Mateus 26:70 - Chuukese Bible

⁷⁰ Nge Petrus a amam me mwer meinisin o üreni, “Ngang üsap silei mine ka kapas usun.”

Mateus 26:70 Iomraidhean Croise

Än Salomon Fos 28:26

Eman mi püsin apilükülükü, i eman chon tiparoch, nge eman mi apwönüetä än ekewe chon tipachem öüröür epwe manau.

Än Salomon Fos 29:23

Eman aramas mi lamalamtekia epwe küna tekison, nge eman aramas mi tekison epwe küna iteüöch.

Än Salomon Fos 29:25

Om niuokusiti aramas, iei eu sär fän itom, nge are ka apilükülükü ewe Samol mi Lapalap, kosap feiengau.

Aisea 57:11

Iwe, ewe Samol mi Lapalap a apasa, “Iö oua niueiti pwe oua chofana ngeniei, ousap pwal chechemeniei ika ekieki usi? Ifa usun, sap ren ai fanafanala ngenikemi fansoun langatam, iei popun ousap niueitiei?

Jeremaia 17:9

Letipen aramas a fokun atuputup lap seni mettoch meinisin, a unusen ingau. Iö a tongeni weweiti?

Mateus 26:51

Nge eman me lein chokewe mi nom ren Jesus a üttawu nöün ketilas o pöküela selingen nöün ewe Souasor mi Lap we chon angang.

Mateus 26:56

Nge ekei mettoch meinisin ra fis pwe epwe pwönüetä mine ekewe soufos ra makkei lon ekewe Toropwe mi Pin.” Mürin ekewe chon kaiö meinisin ra likitala Jesus o süla.

Mateus 26:58

Nge Petrus a tapwela mürin Jesus me toau tori ewe leni lükün imwen ewe Souasor mi Lap. A tolong lon ewe leni lükün o mottiu ren ekewe chon mas an epwe küna met epwe fis.

Mateus 26:69

Iwe, lupwen Petrus a nom lon ewe leni lükün imwen ewe Souasor mi Lap, eman föpwül nöün ewe Souasor mi Lap chon angang a feito ren o üreni, “En pwal eman mi eti Jesus seni Kalilea.”

Mateus 26:71

Mürin a feiliwu lon ewe al ngeni ewe asamalap. Iwe, pwal eman chon angang fefin a küna Petrus o üreni ekewe mwän mi nom ikenan, “Ei mwän a eti Jesus seni Nasaret.”

Lukas 22:57

Nge Petrus a amamäsini o üreni, “Fefin, ngang üsap silei ätewe.”

Nöün Paulus Toropwe ngeni ekewe Souläng lon Rom 11:20

Mi pwüng. Ra kuputiu pokiten resap lükü, nge ämi oua nomotiu lon lenier pokiten oua lükü. Iwe, ousap lamalamtekia usun ei, nge oupwe niuokus.

1. Korint 10:12

Iei mine iö a ekieki pwe a nüküchar, epwe fokun tümwünüfichi pwe esap turula.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”