Mateus 27:2 - Chuukese Bible

² Ra föti ngeni sein o etekinala pwe repwe atolonga lepöün ewe kepina Pilatus.

Mateus 27:2 Iomraidhean Croise

Keneses 22:9

Iwe, lupwen ra tori ewe leni Kot a aiti ngeni, Apraham a senätä eu rongen asor o isetä ewe mwüch won. Mürin a föti Isaak nöün we o akona won mwüchün ewe rongen asor.

Mateus 20:19

mürin repwe atolonga lepöün ekewe chon lükün Israel. Ir repwe urumwotei, repwe wichi o iräpengesi. Nge mürin ülüngat rän epwe manausefälitä.”

Mateus 28:14

Nge are ei pworaus epwe tori ewe kepina, äm aipwe afata ngeni pwe esap tipisimi, o ämi ousap tolong lon osukosuk.”

Lukas 13:1

Lon ena fansoun ekoch aramas ra nom ikenan, ra apworausa ngeni Jesus usun ekewe chon Kalilea Pilatus a niirela, pwe chaar a nofit ngeni chaan ar kewe mönün asor ra eäni asor ngeni Kot.

Lukas 20:20

Iei mine ra mamasa Jesus o tinala chon operi i mi pomweni pomwen aramas mi öch, pwe repwe särei Jesus ren ar kapas ais, pun repwe tongeni atolonga fän nemenemen me pöchökülen ewe kepina.

Lukas 23:1

Mürin unusen ewe mwichen aramas a ütä o ra etekinala Jesus mwen Pilatus.

Lukas 23:12

Lon chök ewe ränin Herotes me Pilatus ra pwipwifengen, nge me mwan ra oputafengeniir.

Lukas 3:1

Iwe, lon engol me limuen ierin mwün Sisar Tiperius, lupwen Pontius Pilatus a kepinan Juta, Herotes a samolun Kalilea, pwiin we Filip a samolun Iturea me Trakonitis me Lisanias a samolun Apilene,

Johannes 18:12

Mürin ewe mwichen sounfiu fiti nöür we meilap, pwal ekewe chon Juta mi tümwünü ewe imwenfel ra turufi Jesus o fötekini.

Johannes 18:24

Mürin Anas a tinala Jesus ren Kaifas ewe Souasor mi Lap, nge a chüen fötek.

Johannes 18:28

Lesosorusich chök nge ra emwenala Jesus seni imwen Kaifas ngeni imwen ewe kepina. Nge ekewe nöüwisen chon Juta resap tolong lon ewe imw, pun ra mochen ar repwe limöch o apwönüetä pwüngün ar lamalam, lupwen repwe mongö ewe mongön Pasofer.

Föför 12:6

Lon ewe pwinin me mwen än Herotes epwe apwüngü Petrus me mwen ekewe aramas, Petrus a möür lefilen ruoman sounfiu, a riri ngeniir ren ruofoch sein seni mächä, nge a wor chon mamas ra mamasa asamalapen ewe imwen fötek.

Föför 21:33

Iwe, ewe sounemenem a fetal wenewen ngeni Paulus, a turufi o allük pwe repwe föti ngeni ruofoch sein. Mürin a ais, “Iö ei mwän? Nge met a föri?”

Föför 22:25

Nge lupwen ar chüen föti an epwe wichiwich, Paulus a üreni eman me lein ekewe meilapen sounfiu mi ü ikenan, “Ifa usun, a pwüng ngenikemi ämi oupwe wichi eman chon Rom, nge esamwo fat lon kapwüng pwe a tipis?”

Föför 22:29

Lon ewe chök otun ekewe mwän repwe atittina Paulus ra timärämär seni. Nge ewe sounemenem a niuokus lupwen a silei pwe Paulus eman chon Rom, nge a fen föti ngeni sein.

Föför 24:27

Iwe, ruu ier mürin, Porkius Festus a siwili Feliks lon wisen kepina. Nge Feliks a mochen kütta an chen me ren ekewe chon Juta, iei mine a likiti Paulus lon imwen fötek.

Föför 28:20

Ina popun üa tüngor pwe üpwe churikemi o kapas ngenikemi. Pun ngang üa fötek pokiten än ekewe chon Israel apilükülük.”

Föför 3:13

Än Apraham, Isaak me Jakop we Kot, än ach kewe lewo we Kot a alingala nöün Chon Angang Jesus. Nge ämi oua atolonga lepöün ekewe souemwenin chon Juta o amamäsini i me mwen Pilatus, oua fen mwo nge föri ei, lupwen Pilatus a ekiekin angasala i.

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.

Föför 9:2

o tüngor ngeni an epwe makkei toropwen mwümwütä ngeni ekewe souemwen lon ekewe imwen felikis lon Tamaskus, pwe are epwe küna chokewe mi fetal won ewe Alen ach Samol, epwe tongeni fötekini mwän me fefin, o aliwiniir ngeni Jerusalem.

1. Timoty 6:13

Üa allük ngonuk mwen mesen Kot mi fang manau ngeni mettoch meinisin, pwal mwen mesen Kraist Jesus mi pwora le pwärätä an lükülük mwen mesen Pontius Pilatus,

2. Timoty 2:9

Pokiten ngang üa afalafala ewe Pworausen Manau, üa tolong lon riaföü, üa fen mwo nge föfö ngeni selimächä usun eman chon föföringau. Nge än Kot kapas esap föfö.

Ipru 13:3

Oupwe chechemeni chokewe mi nom lon imwen fötek, usun chök itä nge oua etiir le nom lon imwen fötek. Oupwe pwal chechemeni chokewe mi küna riaföü, usun chök nge itä oua püsin nom lon ewe riaföü.

Soukapwüng 15:12

Iwe, ekewe re Juta ra üreni Samson, “Äm aia feitiu reöm pwe aipwe fötuk o atolongok lepöün chon Filistia.” Nge Samson a üreniir, “Oupwe pwon fän akapel ngeniei pwe ousap püsin nieila.”