Mateus 28:5 - Chuukese Bible

⁵ Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Mateus 28:5 Iomraidhean Croise

Aisea 35:4

Oupwe apasa ngeni chokewe mi niuokus lon letiper, “Oupwe pworacho, nge ousap niuokus. Ämi Kot epwe feito pwe epwe apwüngü chon oputakemi. Epwe feito pwe epwe amanauakemi.”

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 41:14

Ewe Samol mi Lapalap a apasa, “Kosap niuokus, en Israel mi kükün o apwangapwang usun chök eman moso, pun ngang üpwe alisuk. Ngang Ewe mi Pin lon Israel om Chon Amanau.

Taniel 10:12

Iwe, a pwal üreniei, “Taniel, kosap niuokus, pun Kot a aüselinga om tüngor seni lon ewe aeuin rän lupwen ka atekisonok fän mesen om we Kot, pun ka fokun mochen weweiti künaom we. Iei üa feito pwe pälüen om iotek.

Taniel 10:19

Iwe, a apasa, “En eman mwän mi watte chenum me ren Kot. Kosap niuokus. Kinamwe epwe toruk. Kopwe apöchökülok o apworai letipom.” Nge lupwen a kapas ngeniei, üa pöchökülsefäl o apasa, “Ai samol, kose mochen kopwe kapas ngeniei, pun ka apöchökülaei.”

Mateus 14:27

Lon ewe chök otun Jesus a kapas ngeniir o üreniir, “Oupwe apilükülük! Ngang ei, ousap niuokus!”

Mateus 28:10

Jesus a üreniir, “Ousap niuokus! Oupwe feila o üreni pwii kewe pwe repwe feila Kalilea, ikenan repwe künaei.”

Mateus 28:4

Iwe, ekewe chon mas ra fokun niuokus, pwe ra chechech o ra wewe ngeni aramas mi mäla.

Markus 16:6

Ewe alüal a üreniir, “Ousap rükö, üa silei pwe oua kütta Jesus ewe re Nasaret, ewe mi iräpenges. Esap nom ikei, pwe a manausefälitä. Oupwe katol ewe leni ia ra peiaseni ie.

Lukas 1:30

Ewe chon läng a üreni, “Kosap niuokus, Maria, Kot a fokun ümöümöch ngonuk.

Lukas 24:5

Iwe, ekewe fefin ra fokun niuokus o chapetiu le pwül, nge ekewe mwän ra üreniir, “Pwota oua kütta ewe mi manau lein ekewe mi mäla?

Föför 2:24

Nge Kot a amanauasefäli seni mäla. A angasala i seni manamanen mäla, pun esap tufich pwe mäla epwe amwöchü i.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.