Mateus 3:5 - Chuukese Bible

⁵ Iwe, aramas ra feito ren seni Jerusalem me unusen ewe fanü Jutea, pwal seni ekewe fanü meinisin ünükün ewe chanpupu Jortan.

Mateus 3:5 Iomraidhean Croise

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 4:25

Eu mwichen aramas mi chomong ra tapwela mürin Jesus seni Kalilea me ewe fanü itan Engol Telinimw, seni Jerusalem me Jutea me ewe fanü ünükün ewe chanpupu Jortan me ewe epek.

Markus 1:5

Chomong aramas seni Jutea me ewe telinimw Jerusalem ra feila ren Johannes. Ra pwärätä ar tipis, nge Johannes a papataisiir lon ewe chanpupu Jortan.

Lukas 16:16

“Än Moses kewe Allük me mine a mak lon ekewe puken soufos ra rongofeil tori fansoun Johannes Soupapatais. Seni ena fansoun ewe Pworausen Manau usun Mwün Kot a chöfeil, nge aramas meinisin ra pöchökülelong le tolong lon.

Lukas 3:3

Iei mine Johannes a feila lemenen unusen ewe fanü ünükün ewe chanpupu Jortan o afalafal, “Oupwe kul seni ämi tipis o papatais, iwe, Kot epwe amusala ämi tipis.”

Lukas 3:7

Iwe, eu mwichen aramas mi chomong ra feila pwe repwe papatais ren Johannes. Nge a üreniir, “Ämi nöün serepenit. Iö a ürenikemi pwe oupwe sü seni än Kot we song epwe awarato womi?

Johannes 3:23

Nge Johannes a pwal papataisi aramas lon Änon arap ngeni Salim, pun a wor chomong koluk ikenan. Iwe, aramas ra feito ren o a papataisiir.

Johannes 5:35

Johannes a usun chök eu lamp, a tin o saram, nge ämi oua chök mochen apwapwakemi lon saraman ekis chök fansoun.