Mateus 3:10 - Chuukese Bible

¹⁰ Ewe kouk a fen molotä pwe epwe pöküela ekewe irä tori warer. Irä meinisin resap uani ua mi mürina repwe pöküpök o koturulong lon ekkei.

Mateus 3:10 Iomraidhean Croise

2. Samuel 23:7

Nge are eman aramas a ionifengeniir, a aea mächä ika ilon efoch siles, mürin ra kekkila.”

Kölfel 1:3

Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

Kölfel 140:10

Amwo molien ekkei mi sarara epwe turutiu wor. Repwe katurulong lon ekewe pwang, nge resap chüen tosefäliwu.

Kölfel 92:12

Ekewe chon pwüng repwe aümanau usun ewe irä palm, repwe mämäritä usun efoch irä setar won Lepanon.

Aisea 27:11

Ekewe aramas ra wewe ngeni palen ekewe irä mi pwas, ra kuputiu. Iwe, fefin repwe feito o rusifengeniir pwe repwe eäniir amüch. Pun ir eu mwichen aramas resap mirit. Iei mine Kot ewe mi föriir esap tongeäsiniir, esap pwal ümöümöch ngeniir.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 17:8

A wewe ngeni efoch irä mi fot unupen eu chanpupu a apwükawu waran ngeni ewe koluk, nge esap niuokus lupwen pwichikar a tori, pun chön kana ra chök arauarau. Esap öürek lon fansoun pwasapwas, pun esap ükütiu le ua.

Taniel 4:14

Iwe, a kökkö fän leüömong, ‘Oupwe ukufi ewe irä o pöküela palan, oupwe pwal amätärala chön o atoropasafeili uan. Iwe, ekewe mönün lemäl repwe sü seni fan, ekewe machang repwe pwal ässila seni won palan kewe.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Mateus 21:19

Nge lupwen an fetal a küna efoch irä fiik lepekin ewe al. Iwe, a asai ngeni, nge esap küna uan, pwe chöön chök. Iei mine a fos ngeni ewe irä fiik, “Esap fokun chüen wor uomw!” Lon ewe chök otun ewe irä fiik a pwasala.

Mateus 7:19

Iwe, ekewe irä resap uani ua mi mürina repwe pöküpök o koturulong lon ekkei.

Lukas 23:31

Pun are ekei sokun mettoch repwe fis lupwen ewe irä a manau, met epwe fis lupwen a pwasala?”

Lukas 3:9

Ewe kouk a fen molotä pwe epwe pöküela ekewe irä seni warer. Iteiten irä esap uani ua mi öch epwe pöküpök o koturolong lon ekkei.”

Johannes 15:2

Epwe pöküela ekewe palan meinisin mi nonom loi resap ua, nge ekewe palan meinisin mi ua, epwe limetiir, pwe epwe chomongola uar.

Johannes 15:6

Iö esap nonom loi, epwe koturula usun efoch palen irän wain o epwe pwasala. Ekei sokun palan repwe ioifengen o koturulong lon ekkei pwe repwe karala.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 6:8

Nge ika ewe pwül a amärätä iräfölüföl me pötöwölingau, esap fokun wor lomotan. A fetal ngeni chök an epwe anümamau me ren Kot, nge feilfeil epwe karala ren ekkei.