Mateus 27:5 - Chuukese Bible

⁵ Iwe, Jutas a moneelong ewe moni lon ewe imwenfel o feila. Mürin a feila o püsin forusi.

Mateus 27:5 Iomraidhean Croise

2. Samuel 17:23

Nge lupwen Ahitofel a mefi pwe resap aleasochisi an öüröür, a rietä an lenien mot won waan aas o feila lon imwan lon puputän an telinimw. Iwe, a akotöchü lon imwan, mürin a forusala. Iei usun Ahitofel a mäla, nge ra peiaseni lon peiasen saman we.

1. King 16:18

Nge lupwen Simri a küna pwe ra liapeni ewe telinimw, a tolong lon ewe leni mi pöchökül me lon ewe imwen king, a kenala ewe imwen king i a nom lon o mäla.

Hiop 2:9

Mürin, pwülüan a üreni, “Ifa usun, ka chüen likitü won mine a pwüng? Kopwe amamäsini Kot o mäla.”

Hiop 7:15

pwe üpwe filätä ai üpwe kak o mäla, lap seni ai üpwe chök riaföü ren samaun inisi.

Kölfel 55:23

Nge en, ai Kot, kopwe aturätiu lon ewe lenien sotup ekewe chon nimanauei aramas me ekewe chon atuputup mwen esamwo tori esopun manauer. Nge ngang üpwe anomu ai apilükülük womw.

Mateus 26:61

o apasa, “Ei mwän a apasa, ‘Ngang üa tufichin ataetiu än Kot we imwenfel, nge lon ükükün ülüngat rän üpwe aüsefälietä.’”

Mateus 27:6

Nge ekewe souasor mi lap ra angei ekewe föün moni o apasa, “Ei moni liwinin cha, a ngau ngeni allükün ach lamalam pwe sipwe atolonga lon monien imwenfel.”

Lukas 1:21

Iwe, ekewe aramas ra witiwiti än Sakarias epwe towu rer o ra weitifengeniir ren än Sakarias nomotam lon ewe imwenfel.

Lukas 1:9

Sakarias a fil lon pwüngün üttüt lon örünien pwüngün angangen ekewe souasor, pwe epwe keni apach mi pwokus won ewe rongen asoren ötüöt. Iei mine a tolong lon än ewe Samol imwenfel,

Soukapwüng 9:54

Mürin, Apimelek a müttir körato ewe alüal mi wisen uwei an tittin maun, o üreni, “Kopwe üttawu noum ketilas o nieila, pwe aramas resap üra rei pwe eman fefin a nieila.” Iwe, ewe alüal a posu pwe a mäla.