Mateus 27:1 - Chuukese Bible

¹ Iwe, lupwen a ränila, ekewe souasor mi lap meinisin me ekewe souakom ra pwüngüpwüngfengen usun ar repwe niela Jesus.

Mateus 27:1 Iomraidhean Croise

Kölfel 2:2

Ekewe king won fanüfan ra ütä, ekewe sounemenem ra pwüngüpwüngfengen usun ar repwe ü ngeni ewe Samol mi Lapalap, pwal ngeni nöün we mi kepit.

Kölfel 31:13

Ewer, üa rongorong pwe chomong ra möngününgün. Lupwen ra raweei usun ar repwe angei manauei, niuokus watte a nom pwelin ünüki.

Kölfel 71:10

Pun chon oputaei ra kapas usi, ra rawangauaei o mochen nieila.

Mika 2:1

Feiengauen chokewe mi ekiekietä mine a ngau o pwüngü rawangau me won kier. Lupwen a ränila, ra afisi mine ra ekieki, pun a nom rer ewe pöchökül ar repwe föri.

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Markus 15:1

Iwe, lupwen a ränila, ekewe souasor mi lap ra mwichfengen me ekewe souakom, ekewe Sensen Allük me unusen ewe mwichen soupwüng, pwe repwe pwüngüpwüngfengen won met repwe föri. Ra föti Jesus o etekinala ren Pilatus, pwe epwe apwüngü.

Lukas 13:1

Lon ena fansoun ekoch aramas ra nom ikenan, ra apworausa ngeni Jesus usun ekewe chon Kalilea Pilatus a niirela, pwe chaar a nofit ngeni chaan ar kewe mönün asor ra eäni asor ngeni Kot.

Lukas 22:66

Iwe, lupwen a ränila, ekewe souakomwen lamalam, ekewe souasor mi lap me ekewe Sensen Allük ra mwichfengen. Mürin ra etekinala Jesus mwen ewe mwichen souapwüng.

Johannes 18:28

Lesosorusich chök nge ra emwenala Jesus seni imwen Kaifas ngeni imwen ewe kepina. Nge ekewe nöüwisen chon Juta resap tolong lon ewe imw, pun ra mochen ar repwe limöch o apwönüetä pwüngün ar lamalam, lupwen repwe mongö ewe mongön Pasofer.

Föför 5:21

Iwe, ekewe soukünö ra aleasochisi alon ewe chon läng. Lupwen a ränila ra tolong lon ewe imwenfel o popuetä le afalafal. Lupwen ewe Souasor mi Lap me chiechian kewe ra war, ra körifengeni ekewe souakomwen chon Israel meinisin pwe epwe le fis eu mwichen soupwüng. Mürin ra tinala ekoch chon mas lon ewe imwen fötek, pwe repwe emwenato ekewe soukünö me mwer.

Soukapwüng 16:2

Nge lupwen ekewe chon Kasa ra rong pwe Samson a nom, ra pweliela ewe leni, ra operi o witiwiti lon unusen ewe pwin leasamalapen ewe telinimw. Iwe, ra mosonoson lon unusen ewe pwin, pun ra apasa, “Ousipwe witiwit tori a ränila lesosor, mürin sipwe niela.”

1. Samuel 19:11

Lon ewe pwinin Saul a tinala chon künö ren imwen Tafit pwe repwe aköürü Tafit, pun a ekiekin niela Tafit lon ewe sorotän. Nge Mikal pwülüen Tafit a üreni, “Are kosap kütta manauom lon ei pwinin, lesor kopwe ninnila.”