Mateus 3:3 - Chuukese Bible

³ Johannes ätewe ewe soufos Aisea a kapas usun lupwen a apasa, “Eman a kökkö fän leüömong lon ewe fanüapö: ‘Oupwe amolätä alen ewe Samol. Oupwe awenecharala ewe al epwe fetal won.’”

Mateus 3:3 Iomraidhean Croise

Aisea 40:3

A wor eu möngüngü mi leüömong, “Oupwe amolätä alen ewe Samol mi Lapalap lon fanüapö, oupwe awenala efoch alalap lon fanüpwas fän iten ach we Kot.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Markus 1:3

Eman a kökkö fän leüömong lon fanüapö, ‘Oupwe amolätä ewe al fän iten ewe Samol, oupwe awenechara ewe al epwe fetal won.’”

Lukas 1:17

I epwe akom mwen ewe Samol lon tufichin ewe Ngün me ewe manaman mi nom ren Elias. Epwe akulu leluken ekewe sam ngeni nöür o akulusefäli letipen ekewe aramas mi lükümach, pwe repwe eäni ekiekin ekewe chon pwüng. Pun epwe amolätä fän iten ewe Samol eu mwichen aramas mi amolöch.”

Lukas 1:76

Nge en, nei, kopwe iteni nöün Kot ewe mi Unusen Tekia soufos. Kopwe akom mwen ewe Samol, pwe kopwe amolätä alan,

Johannes 1:23

Iwe, Johannes a pölüeniir lon mine ewe soufos Aisea a apasa, “Ngang möngüngün ewe eman mi kökkö fän leüömong lon ewe fanüapö: Oupwe awenechara alen ewe Samol.”