe allük.

Lifitikos 16:21

Mürin, Aaron epwe anomu pöün me ruofoch won möküren ewe kuuch mi manau o pwärätä won än chon Israel föföringau meinisin, ar pupungau me ar tipis meinisin. Iwe, epwe anomu ekewe tipis won möküren ewe kuuch o tinala lon fanüapö ren eman mwän mi fil fän iten ewe angang.

Lifitikos 26:40

Mürin epwe fis pwe repwe pwärätä ar föföringau, pwal än semer kewe föföringau ra föri ngeniei lon ar ekisolä me ü ngeniei,

Numperis 5:7

Iwe, epwe pwärätä an tipis a föri o aliwini unusen mine a mwäl won. Nge epwe pwal apachätä eu lelimu ngeni o aliwinisefäli ngeni ätewe a wor an mwäl ngeni.

Mateus 3:11

Ngang üa papataisikemi ren koluk pwe asisilen ämi aier. Nge ewe eman epwe war me müri epwe papataisikemi ren Ngünmifel me ekkei. I a lap seniei, pwe ngang üsap fich ngeni ai üpwe mwo nge uwou ipwan sus.

Markus 1:5

Chomong aramas seni Jutea me ewe telinimw Jerusalem ra feila ren Johannes. Ra pwärätä ar tipis, nge Johannes a papataisiir lon ewe chanpupu Jortan.

Lukas 1:16

Iwe, epwe aliwinisefäli chomong aramasen Israel ngeni ewe Samol ar we Kot.

Lukas 3:16

Iei mine Johannes a üreniir, “Ngang üa papataisikemi ren koluk, nge eman mi lap seniei epwe feito, ngang üsap fich ngeni ai üpwe mwo nge apichi ririn ipwan sus, ätewe epwe papataisikemi ren Ngünmifel me ekkei.

Föför 1:5

Pun Johannes a papataisi aramas ren koluk, nge mürin ekoch rän ämi oupwe papatais ren Ngünmifel.”

Föför 11:16

Mürin üa chechemeni mine ewe Samol a fen apasa, ‘Johannes a papataisikemi ren koluk, nge ämi oupwe papatais ren Ngünmifel.’

Föför 19:18

Iwe, chomong lein ekewe chon lükü Jesus ra feito o pwärätä ar kewe föför mi ngau mwen mesen ekewe aramas.

Föför 22:16

Nge met ka witiwiti iei? Kopwe ütä o papatais, nge ren om iotek ngeni i om tipis kana repwe musala.’

1. Korint 10:2

Ir meinisin ra papatais ngeni Moses lon ewe kuchu pwal lon ewe Setipar.

Kolose 2:12

Pun lupwen oua papatais, oua eti Kraist le peias, nge lon ämi papatais oua pwal eti Kraist lon an manausefäl ren ämi lükü manamanen Kot mi amanauasefäli Kraist seni mäla.

Ipru 6:2

ekewe afalafal usun papatais me ach isetä pöüch won aramas, usun ewe manausefäl seni sotup, pwal usun ewe kapwüng esemüch.

Ipru 9:10

Pun ekei sokun asor ra chök masoueni mongö, minen ün me sokopaten angangen limelim. Ekei mettoch allük fän iten chök inisich, ra chök pöchökül tori ewe fansoun lupwen Kot epwe akotasefäli me asöföü mettoch meinisin.

James 5:16

Iei mine oupwe pwärifengeni ämi tipis kana, eman ngeni eman o iotekifengenikemi, pwe oupwe pöchökületä. Än eman chon pwüng iotek a manaman o a fokun pwönüetä.

Josua 7:19

Mürin Josua a üreni Akan, “Nei, kopwe kapas wenechar fän mesen ewe Samol mi Lapalap ewe Koten Israel o pwärätä meinisin. Iei kopwe üreniei met ka föri, nge kosap aopala och seniei.”

1. Petrus 3:21

Ei koluk eu liosun papatais mi amanauakemi iei. Esap limetala pwülün inis, nge eu pwon ngeni Kot oua eäni seni eu mwelien letipemi mi limöch. Iwe, a amanauakemi ren än Jesus Kraist manausefäl,

1. Johannes 1:9

Nge are sia pwärätä ach tipis ngeni Kot, i epwe apwönüetä an pwon o föri mine a pwüng: Epwe amusala ach tipis o limetikich seni ach pwüngingau meinisin.